‘ନିଜ ପ୍ରତି ଦୟାଳୁ ହୁଅ’: ପରୀକ୍ଷା ପେ ଚର୍ଚ୍ଚାରେ ପିଲାଙ୍କୁ ଟିପ୍ସ ଦେଲେ ବିକ୍ରାନ୍ତ, ଭୂମି

ନୂଆଦିଲ୍ଲୀ: ପରୀକ୍ଷା ପାଖେଇ ପାଖେଇ ଆସିଲାଣି । ଏହାକୁ ନେଇ ପ୍ରଧାନମନ୍ତ୍ରୀ ମୋଦି ପରୀକ୍ଷା ପେ ଚର୍ଚ୍ଚା କାର୍ଯ୍ୟକ୍ରମରେ ସବୁ ବର୍ଷ ପିଲାମାନଙ୍କୁ ଉଦବୋଧନ ଦେଇଥାନ୍ତି । କିନ୍ତୁ ଏବେ ସେଲିବ୍ରିଟି ମାନେ ମଧ୍ୟ ପିଲାଙ୍କ ମନୋବଳ ବଢାଇବା ପାଇଁ ପରୀକ୍ଷା ପେ ଚର୍ଚ୍ଚା କାର୍ଯ୍ୟକ୍ରମରେ ଯୋଗ ଦେଇ, ପିଲାଙ୍କୁ ଉଦବୋଧନ ଦେଉଛନ୍ତି । ଏହି କ୍ରମରେ କେବଳ ପରୀକ୍ଷା ନୁହେଁ, ଜୀବନରେ ପାସ୍ କରିବା ପାଇଁ ଅଧ୍ୟୟନ କର ଏବଂ ଚ୍ୟାଲେଞ୍ଜିଂ ସମୟରେ ନିଜର ଶକ୍ତିକୁ ଚିହ୍ନଟ କର ବୋଲି ପିଲାଙ୍କୁ କହିଛନ୍ତି ଅଭିନେତା ବିକ୍ରାନ୍ତ ମାସେ ଏବଂ ଭୂମି ପେଡନେକର । ରବିବାର ପ୍ରସାରିତ ପ୍ରଧାନମନ୍ତ୍ରୀଙ୍କ ପରିକ୍ଷା ପେ ଚର୍ଚ୍ଚାରେ ଯୋଗ ଦେଇ ଏହି ଦୁଇ ଅଭିନେତାମାନେ ସେମାନଙ୍କର ସ୍କୁଲ ଅଭିଜ୍ଞତା, ପରୀକ୍ଷା ଚାପ, ଅଭିଭାବକଙ୍କ ଆଶା ଏବଂ ସ୍ଥିରତାର ଉପରେ ସମସ୍ତଙ୍କ ସହ ଆଲୋଚନା କରିଥିଲେ ।

୨୦୨୩ରେ ରିଲିଜ୍ ହୋଇଥିବା ଟ୍ବୁଏଲଥ୍ ଫେଲ୍ ସିନେମା ସମସ୍ତଙ୍କୁ ମୋଟିଭେଟ୍ କରିଥିବା ବେଳେ ଏହାର ଅଭିନେତା ବିକ୍ରାନ୍ତ ମାସି ପିଲାଙ୍କୁ ଏନେଇ ଦୃଶ୍ୟକରଣର ପାଓ୍ବାର ବିଷୟରେ ଆଲୋକପାତ କରିଛନ୍ତି । ଆମେ ସମସ୍ତେ ଜାଣୁ ଯେ କିପରି ଅବଚେତନ ଭାବରେ କଳ୍ପନା କରିବା । ଆପଣ ପ୍ରତିଦିନ ୧୦ ମିନିଟ୍ ବାହାର କରି ଆପଣଙ୍କର ଭାବନା ଏବଂ ଆପଣ କ’ଣ ହାସଲ କରିବାକୁ ଚାହୁଁଛନ୍ତି ତାହା ଏକ ଡାଏରୀରେ ଲେଖିନ୍ତୁ । ଏହା ଏକ ପ୍ରକାରର ମାନିଫେଷ୍ଟେସନ୍ ହେବ ବୋଲି ପିଲାଙ୍କୁ କହିଥିଲେ ବିକ୍ରାନ୍ତ ।

