ନୂଆଦିଲ୍ଲୀ:ଚଳିତ ଅଗଷ୍ଟ ମାସରେ ଭାରତୀୟ ବଜାରରେ ବଜାଜ ଅଟୋର ମୋଟ ବିକ୍ରି ସଂଖ୍ୟାରେ ବୃଦ୍ଧି ପାଇଛି। କମ୍ପାନୀ ଗତ ମାସରେ ମୋଟ ୪,୧୭,୬୧୬ ୟୁନିଟ୍ ବିକ୍ରି କରିଛି, ଯାହା ଅଗଷ୍ଟ ୨୦୨୪ ରେ ବିକ୍ରି ହୋଇଥିବା ୩,୯୭,୮୦୪ ୟୁନିଟ୍ ତୁଳନାରେ ପ୍ରାୟ ୫ ପ୍ରତିଶତ ଅଧିକ।
ଜୁଲାଇ ୨୦୨୫ ତୁଳନାରେ ବିକ୍ରିରେ ମଧ୍ୟ ଭଲ ବୃଦ୍ଧି ପଞ୍ଜୀକୃତ ହୋଇଛି। ଯେତେବେଳେ କମ୍ପାନୀ ୩,୬୬,୦୦୦ ୟୁନିଟ୍ ବିକ୍ରି କରିଥିଲେ।
ସୂଚନାଥାଉକି, ମୋଟ ବିକ୍ରିରେ ବୃଦ୍ଧି ଘଟିଥିଲା, କିନ୍ତୁ କମ୍ପାନୀ ଘରୋଇ ସ୍ତରରେ କ୍ଷତି ସହିଥିଲା। ଅଗଷ୍ଟ ୨୦୨୫ ରେ ବାଜାଜର ଘରୋଇ ବିକ୍ରି ୮ ପ୍ରତିଶତ ହ୍ରାସ ପାଇ ୨,୩୨,୩୯୮ ୟୁନିଟ୍ ହୋଇଥିଲା । ଅଗଷ୍ଟ ୨୦୨୪ ରେ ଏହି ସଂଖ୍ୟା ୨,୫୩,୮୨୭ ୟୁନିଟ୍ ଥିଲା। ଦୁଇଚକିଆ ଯାନ କ୍ଷେତ୍ରରେ ଏହି ହ୍ରାସ ଦେଖିବାକୁ ମିଳିଛି । ଘରୋଇ ବିକ୍ରି ୧୨ ପ୍ରତିଶତ ହ୍ରାସ ପାଇ ୧,୮୪,୧୦୯ ୟୁନିଟ୍ ହୋଇଛି।
ଅନ୍ୟପକ୍ଷରେ, ରପ୍ତାନି କମ୍ପାନୀର ବିକ୍ରିକୁ ମଜବୁତ କରିଛି, ଅଗଷ୍ଟ ୨୦୨୫ରେ, ବଜାଜ ଅଟୋ ରପ୍ତାନି ମାଧ୍ୟମରେ ମୋଟ ୧,୮୫,୨୧୮ ୟୁନିଟ୍ ବିକ୍ରି କରିଥିଲା, ଯାହା ଗତ ବର୍ଷ ୧,୪୩,୯୭୭ ୟୁନିଟ୍ ତୁଳନାରେ ୨୯ ପ୍ରତିଶତ ବୃଦ୍ଧି। ସେହି ସମୟରେ, ଦୁଇଚକିଆ ଯାନ ରପ୍ତାନି ବିଶେଷ ଭାବରେ ଭଲ ପ୍ରଦର୍ଶନ କରିଥିଲା ଏବଂ ୨୫ ପ୍ରତିଶତ ବୃଦ୍ଧି ପାଇ ୧,୫୭,୭୭୮ ୟୁନିଟ୍ ରେ ପହଞ୍ଚିଥିଲା।
ଆର୍ଥିକ ବର୍ଷ ୨୦୨୫ ର ପ୍ରଥମ ପାଞ୍ଚ ମାସରେ (ଏପ୍ରିଲ-ଅଗଷ୍ଟ) ବଜାଜ୍ ଅଟୋ ମୋଟ ୧୮,୯୪,୮୫୩ ୟୁନିଟ୍ ବିକ୍ରି କରିଛି, ଯାହା ଗତ ବର୍ଷର ସମାନ ସମୟର ୧୮,୫୪,୦୨୯ ୟୁନିଟ୍ ତୁଳନାରେ ୨ ପ୍ରତିଶତ ଅଧିକ। କିନ୍ତୁ ଘରୋଇ ବିକ୍ରି ୯ ପ୍ରତିଶତ ହ୍ରାସ ପାଇ ୧୦,୫୦,୩୪୯ ୟୁନିଟ୍ ହୋଇଛି, ରପ୍ତାନିରେ ୨୧ ପ୍ରତିଶତ ବୃଦ୍ଧି ଏହି ହ୍ରାସକୁ ସନ୍ତୁଳିତ କରିଛି।
Comments are closed.