ନୂଆଦିଲ୍ଲୀ: କରୋନାଭାଇରସକୁ ନଜରରେ ରଖି ଆୟୁଷ ମନ୍ତ୍ରାଳୟ ରୋଗ ପ୍ରତିରୋଧକ ଶକ୍ତି ବଢ଼ାଇ ସୁସ୍ଥ ରହିବା ପାଇଁ କିଛି ଗାଇଡଲାଇନ ଜାରି କରିଛି । ଯେହେତୁ ଏପର୍ଯ୍ୟନ୍ତ କୌଣସି ଔଷଧ ଆସିନି, ସେଥିପାଇଁ ନିଜର ରୋଗ ପ୍ରତିରୋଧକ ଶକ୍ତି ବୃଦ୍ଧି କରିବା ପାଇଁ ଏମିତି କିଛି ପଦକ୍ଷେପ ନେବା ଉଚିତ୍ ବୋଲି ମନ୍ତ୍ରାଳୟ ପରାମର୍ଶ ଦେଇଛି । ଆୟୁଷ ମନ୍ତ୍ରାଳୟ କିଛି ସାଧାରଣ ଉପାୟର ସୂଚୀ ପ୍ରସ୍ତୁତ କରିଛି ।
- ଦିନ ସାରା ଗରମ ପାଣି ପିଅନ୍ତୁ ।
- ପ୍ରତିଦିନ ଅତିକମରେ ୩୦ ମିନିଟ ଯୋଗାଭ୍ୟାାସ କରନ୍ତୁ ।
- ଖାଦ୍ୟ ପ୍ରସ୍ତୁତ କଲାବେଳେ ହଳଦୀ, ଜିରା ଓ ଧନିଆ ଭଳି ମସଲାର ବ୍ୟବହାର କରନ୍ତୁୁ ।
- ସକାଳେ ୧୦ ଗ୍ରାମ ଅର୍ଥାତ୍ ୧ ଚାମଚ ଚ୍ୟବନପ୍ରାଶ ଖାଆନ୍ତୁ( ମଧୁମେହ ରୋଗୀ ବିନା ସୁଗରର ଖାଆନ୍ତୁ) ।
- ଦିନକୁ ଥରେ କିମ୍ବା ୨ଥର ହର୍ବାଲ ଚା’ ପିଅନ୍ତୁ ।
- ୧୫୦ ମିଲି ଗରମ କ୍ଷୀରରେ ଅଧା ଚାମଚ ହଳଦୀ ମିଶାଇ ପିଇବାକୁ ପରାମର୍ଶ ଦେଇଛନ୍ତି ।