ସେ ଆହୁରି କହିଥିଲେ, ଭଲ ନମ୍ବର ପାଇବା ପାଇଁ କେବେବି ଅହଂକାରୀ ଅନୁଭବ କରନାହିଁ । ନିଜ ଆଖିକୁ ନୀଚ୍ଚ ଏବଂ ଚିନ୍ତାଧାରା ଉଚ୍ଚ ରଖିବାକୁ ପରାମର୍ଶ ଦେଇଥିଲେ ବିକ୍ରାନ୍ତ । କେବଳ ପରୀକ୍ଷା ନୁହେଁ, ଜୀବନରେ ବି ପାସ୍ କରିବା ପାଇଁ ପଢ଼ । ନିଜ ପ୍ରତି ଦୟାଳୁ ହୁଅ ଏବଂ ଯଦି ତୁମେ ତୁମର ଆଶା ପୂରଣ କରୁନାହଁ, ତେବେ ପୁଣି ଥରେ ମୂଳରୁ ଆରମ୍ଭ କର ।

ସେହିପରି ତାଙ୍କ ପିତାଙ୍କୁ ହରାଇବା ସମୟକୁ ମନେ ପକାଇ ଭୂମି କହିଥିଲେ, ଯେ ସେ ବହୁତ ଛୋଟ ଥିଲେ ଯେତେବେଳେ ସେ ଅନୁଭବ କରିଥିଲେ ଯେ ତାଙ୍କୁ ତାଙ୍କର ଶକ୍ତି ଉପରେ ଧ୍ୟାନ ଦେବାକୁ ପଡିବ । ସେହି ବୟସରେ ତୁମେ ଜାଣିପାରିବ ନାହିଁ ଯେ ତୁମ ସହିତ ଏତେ ବଡ଼ ଦୁର୍ଭାଗ୍ୟଜନକ ଘଟଣା ଘଟିଛି । ମୁଁ କେବଳ ଜାଣିଥିଲି ଯେ ମୋତେ ମୋର ଶକ୍ତି ଅନୁସାରେ କାମ କରିବାକୁ ପଡିବ । ତେଣୁ ଚ୍ୟାଲେଞ୍ଜିଂ ସମୟରେ ତୁମର ଶକ୍ତିକୁ ଚିହ୍ନଟ କର । ଶିଖିବାର ନୂତନ ଉପାୟକୁ ଅନୁସନ୍ଧାନ କର । ଯେମିତିକି ଯେତେବେଳେ ମୋତେ କିଛି ଭିଜୁଆଲ ଦିଆଯାଏ, ମୁଁ ଏହାକୁ ଭିନ୍ନ ଉପାୟରେ ବୁଝିବାକୁ ଚେଷ୍ଟା କରେ । ଏଥିସହିତ ସେ ଦମ୍ ଲଗା କେ ହୈଶା ବିଷୟରେ ମଧ୍ୟ କହିଥିଲେ । ଏଥିସହିତ ଚାପକୁ ନିୟନ୍ତ୍ରଣ କରିବା ପାଇଁ ତାଙ୍କୁ ପରାମର୍ଶ ଦେବାକୁ ପଚରାଯିବାରୁ, ଭୂମି କହିଥିଲେ, ଚିନ୍ତାଗ୍ରସ୍ତ ନୁହେଁ, ଜଣେ ଯୋଦ୍ଧା ହୁଅ । ଆଧ୍ୟାତ୍ମିକ ହେବା ଆପଣଙ୍କୁ ଭୂମିଷ୍ଠ ଏବଂ କେନ୍ଦ୍ରିତ କରିଥାଏ ।

ତେବେ ପୂର୍ବରୁ, ବକ୍ସର ମେରୀ କମ୍, ଆଧ୍ୟାତ୍ମିକ ନେତା ସଦଗୁରୁ ଏବଂ ବଲିଉଡ୍ ଷ୍ଟାର ଦୀପିକା ପାଦୁକୋନଙ୍କ ପରି ଜଣାଶୁଣା ବ୍ୟକ୍ତି ମଧ୍ୟ ପରୀକ୍ଷା ପେ ଚର୍ଚ୍ଚା କାର୍ଯ୍ୟକ୍ରମରେ ଯୋଗ ଦେଇ ଜୀବନ ଏବଂ ଶିକ୍ଷାର ପ୍ରମୁଖ ଦିଗଗୁଡ଼ିକ ଉପରେ ସେମାନଙ୍କର ଅଭିଜ୍ଞତା ଏବଂ ଜ୍ଞାନ ଛାତ୍ରଛାତ୍ରୀମାନଙ୍କ ସହିତ ବାଣ୍ଟିଥିଲେ ।