Rahman Returns:୧୭ ବର୍ଷ ପରେ ଫେରିଲେ ତାରିକ୍ ରହମାନ, ଏହି କାରଣ ପାଇଁ ଛାଡ଼ିଥିଲେ ଜନ୍ମମାଟି… 

ନୂଆଦିଲ୍ଲୀ: ବାଂଲାଦେଶ ବର୍ତ୍ତମାନ ହିଂସା ତେଜୁଛି। ହିଂସା, ପୋଡ଼ାଜଳା ଏବଂ ଲୁଟପାଟ ଘଟଣା ଥମୁନାହିଁ। ଯୁବ ନେତା ସରିଫ ଓସମାନ ହାଦିଙ୍କ ମୃତ୍ୟୁ ପରେ ବାଂଲାଦେଶର ପରିସ୍ଥିତି ଆହୁରି ଖରାପ ହୋଇଛି। ତେବେ ଫେବୃଆରୀ ୨୦୨୬ ପାଇଁ ନିର୍ବାଚନ ଘୋଷଣା ହେବା ପରେ ଏହା ଘଟିଛି। ଏସବୁ ମଧ୍ୟରେ, ପୂର୍ବତନ ପ୍ରଧାନମନ୍ତ୍ରୀ ଖାଲେଦା ଜିଆଙ୍କ ପୁଅ ଏବଂ ବିଏନପିର କାର୍ୟ୍ୟକାରୀ ଅଧ୍ୟକ୍ଷ ତାରିକ ରହମାନ ୧୭ ବର୍ଷର ନିର୍ବାସନ ପରେ ବାଂଲାଦେଶ ଫେରି ଆସୁଛନ୍ତି ।

ପୂର୍ବତନ ବାଂଲାଦେଶ ପ୍ରଧାନମନ୍ତ୍ରୀ ଖାଲେଦା ଜିଆଙ୍କ ପୁଅ ଏବଂ ବିଏନପିର କାର୍ୟ୍ୟକାରୀ ଅଧ୍ୟକ୍ଷ ତାରିକ୍ ରହମାନ ଦେଢ଼ ଦଶନ୍ଧିରୁ ଅଧିକ ସମୟ ପରେ ଆଜି ଡିସେମ୍ବର ୨୫, ୨୦୨୫ ରେ ବାଂଲାଦେଶ ଫେରି ଆସିଛନ୍ତି। ରହମାନ ୨୦୦୮ ମସିହାରୁ ବ୍ରିଟେନରେ ନିର୍ବାସିତ ଜୀବନ କାଟୁଥିଲେ। ଶେଖ ହସିନାଙ୍କ ବିଦ୍ରୋହ ପରଠାରୁ ତାରିକ ରହମାନଙ୍କ ବାଂଲାଦେଶ ଫେରିବା ନେଇ କଳ୍ପନାଜଳ୍ପନା ଜୋର ଧରିଥିଲା। ଏବେ, ସେ ୧୭ ବର୍ଷ ପରେ ନିଜ ଦେଶକୁ ଫେରିଛନ୍ତି। ୨୦୨୬ ଫେବୃଆରୀରେ ବାଂଲାଦେଶରେ ସାଧାରଣ ନିର୍ବାଚନ ଅନୁଷ୍ଠିତ ହେବାକୁ ଯାଉଛି, ଯାହା ତାରିକ ରହମାନଙ୍କ ଦେଶକୁ ଫେରିବା ଗୁରୁତ୍ୱ ବହନ କରିବ ।

