ମୁମ୍ବାଇ: ଚର୍ଚ୍ଚାରେ ଅପକମିଂ ଫିଲ୍ମ ‘ଭୁଲଭୁଲେୟା-୨’ । ନିଦେ୍ର୍ଧଶକ ତଥା ଲେଖକ ଅନୀସ ବଜ୍ମୀଙ୍କ ଏହି ଫିଲ୍ମର ଲିଡ୍ ରୋଲରେ କାର୍ତ୍ତିକ ଆରୟନ୍ ନଜର ଆସିବେ । ତାଙ୍କ ସହ କମେଡିଆନ୍ ରାଜପାଲ ଯାଦବ ମଧ୍ୟ ନଜର ଆସିବେ । ଫିଲ୍ମ ‘ଭୁଲ୍ଭୁଲେୟା’ରେ ରାଜପାଲ ନିଜ କମେଡିରେ ଲୋକଙ୍କୁ ଖୁବ୍ ହସାଇଥିଲେ । ଦର୍ଶକ ଫିଲ୍ମରେ ତାଙ୍କ ଅଭିନୟକୁ ବେଶ୍ ପସନ୍ଦ ମଧ୍ୟ କରିଥିଲେ । ତେବେ ଏହି ଫିଲ୍ମରେ ମଧ୍ୟ ତାଙ୍କୁ କମେଡିଆନ୍ ଭୂମିକାରେ ଦେଖିବାକୁ ମିଳିବ ।
‘ଭୁଲ୍ଭୁଲେୟା-୨’ ନେଇ ରାଜପାଲ କହିଛନ୍ତି, ମୋତେ ବହୁତ ଖୁସି ଲାଗୁଛି । ଦର୍ଶକଙ୍କୁ ବହୁତ ଧନ୍ୟବାଦ ଯେ ମୋର ରୋଲ୍କୁ ଏତେ ପସନ୍ଦ କରିଛନ୍ତି । ଏହି ଫିଲ୍ମକୁ ନେଇ ମୁଁ ବେଶ୍ ଉତ୍ସାହିତ ବୋଲି ସେ କହିଛନ୍ତି ।
ସୂଚନାଯୋଗ୍ୟ ଯେ, ‘ଭୁଲଭୁଲେୟା-୨’ ୨୦୦୭ରେ ରିଲିଜ ହୋଇଥିବା ଫିଲ୍ମ ‘ଭୁଲଭୁଲେୟା’ର ସିକ୍ଲେଲ । ହେଲେ ଏହାର କାହାଣୀ ପୂରା ଅଲଗା । ଏହି ଫିଲ୍ମର ଲିଡ୍ ରୋଲରେ କାର୍ତ୍ତିକ ଆରୟନ ଥିବା ବେଳେ ତାଙ୍କ ଅପଜିଟରେ କିଆରା ଆଡଭାନୀ ନଜର ଆସିବେ ।
