Rules To Change From Today: ଆଜିଠାରୁ ବଦଳିବ ଏହି ନିୟମ: ସାଧାରଣ ଲୋକଙ୍କ ବଜେଟକୁ କରିବ ପ୍ରଭାବିତ

ନୂଆଦିଲ୍ଲୀ: ଆମ ଦେଶରେ ମାସ ପରିବର୍ତ୍ତନ ହେବା ମାତ୍ରେ ଦୈନନ୍ଦିନ ଜୀବନର ଅନେକ ନିୟମରେ ବଡ଼ ପରିବର୍ତ୍ତନ ଆସୁଛି। ସେପ୍ଟେମ୍ବର ମାସ ଆରମ୍ଭ ହୋଇଗଲାଣି। ଏପରି ପରିସ୍ଥିତିରେ, ସାଧାରଣ ନାଗରିକଙ୍କ ପକେଟ ଏବଂ ସେମାନଙ୍କ କାମ ସହିତ ଜଡିତ କିଛି ନିୟମ ପରିବର୍ତ୍ତନ ହେଉଛି। ଅର୍ଥାତ୍ ସେପ୍ଟେମ୍ବର ପହିଲା ବା ଆଜି ଠାରୁ ବଦଳିବ ନିୟମ। ଯାହା ସାଧାରଣ ଲୋକଙ୍କ ବଜେଟକୁ କିଛି ମାତ୍ରାରେ ପ୍ରଭାବିତ କରିବ। ୧ ସେପ୍ଟେମ୍ବରରୁ ପରିବର୍ତ୍ତନ ହେବାକୁ ଥିବା ନିୟମରେ ଏସବିଆଇ କ୍ରେଡିଟ କାର୍ଡ ଶୁଳ୍କ ବୃଦ୍ଧି ଠାରୁ ଆରମ୍ଭ କରି ଆଧାର କାର୍ଡ ଅପଡେଟ ସମ୍ବନ୍ଧରେ ରହିଛି। କିଛି ନିୟମ ସାଧାରଣ ଲୋକଙ୍କ ସୁବିଧା ପାଇଁ ଥିବା ବେଳେ କିଛି ନିୟମ ସାଧାରଣ ଲୋକଙ୍କ ପକେଟ ଉପରେ ପ୍ରଭାବ ପକାଇବ।

ଆଜିଠୁ ନୂତନ ପରିବର୍ତ୍ତନ କ’ଣ…

• GSTରେ ପରିବର୍ତ୍ତନ
• UPS ଶେଷ ତାରିଖ ସେପ୍ଟେମ୍ବରରେ ଶେଷ ହେଉଛି
• ସମସ୍ତ ଡାକ ପୋଷ୍ଟ ଏବେ ସ୍ପିଡ ପୋଷ୍ଟ ଅଧିନକୁ ଆସିବ
• ଏହି ନିୟମ ରୁପା କ୍ରୟରେ ଲାଗୁ ହେବ
• ITR ପୂରଣ କରିବାର ଶେଷ ତାରିଖ
• LPG ଗ୍ୟାସ ସିଲିଣ୍ଡର ମୂଲ୍ୟରେ ପରିବର୍ତ୍ତନ

GSTରେ ପରିବର୍ତ୍ତନ

ପ୍ରଧାନମନ୍ତ୍ରୀ ମୋଦି ଘୋଷଣା କରିଛନ୍ତି ଯେ GSTରେ ଖୁବ୍ ଶୀଘ୍ର ନୂତନ ସଂସ୍କାର ହେବାକୁ ଯାଉଛି। ଏହା ସହିତ, ସରକାର ଏବେ କେବଳ ଦୁଇଟି ସ୍ଲାବ୍ ୫% ଏବଂ ୧୨% ରଖିବାକୁ ଯାଉଛନ୍ତି। ଏହି ସମୟରେ, GST ପରିଷଦ ବୈଠକ ୩ ଏବଂ ୪ ସେପ୍ଟେମ୍ବର ୨୦୨୫ ରେ ଅନୁଷ୍ଠିତ ହେଉଛି। କୁହାଯାଉଛି ଯେ ବୈଠକରେ GST ସ୍ଲାବ୍ ସମ୍ପର୍କରେ ଏକ ବଡ଼ ନିଷ୍ପତ୍ତି ନିଆଯାଇପାରେ।

ସେପ୍ଟେମ୍ବରରେ UPS ଶେଷ ତାରିଖ ଶେଷ ହେଉଛି
ଜାତୀୟ ପେନସନ ଯୋଜନା ଅଧୀନରେ ଥିବା କେନ୍ଦ୍ର ସରକାରୀ କର୍ମଚାରୀମାନଙ୍କୁ ୟୁନିଫାଏଡ୍ ପେନସନ ଯୋଜନା ବାଛିବା ପାଇଁ ସେପ୍ଟେମ୍ବର ୩୦ ଯାଏ ସମୟ ଦିଆଯାଇଛି। ପୂର୍ବରୁ ସରକାର ଏହାର ଶେଷ ତାରିଖ ଜୁନ୍ ୩୦ ତାରିଖ ଧାର୍ଯ୍ୟ କରିଥିଲେ। କିନ୍ତୁ ପରେ ଏହାକୁ ସେପ୍ଟେମ୍ବର ୩୦ ପର୍ଯ୍ୟନ୍ତ ବୃଦ୍ଧି କରାଯାଇଥିଲା। ଆପଣଙ୍କୁ ଜଣାଇ ଦେଉଛୁ ଯେ ୟୁନିଫାଏଡ୍ ପେନସନ ଯୋଜନା ହେଉଛି କେନ୍ଦ୍ର ସରକାରଙ୍କ ଦ୍ୱାରା ଆରମ୍ଭ ହୋଇଥିବା ଏକ ନୂତନ ପେନସନ ଯୋଜନା।