ଏବେ ପ୍ରଶ୍ନ ହେଉଛି, ତାରିକ ରହମାନଙ୍କୁ ଏତେ ଦିନ ପାଇଁ ନିର୍ବାସନରେ ରହିବାକୁ ପଡିଲା କାହିଁକି? ଖାଲେଦା ଜିଆଙ୍କ ପୁଅ ବିରୋଧରେ କ’ଣ ଅଭିଯୋଗ ଥିଲା ଯାହା ତାଙ୍କୁ ଦେଶ ବାହାରକୁ ବାହାର କରିଦେଇଥିଲା? ତାରିକ ରହମାନ ୨୦୦୮ ମସିହାରୁ ଲଣ୍ଡନରେ ନିର୍ବାସନରେ ରହୁଥିଲେ। ତାଙ୍କୁ ଅନେକ ଅପରାଧିକ ମାମଲାରେ ଦୋଷୀ ସାବ୍ୟସ୍ତ କରାଯାଇଥିଲା। ତାଙ୍କୁ ମନି ଲଣ୍ଡରିଂ ଏବଂ ଶେଖ ହାସିନାଙ୍କୁ ହତ୍ୟା କରିବା ପାଇଁ ଷଡ଼ଯନ୍ତ୍ର କରିବା ଅଭିଯୋଗରେ ଦୋଷୀ ସାବ୍ୟସ୍ତ କରାଯାଇଥିଲା। ତାରିକଙ୍କୁ ମଧ୍ୟ ଜେଲ ଯିବାକୁ ପଡିଲା। ଏହା ପରେ ତାଙ୍କୁ ଦେଶ ଛାଡିବାକୁ ପଡିଲା। ୧୭ ବର୍ଷ ପରେ ବାଂଲାଦେଶ ଫେରିଥିବା ଖାଲେଦା ଜିଆଙ୍କ ପୁଅ ତାରିକ ରହମାନଙ୍କୁ ମଧ୍ୟ ବାଂଲାଦେଶର ପରବର୍ତ୍ତୀ ପ୍ରଧାନମନ୍ତ୍ରୀ ପାଇଁ ସମ୍ଭାବ୍ୟ ପ୍ରାର୍ଥୀ ଭାବରେ ଦେଖାଯାଉଛି।

୨୦୨୪ ମସିହାରେ ଶେଖ ହସିନାଙ୍କ କ୍ଷମତାଚ୍ୟୁତ ହେବା ପରେ, ମହମ୍ମଦ ୟୁନୁସଙ୍କ ନେତୃତ୍ୱରେ ଏକ ମଧ୍ୟବର୍ତ୍ତୀକାଳୀନ ସରକାର ଗଠନ କରାଯାଇଥିଲା। ୟୁନୁସ ତାରିକ ରହମାନଙ୍କ ବିରୁଦ୍ଧରେ ସମସ୍ତ ଅଭିଯୋଗ ଏବଂ ଦଣ୍ଡ ପ୍ରତ୍ୟାହାର କରିନେଇଥିଲେ, ଯାହା ଫଳରେ ତାଙ୍କ ସ୍ୱଦେଶ ଫେରିବାର ସମ୍ଭାବନା ବୃଦ୍ଧି ପାଇଥିଲା।  ତାରିକ ରହମାନଙ୍କ ପିତା ଜିଆଉର ରହମାନଙ୍କ ପୁଅ। ଜିଆଉର ରହମାନ ବାଂଲାଦେଶର ମୁକ୍ତି ସଂଗ୍ରାମରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ। ଅଗଷ୍ଟ ୧୯୭୫ରେ, ଏକ ସାମରିକ ବିଦ୍ରୋହରେ ଶେଖ ମୁଜିବୁର ରହମାନଙ୍କୁ କ୍ଷମତାଚ୍ୟୁତ କରାଯାଇଥିଲା ଏବଂ ଏହି ବିଦ୍ରୋହ ସମୟରେ ତାଙ୍କୁ ହତ୍ୟା କରାଯାଇଥିଲା। ଜିଆଉର ରହମାନ ୧୯୭୭ ରୁ ୧୯୮୧ ପର୍ୟ୍ୟନ୍ତ ବାଂଲାଦେଶର ରାଷ୍ଟ୍ରପତି ଭାବରେ ମଧ୍ୟ କାର୍ୟ୍ୟ କରିଥିଲେ।