ସ୍ପୋର୍ଟସ ବ୍ୟୁରୋ(ଓଡ଼ିଶା ସମ୍ବାଦ): ଅଷ୍ଟ୍ରେଲିଆର ୧୪ ବର୍ଷ ଅପେକ୍ଷାର ଅନ୍ତ ହୋଇଛି । ନ୍ୟୁଜିଲାଣ୍ଡକୁ ହରାଇ ଚଳିତ ଟି-ଟ୍ୱେଣ୍ଟି ବିଶ୍ୱକପ୍ ଚାମ୍ପିଅନ୍ ହୋଇଛି ଅଷ୍ଟ୍ରେଲିଆ । ଗତକାଲି ରୋମାଞ୍ଚକର ମୁକାବିଲାରେ ନ୍ୟୁଜିଲାଣ୍ଡକୁ ୮ ଓ୍ୱିକେଟରେ ହରାଇ ଟି-ଟ୍ୱେଣ୍ଟି ଟ୍ରଫି ନିଜ ନାଁରେ କରିଛି କଙ୍ଗାରୁ ବାହିନୀ । ଦୁବାଇରେ ଖେଳାଯାଇଥିବା ଫାଇନାଲ ମୁକାବିଲାରେ ୭ଟି ବଲ୍ ବାକି ଥାଇ ବିଜୟ ଲକ୍ଷ୍ୟ ହାସଲ କରିଥିଲା ।
ପ୍ରଥମେ ବ୍ୟାଟିଂ କରି ଅଷ୍ଟ୍ରେଲିଆ ଆଗରେ ୧୭୩ ରନ୍ ଟାର୍ଗେଟ ଠିଆ କରିଥିଲା ନ୍ୟୁଜିଲାଣ୍ଡ । ତୃତୀୟ ଓଭରରେ ପାଭିଲନ୍ ଫେରିଥିଲେ କ୍ୟାପଟେନ୍ ଆରୋନ୍ ଫିଞ୍ଚ । ପରେ ପାଳି ସମ୍ଭାଳିଥିଲେ ଡେଭିଡ୍ ଓ୍ୱାର୍ଣ୍ଣର ଓ ମିଚେଲ୍ ମାର୍ଶ । ନ୍ୟୁଜିଲାଣ୍ଡ ବୋଲରଙ୍କୁ ପ୍ରହାର କରିଥିଲେ । ଦୁହେଁ ୫୯ ବଲରେ ୯୨ ରନ୍ ପିଟିଥିଲେ । ଓ୍ୱାର୍ଣ୍ଣର ୩୮ ବଲରୁ ୫୩ ରନ୍ (୪ ଚୌକା, ୧ ଛକା)କରି ଆଉଟ୍ ହୋଇଥିଲେ ।
ପରେ ମିଚେଲ୍ ମାର୍ଶ ଓ ମ୍ୟାକ୍ସଓ୍ୱେଲ୍ ଯୋଡି ନ୍ୟୁଜିଲାଣ୍ଡ ହାତରୁ ମ୍ୟାଚ୍ ଛଡ଼ାଇ ଆଣିଥିଲେ । ୩୧ ବଲରୁ ୩ ଚୌକା ଓ ୪ଟି ଛକା ବଳରେ ଅର୍ଦ୍ଧଶତକ ପୂରା କରିଥିଲେ ମାର୍ଶ । ମ୍ୟାକ୍ସଓ୍ୱେଲ ଓ ମାର୍ଶ ଯୋଡ଼ି ୬୬ ରନ୍ ପାର୍ଟନରସିପ୍ କରିଥିଲେ । ଏହା ଫଳରେ ହାତରେ ୮ଟି ଓ୍ୱିକେଟ୍ ଓ ୭ଟି ବଲ୍ ବାକି ଥାଇ ଟାର୍ଗେଟ ପୂରଣ କରିଥିଲା ଅଷ୍ଟ୍ରେଲିଆ । ମାର୍ଶ ଅପରାଜିତ ୭୭ ଓ ମ୍ୟାକ୍ସଓ୍ୱେଲ୍ ୨୮ ରନ୍ କରିଥିଲେ ।
ନ୍ୟୁଜାଲିଣ୍ଡର ଓ୍ୱାର୍ଲଡ ଚାମ୍ପିଅନ୍ ହେବାର ସ୍ୱପ୍ନ ପୁଣି ଥରେ ଧୂଳିସାତ ହୋଇଛି । ରନର୍ସ ଅପରେ ସନ୍ତୁଷ୍ଟ ହୋଇଛି କିଓ୍ୱି ଦଳ । ୪ଟି ଆଇସିସି ଇଭେଣ୍ଟ ଫାଇନାଲରେ ୩ ଥର ନ୍ୟୁଜିଲାଣ୍ଡ ପରାଜୟର ସାମନା କରିଛି । ଅଧିନାୟକ ଓ୍ୱିଲିୟମସନ୍ ଓ ଟିମ୍ ଭଳ ଖେଳିଥିଲେ ବି ଟ୍ରଫି ଜିତିବା ଆଶା କେବଳ ଆଶାରେ ରହିଗଲା ।
BREAKING NEWS
- ଏୟାରଟେଲ୍ର ଖାସ୍ ପ୍ଲାନ, ବର୍ଷେ ଯାଏଁ ସବୁ ଫ୍ରି !
- ଅପରାଜିତା ଓ ଜୁଏଲ ଓରାମଙ୍କୁ ନୋଟିସ୍ : ୱାକଫ୍ ସଂଶୋଧନ ବିଲ୍ ପ୍ରସଙ୍ଗରେ ଅନୁପସ୍ଥିତି ନେଇ ପ୍ରଶ୍ନ
- ସୂର୍ଯ୍ୟକୁମାର ଯାଦବଙ୍କ ନାମରେ ଆସିଲା ମାରାତ୍ମକ ଅଭିଯୋଗ
- ଟିକେ ଅପେକ୍ଷା କରନ୍ତୁ… ୫୫ ହଜାରକୁ ଖସିଯିବ ସୁନା ଦର !
- କର୍କଟ ରାଶିରେ ମଙ୍ଗଳଙ୍କ ପ୍ରବେଶ, ଏହି ୩ ରାଶିର ବ୍ୟକ୍ତି ରୁହନ୍ତୁ ସତର୍କ..
- ସଂସଦରେ ପାକିସ୍ତାନ ଜିନ୍ଦାବାଦ !ରାଗି ଉଠିଲେ ନିର୍ମଳା
- କେଦାରନାଥ ଯାତ୍ରା ପୂର୍ବରୁ ଖଚରଙ୍କ ଠାରେ ଭାଇରସ ଚିହ୍ନଟ
- ଆଇପିଏଲ ଅଧାରୁ ସ୍ୱଦେଶ ପ୍ରତ୍ୟାବର୍ତନ କଲେ ଦକ୍ଷିଣ ଆଫ୍ରିକାର ଏହି ଷ୍ଟାର ବୋଲର
- ଦୁଗ୍ଧ ଉତ୍ପାଦନକୁ ବହୁଗୁଣିତ କରିବ ଅନ-କଲ୍ କୃତ୍ରିମ ପ୍ରଜନନ ସେବା
- ଭୁବନେଶ୍ୱରରେ ହେବ ୩ ନୂଆ ଗୃହ ନିର୍ମାଣ ପ୍ରକଳ୍ପ
Comments are closed.