ମେଲବୋର୍ଣ୍ଣ: ଚଳିତ ଟି୨୦ ବିଶ୍ୱକପ କ୍ରିକେଟରେ ଅଷ୍ଟ୍ରେଲିଆ-ଇଂଲଣ୍ଡ ମଧ୍ୟରେ ହେବାକୁ ଥିବା ଗୁରୁତ୍ୱପୂର୍ଣ୍ଣ ମୁକାବିଲା ବର୍ଷା ଯୋଗୁ ବାତିଲ ହୋଇଯାଇଛି । ପ୍ରବଳ ବର୍ଷା ଯୋଗୁ ଗୋଟିଏ ବି ବଲ ଖେଳାଯିବା ସମ୍ଭବପର ହୋଇ ନ ଥିଲା । ଉଭୟ ଟିମ ଗୋଟିଏ ଲେଖାଁଏ ମ୍ୟାଚ ହାରିଥିବାରୁ ଏହା ସେମାନଙ୍କ ପାଇଁ ବେଶ ଗୁରୁତ୍ୱପୂର୍ଣ୍ଣ ଥିଲା । ଅଷ୍ଟ୍ରେଲିଆ ପ୍ରଥମ ମ୍ୟାଚରେ ନ୍ୟୁଜିଲାଣ୍ଡ ନିକଟରୁ ହାରିଥିଲେ ମଧ୍ୟ ପରବର୍ତୀ ମୁକାବିଲାରେ ଶ୍ରୀଲଙ୍କାକୁ ପରାସ୍ତ କରିଥିଲା । ଅପରପକ୍ଷରେ ଇଂଲଣ୍ଡ ତାର ପ୍ରଥମ ମ୍ୟାଚରେ ଆୟର୍ଲାଣ୍ଡଠାରୁ ହାରି ଯାଇଥିଲା ।
ଗ୍ରୁପ ୧ ପଂଏଟ ଟେବୁଲରେ ଉଭୟ ୩ ପଂଏଟ ଲେଖାଁଏ ପାଇଥିଲେ ମଧ୍ୟ ଅଷ୍ଟ୍ରେଲିଆ ଦ୍ୱିତୀୟ ଏବଂ ଇଂଲଣ୍ଡ ୪ର୍ଥ ସ୍ଥାନରେ ରହିଛି । ଟି୨୦ ଆନ୍ତର୍ଜାତୀୟ ମୁକାବିଲାରେ ଏହି ଦୁଇ ଟିମ ମଧ୍ୟରେ ସର୍ବଦା କଡା ମୁକାବିଲା ଦେଖିବାକୁ ମିଳିଛି । ଓଭରାଲ ୨୫ ମ୍ୟାଚରୁ ଇଂଲଣ୍ଡ ୧୧ ଓ ଅଷ୍ଟ୍ରେଲିଆ ୧୦ ମ୍ୟାଚରେ ବିଜୟୀ ହୋଇଛି । ୪ ମ୍ୟାଚ ଫଳାଫଳ ବିହୀନ ରହିଛି ।
Comments are closed.