ନୂଆଦିଲ୍ଲୀ: ବାଂଲାଦେଶରେ ଚାଲିଥିବା ହିଂସାତ୍ମକ ବିରୋଧ ମଧ୍ୟରେ ବର୍ତ୍ତମାନ ସେଠାରେ ଥିବା ସଂଖ୍ୟାଲଘୁଙ୍କ ଉପରେ ସବୁଠୁ ବଡ ବିପଦ ଦେଖାଦେଇଛି । ଆକ୍ରମଣକାରୀଙ୍କ ଦ୍ୱାରା ହିନ୍ଦୁ ଘର ଏବଂ ମନ୍ଦିର ଉପରେ ହେଉଥିବା ଆକ୍ରମଣ କୁ ନେଇ ନିରନ୍ତର ଖବର ସାମ୍ନାକୁ ଆସୁଛି ।
ଭାରତ ସରକାର ମଧ୍ୟ କହିଛନ୍ତି ଯେ ବାଂଲାଦେଶରେ ସଂଖ୍ୟାଲଘୁଙ୍କ ସ୍ଥିତି ଉପରେ ନଜର ରଖିଛି । ଏହା ମଧ୍ୟରେ ବାଗେଶ୍ବର ଧାମ ସରକାର ଧିରେନ୍ଦ୍ର କୃଷ୍ଣ ଶାସ୍ତ୍ରୀ ମଧ୍ୟ ବାଂଲାଦେଶ ଏବଂ ସେଠାରେ ଥିବା ହିନ୍ଦୁଙ୍କ ପରିସ୍ଥିତି ସମ୍ପର୍କରେ ଭାରତ ସରକାରଙ୍କୁ ଏକ ବଡ଼ ଅପିଲ କରିଛନ୍ତି ।
ବାଗେଶ୍ୱର ଧାମ ସରକାର ଧିରେନ୍ଦ୍ର ଶାସ୍ତ୍ରୀ ଭାରତ ସରକାରଙ୍କୁ ନିବେଦନ କରିଛନ୍ତି ଏବଂ କହିଛନ୍ତି ଯେ, ବାଂଲାଦେଶରେ ବାସ କରୁଥିବା ହିନ୍ଦୁମାନଙ୍କ ପାଇଁ ସରକାର ବିଶେଷ ହୃଦୟ ସହିତ ଭାରତକୁ ଆସିବାକୁ ଅନୁମତି ଦେବା ଉଚିତ୍ । ନଚେତ୍ ସେହି ଲୋକମାନେ କୁଆଡେ ଯିବେ? ଧିରେନ୍ଦ୍ର ଶାସ୍ତ୍ରୀ କହିଛନ୍ତି ଯେ ବାଂଲାଦେଶରେ ହିନ୍ଦୁମାନଙ୍କ ଉପରେ ହେଉଥିବା ଅତ୍ୟାଚାର ଦ୍ୱାରା ସେ ଯନ୍ତ୍ରଣା ଅନୁଭବ କରୁଛନ୍ତି ।
ଧିରେନ୍ଦ୍ର ଶାସ୍ତ୍ରୀ ‘ଏକ୍ସ’ ରେ ଏକ ଭିଡିଓ ପୋଷ୍ଟ କରି କହିଛନ୍ତି ଯେ, ଟିଭି ଏବଂ ଗଣମାଧ୍ୟମରୁ ବାଂଲାଦେଶରେ ଘଟୁଥିବା ହଂସାତ୍ମକ ପରିସ୍ଥିତି ବିଷୟରେ ସେ ଜାଣିବାକୁ ପାଇଲେ । ସେ କହିଛନ୍ତି ଯେ ବାଂଲାଦେଶରେ ପରିସ୍ଥିତି ଦେଖି ସେ ଦୁଃଖିତ, ସେଠାରେ ବିଶୃଙ୍ଖଳା ଏବଂ ପଥର ଫିଙ୍ଗାଚାଲିଛି । ସେ ବାଂଲାଦେଶରେ ଶାନ୍ତି ପାଇଁ କାମନା କରିଛନ୍ତି । ବାଂଲାଦେଶରେ ବହୁତ ଅସୁବିଧା ଅଛିମ। ହିନ୍ଦୁ ଭାଇ ଓ ଭଉଣୀମାନେ ବାଂଲାଦେଶରେ ଅସୁବିଧାର ସମ୍ମୁଖୀନ ହେଉଛନ୍ତି । ମନ୍ଦିରଗୁଡିକ ଭଙ୍ଗାଯାଉଛି । ସେଠାରେ ବହୁତ ବିଶୃଙ୍ଖଳା ଚାଲିଛି ।
ସେହିପରି, ଧିରେନ୍ଦ୍ର ଶାସ୍ତ୍ରୀ ବାଂଲାଦେଶରେ ସଙ୍କଟର ସମ୍ମୁଖୀନ ହେଉଥିବା ହିନ୍ଦୁମାନଙ୍କୁ ଏକ ବାର୍ତ୍ତା ଦେଇଛନ୍ତି । ସେ କହିଛନ୍ତି ଯେ, ଆପଣମାନେ ଧର୍ଯ୍ୟ ଧରନ୍ତୁ ଏବଂ ଏକତା ବଜାୟ ରଖନ୍ତୁ । କାହାକୁ ବିରୋଧ କରନ୍ତୁ ନାହିଁ, ନମ୍ର ଓ ଭଦ୍ର ରୁହନ୍ତୁ ଯାହା ଦ୍ବାରା ଶାନ୍ତି ବିସ୍ତାର ବଜାୟ ରହିବ । ପ୍ରଭୁ ହନୁମାନ ଆପଣମାନଙ୍କୁ ସୁରକ୍ଷା ଦେବେ । ଏହା ସହ ସେ ହିନ୍ଦୁମାନଙ୍କୁ ହନୁମାନ ଚାଳିଶା ର“ସବ ସୁଖ ଲୈହେ ତୁମହାରୀ ସରନା – ତୁମ୍ ରକ୍ଷକ କାହୁ କୋ ଡରନା” ଚୌପାଇ ପାଠ କରିବାକୁ କହିଛନ୍ତି ।
Comments are closed.