ବ୍ରହ୍ମପୁର : ଶପଥ ନେଲେ ବ୍ରହ୍ମପୁର ମେୟର ସଂଘମିତ୍ରା ଦଳେଇ । ବ୍ରହ୍ମପୁରର ନବ ନିର୍ବାଚିତ ମେୟର ଭାବେ ସଂଘମିତ୍ରା ଦଳେଇ ଶପଥ ପାଠ କରିଥିଲେ । ତା ସହ ଆଜି ୪୨ ଜଣ କର୍ପୋରେଟର ଶପଥ ନେଇଛନ୍ତି । ବ୍ରହ୍ମପୁରର ସର୍ବାଙ୍ଗୀନ ଉନ୍ନତି ପାଇଁ ପ୍ରୟାସ କରିବା ବୋଲି ସଂଘମିତ୍ରା କହିଥିଲେ । ବ୍ରହ୍ମପୁର ଟାଉନ ଥାନା ଅଧିନ ବଡ ସାହିର ବାସିନ୍ଦା ହେଉଛନ୍ତି ସଂଘମିତ୍ରା ।
ସେ ଗଞ୍ଜାମ ଲ କଲେଜରୁ ଏଲଏଲବି ପାସ୍ କରିଛନ୍ତି । ସେ ଜଣେ ଆଇନଜୀବୀ ମଧ୍ୟ । ସମାଜସେବାରେ ନିଜକୁ ନିୟୋଜିତ ରଖିଥାନ୍ତି ସଂଙ୍ଘମିତ୍ରା । ସେ ଗଞ୍ଜାମ ଜିଲ୍ଲାରେ ବିଜେଡି ସଭାନେତ୍ରୀ ଥିଲେ ।ତେଣୁ ତାଙ୍କୁ ମେୟର ଭାବେ ନିର୍ବାଚନ ଲଢିବା ପାଇଁ ବିଜେଡି ଟିକେଟ ଦେଇଥିଲା । ବ୍ରହ୍ମପୁର ମହାନଗର ନିଗମରେ ଆୟୋଜିତ ଶପଥ ଗ୍ରହଣ ଉତ୍ସବରେ ବ୍ରହ୍ମପୁର ବିଧାୟକ ମଧ୍ୟ ଯୋଗଦେଇଥିଲେ ।
Comments are closed.