ଭୁବନେଶ୍ୱର: ବିଜେଡି ସପ୍ତମ ପର୍ଯ୍ୟାୟ ପ୍ରାର୍ଥୀ ତାଲିକା ଘୋଷଣା କରିଛି। ଘୋଷଣା ହୋଇଥିବା ଛଅ ବିଧାନସଭା ଆସନରୁ ବରୀ ବିଧାୟକ ସୁନନ୍ଦା ଦାସ, ହିନ୍ଦୋଳ ବିଧାୟିକା ସୀମାରାଣୀ ନାୟକ ଏବଂ ବାଲିକୁଦା ଏରସମାରୁ ରଘୁ ନନ୍ଦନ ଦାସ ଏବଂ ରାଘନାଥପାଲିରୁ ସୁବ୍ରତ ତରାଇଙ୍କ ଟିକେଟ୍ କଟିଛି।
ଢେଙ୍କାନାଳର ସାଂସଦ ମହେଶ ସାହୁଙ୍କୁ ହିନ୍ଦୋଳ ବିଧାନସଭା ପ୍ରାର୍ଥୀ ଭାବେ ଦଳ ଟିକେଟ୍ ଦେଇଛି। ରଘୁନାଥପାଲି ଆସନ ପାଇଁ ଅର୍ଚ୍ଚନା ରେଖା ବେହେରା, ବାଲିକୁଦା-ଏରସମାରେ ସାରଦା ପ୍ରସନ୍ନ ଜେନାଙ୍କୁ ଟିକେଟ୍ ଦେଇଛି ଦଳ। ସେହିପରି କାକଟପୁରରୁ ବିଧାୟକ ତୁଷାରକାନ୍ତି ବେହେରା ପୁଣିଥରେ ପ୍ରାର୍ଥୀ ହୋଇଛନ୍ତି। ବାଙ୍ଗିରିପୋଷିରୁ ରଞ୍ଜିତା ମାର୍ଣ୍ଡି, ଏବଂ ବରୀରୁ ବିଶ୍ୱ ରଞ୍ଜନ ମଲ୍ଲିକ ପ୍ରାର୍ଥୀ ହୋଇଛନ୍ତି।
କିନ୍ତୁ ରଘୁନାଥପାଲିରୁ ସୁବ୍ରତ ତରାଇ ପ୍ରାର୍ଥୀ ହୋଇନଥିଲେ ବି ନବାଗତ ପ୍ରାର୍ଥୀ ତାଙ୍କ ଧର୍ମପତ୍ନୀ । ସେହିପରି ବାଙ୍ଗିରିପୋଷୀ ପାଇଁ ଘୋଷଣା ହୋଇଥିବା ପ୍ରାର୍ଥୀ ଏବେର ମନ୍ତ୍ରୀ ତଥା ସାଂସଦ ପ୍ରାର୍ଥୀ ସୁଦାମ ମାର୍ଣ୍ଡିଙ୍କ ପତ୍ନୀ ରଞ୍ଜିତା । ସାରଦା ପ୍ରସନ୍ନ ଜେନା ୨୦୧୯ ଏପ୍ରିଲରେ ବିଜେଡିରେ ଯୋଗ ଦେଇଥିଲେ। ଏବେ ସେ ବାଲିକୁଦା ପ୍ରାର୍ଥୀ ହୋଇଛନ୍ତି। ୨୦୧୯ ନିର୍ବାଚନରେ ବରୀରୁ ୬୮,୪୯୭ ଖଣ୍ଡ ଭୋଟ ପାଇଥିଲେ ବିଜେପି ପ୍ରାର୍ଥୀ ବିଶ୍ୱରଞ୍ଜନ ମଲ୍ଲିକ। କିନ୍ତୁ ପରେ ୨୦୨୧ ଅକ୍ଟୋବରରେ ସେ ବିଜେଡିରେ ଯୋଗ ଦେଇଥିଲେ।
Comments are closed.