ଭୁବନେଶ୍ୱର: କମୁଛି ଶୀତ, ବଢ଼ୁଛି ପାରଦ । ୨ ଦିନ ହେଲା ରାଜଧାନୀ ଭୁବନେଶ୍ୱରରେ ତାପମାତ୍ରା ବଢ଼ିବାରେ ଲାଗିଛି । ଗତକାଲି ରାଜଧାନୀରେ ପାରଦ ୩୮ ଡିଗ୍ରୀ ରେକର୍ଡ କରାଯାଇଥିବା ବେଳେ ଆଜି ୩୯.୪ ଡିଗ୍ରୀ ରେକର୍ଡ ହୋଇଛି । ଏଥିସହ ଗତକାଲି ଭଳି ଭୁବନେଶ୍ୱର ଆଜି ରାଜ୍ୟର ସବୁଠୁ ଉତ୍ତର ସହର ପାଲଟିଛି । ଗତକାଲି ଭୁବନେଶ୍ୱର ଦେଶର ଉତ୍ତପ୍ତ ସହର ପାଲଟିଥିଲା ।
Highest Maximum temperature of 39.4 °C was recorded at Bhubaneswar, and was today's highest day temperature among all stations in Odisha pic.twitter.com/IlvakOvUcq
— Meteorological Centre, Bhubaneswar (@mcbbsr) February 25, 2021
ଗତ ୧୦ ବର୍ଷ (୨୦୧୧-୨୦) ମଧ୍ୟରେ ଫେବ୍ରୁଆରୀ ମାସରେ ଭୁବନେଶ୍ୱରରେ ସର୍ବାଧିକ ତାପମାତ୍ରା ୪୦.୯ ଡିଗ୍ରୀ ୨୦୧୬ ମସିହା ଫେବ୍ରୁଆରୀ ୨ରେ ରେକର୍ଡ କରାଯାଇଥିଲା । ଆଜି ରାଜ୍ୟର ୧୫ଟି ସ୍ଥାନରେ ତାପମାତ୍ରା ୧୫ ଡିଗ୍ରୀ ସେଲସିୟସ୍ ଉପରେ ରହିଛି । ଆଗକୁ ରାଜ୍ୟର ବିଭିନ୍ନ ସ୍ଥାନର ତାପମାତ୍ରା ୨ରୁ ୪ ଡିଗ୍ରୀ ଯାଏ ବୃଦ୍ଧି ପାଇବ ବୋଲି ପାଣିପାଗ ବିଭାଗ ଆକଳନ କରିଛି ।
#Bhubaneswar top the list of highest day maximum temperature with 39.4 °C. #15places of Odisha records above 35 °C. Yesterday's highest day temperature of 38 °C at #Bhubaneswar was #highest in the #country. pic.twitter.com/y7TC9x9jov
— Meteorological Centre, Bhubaneswar (@mcbbsr) February 25, 2021
ଆଜି ବାଲେଶ୍ୱରରେ ସର୍ବାଧିକ ତାପମାତ୍ରା ୩୫.୪ ଡିଗ୍ରୀ ଥିବାବେଳେ ଚାନ୍ଦବାଲିରେ ୩୬.୨ ଡିଗ୍ରୀ, କଟକରେ ୩୭ ଡିଗ୍ରୀ, ଅନୁଗୁଳରେ ୩୭.୭ ଡିଗ୍ରୀ, ବାରିପଦାରେ ୩୮ ଡିଗ୍ରୀ, ସମ୍ବଲପୁରରେ ୩୬.୨ ଡିଗ୍ରୀ, ହୀରାକୁଦରେ ୩୬.୧ ଡିଗ୍ରୀ, ତାଳଚେରରେ ୩୭.୧ ଡିଗ୍ରୀ, ଭବାନୀପାଟଣାରେ ୩୬ ଡିଗ୍ରୀ, ବଲାଙ୍ଗିରରେ ୩୭ ଡିଗ୍ରୀ, ଟିଟିଲାଗଡ଼ରେ ୩୭.୬ ଡିଗ୍ରୀ, ମାଲକାନଗିରିରେ ୩୫ ଡିଗ୍ରୀ ଓ ସୋନପୁରରେ ୩୫.୮ ଡିଗ୍ରୀ ରେକର୍ଡ କରାଯାଇଛି ।