ଭାରତୀୟ ଡାକ ସେବା ସ୍ପିଡ୍ ପୋଷ୍ଟ ସହିତ ମିଶ୍ରଣ
ଯଦି ଆପଣ ସେପ୍ଟେମ୍ବର ୧ରୁ ଦେଶରେ ପୋଷ୍ଟ ମାଧ୍ୟମରେ କିଛି ପଠାନ୍ତି, ତେବେ ସେହି ଜିନିଷ କେବଳ ସ୍ପିଡ୍ ପୋଷ୍ଟ ମାଧ୍ୟମରେ ଯିବ, କାରଣ ଭାରତୀୟ ଡାକ ସେବାକୁ ସ୍ପିଡ୍ ପୋଷ୍ଟ ସହିତ ମର୍ଜ କରାଯାଇଛି। ଅର୍ଥାତ୍, ଆପଣଙ୍କ ଦ୍ୱାରା ପଠାଯାଇଥିବା ପୋଷ୍ଟ ସ୍ପିଡ୍ ପୋଷ୍ଟ ମାଧ୍ୟମରେ ସମାପ୍ତ ହେବ।

ଏହି ନିୟମ ରୁପା କ୍ରୟରେ ଲାଗୁ ହେବ

ସୁନା ଭଳି ରୁପାର ହଲମାର୍କକୁ ବାଧ୍ୟତାମୂଳକ କରିବାକୁ ଯୋଜନା କରୁଛନ୍ତି ସରକାର। ରୁପାର ଆଭୂଷଣ କିମ୍ବା ସାମଗ୍ରୀ କିଣିବା ଉପରେ ହଲମାର୍କ ବାଧ୍ୟତାମୂଳକ ହେବ ନାହିଁ। ଏହି ନିୟମ ଆସିଲେ ରୁପାର ମୂଲ୍ୟରେ ପରିବର୍ତ୍ତନ ଦେଖାଦେଇପାରେ। ରୁପାରେ ନିବେଶକୁ ପ୍ରଭାବିତ କରିପାରେ।

ଏସବିଆଇ କ୍ରେଡିଟ କାର୍ଡରେ ପ୍ରତି କାରବାରରେ ରିୱାର୍ଡ ପଏଣ୍ଟ ଗ୍ରାହକଙ୍କୁ ମିଳିବନି। ଅଟୋ ଡେବିଟ୍ ବିଫଳ ହେଲେ ଏସବିଆଇ ପକ୍ଷରୁ ୨ ପ୍ରତିଶତ ଜରିମାନା ଲାଗୁ ହୋଇପାରେ। ପ୍ରତିମାସ ଭଳି ଏଲପିଜି ଗ୍ୟାସ୍ ସିଲିଣ୍ଡର ଦରରେ ପରିବର୍ତ୍ତନ ଦେଖିବାକୁ ମିଳିପାରେ। ସେହିପରି ଅର୍ନ୍ତଜାତୀୟ ତେଲ ଦର ଉପରେ ଏଲପିଜି ଗ୍ୟାସ୍ ସିଲିଣ୍ଡରର ଦର ନିର୍ଭର କରେ। ଗତମାସରେ ଏଲପିଜି ଗ୍ୟାସ୍ ଦର ସ୍ଥିର ରହିଥିଲା।

କିଛି ବ୍ୟାଙ୍କ ଏଟିଏମ ବ୍ୟବହାରକୁ ନେଇ ନୂଆ ନିୟମ ଲାଗୁ କରିପାରନ୍ତି। ନିର୍ଦ୍ଧାରିତ ସୀମା ଠାରୁ ଅଧିକଥର ଏଟିଏମରୁ ଟଙ୍କା ଉଠାଇଲେ ଅଧିକ ଟ୍ରାଞ୍ଜାକସନ ଶୁଳ୍କ ଦେବାକୁ ପଡିପାରେ। ବାରମ୍ବାର ଏଟିଏମରୁ ଟଙ୍କା ଉଠାଉଥିବା ଗ୍ରାହକଙ୍କୁ ଲାଗିପାରେ ଝଟକା। ମାଗଣାରେ ଆଧାରକାର୍ଡ ଅପଡେଟ କରିବାର ଶେଷ ତାରିଖ ୧୪ ସେପ୍ଟେମ୍ବର ଯାଏଁ ରହିଛି। ଆଜି ଠାରୁ ଏହା ଲାଗୁ ହେବ।