ରାୟପୁର: ଛତିଶଗଡରେ ବଡ ଧରଣର ଏନକାଉଣ୍ଟର । ସେନାଙ୍କୁ ବଡ ସଫଳତା । ସେନା ଗୁଳିରେ ଦୁର୍ଦ୍ଦାନ୍ତ ମାଓ ନେତା ବାସବରାଜ ସହ ୩୦ ମାଓବାଦୀ ପୂରା ଶେଷ । ଛତିଶଗଡ଼ର ନାରାୟଣପୁରରେ ନକ୍ସଲ ଏବଂ ଡିଆରଜି ମିଳିତ ବାହିନୀ ମଧ୍ୟରେ ଏନକାଉଣ୍ଟର ଜାରି ରହିଥିବା ବେଳେ, ଏହି ଏନକାଉଣ୍ଟରରେ ପ୍ରାୟ ୩୦ ଜଣ ନକ୍ସଲ ନିହତ ହୋଇଥିବା ସୂଚନା ରହିଛି । ନାରାୟଣପୁର, ବିଜାପୁର ଏବଂ ଦାନ୍ତେୱାଡା ଜିଲ୍ଲାର ଡିଆରଜି ଏହି ଅପରେସନରେ ସାମିଲ ଥିବା ବେଳେ ଆଜି ସକାଳୁ ମାଡ ଅଞ୍ଚଳର ଜଙ୍ଗଲରେ ଏହି ଏନକାଉଣ୍ଟର ଚାଲିଛି । ଯେଉଁଥିରେ ଜଣେ ଯବାନଙ୍କ ଜୀବନ ଯାଇଥିବା ମଧ୍ୟ ସୂଚନା ରହିଛି ।
ଡିଆରଜିଯ ନକ୍ସଲ ବିରୋଧରେ ଏକ ବଡ଼ ଅପରେସନ୍ କରୁଥିବା ବେଳେ ଆଜି ସକାଳ ଠାରୁ ନକ୍ସଲ ଏବଂ ଡିଆରଜି ମିଳିତ ବାହିନୀ ମଧ୍ୟରେ ଏନକାଉଣ୍ଟର ଜାରି ରହିଛି। ଏହି ସମୟରେ, ଉତ୍ତର ପଶ୍ଚିମ ଉପ-ଡିଭିଜନାଲ ଇନଚାର୍ଜ ରୂପେଶଙ୍କ ଏନକାଉଣ୍ଟରରେ ଧରାପଡ଼ିବା ଖବର ମଧ୍ୟ ସାମ୍ନାକୁ ଆସୁଛି। ଶାନ୍ତି ଆଲୋଚନା ସମ୍ପର୍କରେ ତିନିଥର ଚିଠି ଜାରି କରାଯାଇଛି। ବର୍ତ୍ତମାନ, ନାରାୟଣପୁର, ଦାନ୍ତେୱାଡା, ବିଜାପୁର ଏବଂ କୋଣ୍ଡାଗାଓଁର ଡିଆରଜି କର୍ମଚାରୀମାନେ ଘଟଣାସ୍ଥଳରେ ଉପସ୍ଥିତ ଅଛନ୍ତି।
ମିଲିଥିବା ସୂଚନା ଅନୁଯାୟୀ, ଏନକାଉଣ୍ଟରରେ ପ୍ରାୟ ୩୦ ଜଣ ନକ୍ସଲ ନିହତ ହୋଇଥିବା ଜଣାପଡ଼ିଛି । ନକ୍ସଲ ନେତା ନାମ୍ବାଲା କେଶବ ରାଓ ଓରଫ ବାସବରାଜ ମଧ୍ୟ ଏଥିରେ ନିହତ ହୋଇଛି । ତେବେ ବାସବରାଜ ଉପରେ ୧ କୋଟି ଟଙ୍କାର ପୁରସ୍କାର ରହିଥିଲା । ଏହା ବ୍ୟତୀତ ଏନକାଉଣ୍ଟର ସ୍ଥଳରୁ ଏକେ ୪୭,ଇନସାସ୍ ରାଇଫଲ ଏବଂ ଅନେକ ଆଧୁନିକ ଅସ୍ତ୍ରଶସ୍ତ୍ର ଉଦ୍ଧାର ହୋଇଥିବା ସୂଚନା ମଧ୍ୟ ମିଳିଛି। ତେବେ ଏହି ଅପରେସନରେ କେତେ ନକ୍ସଲବାଦୀ ନିହତ ହୋଇଛନ୍ତି କିମ୍ବା ସେମାନଙ୍କର କୌଣସି ପ୍ରମୁଖ ନେତାଙ୍କୁ ଧରାଯାଇଛି କି ନାହିଁ କିମ୍ବା ହତ୍ୟା କରାଯାଇଛି ତାହାର କୌଣସି ସରକାରୀ ନିଶ୍ଚିତତା ମିଳିନାହିଁ ।
Comments are closed.