ନୂଆଦିଲ୍ଲୀ: ବିଶ୍ୱରେ ହଜାର ହଜାର ପ୍ରଜାତିର ସାପ ରହିଛନ୍ତି, ଯେଉଁମାନେ ନିଜ ନିଜର ବିଶେଷତା ଓ ବିପଦ ସ୍ତର ପାଇଁ ଜଣାଶୁଣା। କେତେକ ସାପ ଅତ୍ୟନ୍ତ ବିଷାକ୍ତ ହୋଇଥିବା ବେଳେ ଅନ୍ୟ କେତେକ ବିଷାକ୍ତ ନୁହନ୍ତି। କିନ୍ତୁ ଯେତେବେଳେ ସାପ କାମୁଡ଼ିବାର ଘଟଣା ଘଟେ, ତୁରନ୍ତ ଡାକ୍ତରଙ୍କ ସହ ପରାମର୍ଶ କରି ଜୀବନ ବଞ୍ଚାଇବା ପାଇଁ ଅତ୍ୟନ୍ତ ଜରୁରୀ। ତେବେ ସାପ କାମୁଡ଼ିଲେ କେତେ ସମୟ ଜୀବିତ ରହିହେବ? ଏବଂ ଏହାର ପ୍ରତିକାର ପାଇଁ କ’ଣ କରିବା ଉଚିତ? ଆସନ୍ତୁ ଜାଣିବା…
ବିଶେଷଜ୍ଞଙ୍କ ମତରେ, ସାପ ବିଷର ପ୍ରଭାବ ତାର ପ୍ରଜାତି ଏବଂ ବିଷର ମାତ୍ରା ଉପରେ ନିର୍ଭର କରେ। ବିଶ୍ୱର ସବୁଠାରୁ ବିଷାକ୍ତ ସାପ ମଧ୍ୟରେ ଅଷ୍ଟ୍ରେଲିଆର ଇନଲ୍ୟାଣ୍ଡ ତାଇପାନ, କିଙ୍ଗ କୋବ୍ରା ଏବଂ ଭାରତର ରସେଲ ଭାଇପର ଭଳି ସାପ ରହିଛନ୍ତି। ଏହି ସାପମାନଙ୍କର ବିଷ ଏତେ ଶକ୍ତିଶାଳୀ ଯେ କାମୁଡ଼ିବାର କିଛି ମିନିଟରୁ ଘଣ୍ଟା ମଧ୍ୟରେ ମଣିଷର ଜୀବନ ବିପଦରେ ପଡ଼ିପାରେ। ଉଦାହରଣ ସ୍ୱରୂପ, ଇନଲ୍ୟାଣ୍ଡ ତାଇପାନର ବିଷ ଏକ କାମୁଡ଼ରେ ୧୦୦ ଜଣ ମଣିଷଙ୍କୁ ମାରିପାରେ ବୋଲି କୁହାଯାଏ। ଅନ୍ୟପକ୍ଷେ, ବିଷରହିତ ସାପ ଯେମିତି ପାଇଥନ କିମ୍ବା ରାଟ ସ୍ନେକ କାମୁଡ଼ିଲେ କୌଣସି ବିଷ ଶରୀରରେ ପ୍ରବେଶ କରେ ନାହିଁ, କିନ୍ତୁ ସଂକ୍ରମଣର ଆଶଙ୍କା ରହିଥାଏ।
ସାପର ବିଷର ପ୍ରଭାବ ଶରୀରରେ କାମୁଡ଼ିବା ସ୍ଥାନ, ବିଷର ମାତ୍ରା ଏବଂ ବ୍ୟକ୍ତିର ଶାରୀରିକ ଅବସ୍ଥା ଉପରେ ନିର୍ଭର କରେ। ସାଧାରଣତଃ ଅତ୍ୟନ୍ତ ବିଷାକ୍ତ ସାପ ଯେମିତି କୋବ୍ରା କିମ୍ବା ଭାଇପର କାମୁଡ଼ିଲେ ୩୦ ମିନିଟରୁ ୮ ଘଣ୍ଟା ମଧ୍ୟରେ ବିଷ ଶରୀରରେ ବ୍ୟାପି ଜୀବନ ବିପଦରେ ପକାଇପାରେ। ତେବେ ଯଦି ସଠିକ ସମୟରେ ଆଣ୍ଟି-ଭେନମ ଦିଆଯାଏ, ତେବେ ଜୀବନ ବଞ୍ଚାଇବା ସମ୍ଭବ। ଭାରତରେ ପ୍ରତି ବର୍ଷ ପ୍ରାୟ ୫୦,୦୦୦ ଲୋକ ସାପ କାମୁଡ଼ିବା ଯୋଗୁ ପ୍ରାଣ ରାଉଛନ୍ତି, ଯାହାର ମୁଖ୍ୟ କାରଣ ହେଉଛି ସମୟରେ ଚିକିତ୍ସାର ଅଭାବ।
ଭାରତ ଭଳି ଦେଶରେ, ଯେଉଁଠାରେ ଗ୍ରାମାଞ୍ଚଳ ଓ ଜଙ୍ଗଲ ଅଞ୍ଚଳରେ ସାପ କାମୁଡ଼ିବାର ଘଟଣା ଅଧିକ, ସେଠାରେ ସଚେତନତା ଓ ଶିକ୍ଷା ଅତ୍ୟନ୍ତ ଆବଶ୍ୟକ। ସରକାର ଓ ସ୍ଥାନୀୟ ସଂଗଠନମାନେ ଗ୍ରାମାଞ୍ଚଳରେ ଆଣ୍ଟି-ଭେନମର ଉପଲବ୍ଧତା ବଢ଼ାଇବା ସହ ଲୋକମାନଙ୍କୁ ସାପ କାମୁଡ଼ିବାର ପ୍ରାଥମିକ ଚିକିତ୍ସା ବିଷୟରେ ଶିକ୍ଷିତ କରିବା ଉଚିତ। ଏହା ସହ ଜଙ୍ଗଲ କିମ୍ବା ଖୋଲା ଅଞ୍ଚଳକୁ ଯିବା ସମୟରେ ଉଚିତ ଜୋତା ଓ ଲୁଗା ପିନ୍ଧିବା ଏବଂ ସତର୍କ ରହିବା ଆବଶ୍ୟକ।
Comments are closed.