ଭୁବନେଶ୍ୱର: ଆଜି ବସୁଛି ବିଜେଡି କାର୍ଯ୍ୟକାରିଣୀ ବୈଠକ । ଦଳୀୟ କାର୍ଯ୍ୟାଳୟରେ ସକାଳ ସାଢ଼େ ୧୦ଟାରେ ଏହି ବୈଠକ ବସିବ । ସଭାପତିତ୍ୱ କରିବେ ବିଜେଡି ସୁପ୍ରିମୋ ନବୀନ ପଟ୍ଟନାୟକ । ବୈଠକରେ ୮୦ ଜଣ କାର୍ଯ୍ୟକାରିଣୀର ସଦସ୍ୟ ଯୋଗ ଦେବେ ।
ଗୁରୁମନ୍ତ୍ର ଦେବେ ନବୀନ
କାର୍ଯ୍ୟକାରିଣୀରେ ବିଜେଡି ପ୍ରସ୍ତୁତ କରିବ ରାଜନୈତିକ ଚିଠା ପ୍ରସ୍ତାବ । ଫୋକସରେ ରହିବ ଦଳର ସାଂଗଠନିକ କାର୍ଯ୍ୟକ୍ରମ । ବର୍ତ୍ତମାନ ବିଜେଡି ସଭ୍ୟ ସଂଖ୍ୟା କୋଟିଏରୁ ଅଧିକ ହେଲାଣି । ଆଜିର କାର୍ଯ୍ୟକାରିଣୀରେ ରାଜନୈତିକ ଓ ସାଂଗଠନିକ ପ୍ରସ୍ତାବ ପାରିତ କରାଯିବ । ଆଗକୁ ପଞ୍ଚାୟତ ଓ ପୌର ନିର୍ବାଚନ ରହିଛି । ଏଥିପାଇଁ ବି ରଣନୀତି ପ୍ରସ୍ତୁତ କରିବ ବିଜେଡି ।
ପ୍ରସ୍ତୁତ ହେବ ରଣନୀତି
ସାମ୍ପ୍ରତିକ ବିଭିନ୍ନ ଗୁପୁତ୍ୱପୂର୍ଣ୍ଣ ପ୍ରସଙ୍ଗରେ ବି ଆଲୋଚନା ହୋଇପାରେ। ଦଳୀୟ ନେତାଙ୍କୁ ଗୁରୁ ମନ୍ତ୍ର ଦେବେ ସୁପ୍ରିମୋ ନବୀନ ପଟ୍ଟନାୟକ । କଣ କହିବେ ତାଉପରେ ସମସ୍ତଙ୍କର ନଜର ରହିଛି । ଆଜି କାର୍ଯ୍ୟକାରିଣୀ ଓ ଆସନ୍ତାକାଲି ଦଳର ରାଜ୍ୟ ପରିଷଦ ବୈଠକ ବସିବ । ଏହାପରେ ଆସନ୍ତା ୨୬ ତାରିଖରେ ବିଜେଡିର ପ୍ରତିଷ୍ଠା ଦିବସ ରହିଛି । ଏନେଇ ବି ଆଲୋଚନା ହୋଇପାରେ ।