ଭୁବନେଶ୍ୱର: ରାଜ୍ୟରେ ଧାନ କିଣା ଅବ୍ୟବସ୍ଥାକୁ ନେଇ ବିଜେପି ଚାଷୀଙ୍କ ସ୍ୱାର୍ଥ ପାଇଁ ଆରମ୍ଭ କରିଥିବା ଆନ୍ଦୋଳନକୁ ନିର୍ଣ୍ଣାୟକ ମୋଡ ଯାଏ ନିଆଯିବ ବୋଲି କହିଛନ୍ତି ରାଜ୍ୟ ବିଜେପି ସାଧାରଣ ସଂପାଦକ ପୃଥ୍ୱୀରାଜ ହରିଚନ୍ଦନ ।
ଏକ ପ୍ରେସମିଟରେ ସେ କହିଛନ୍ତି, ୨୦୨୨ ସୁଦ୍ଧା ଚାଷୀଙ୍କ ଆୟ ୨ ଗୁଣ କରିବାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଘୋଷଣା କରିଛନ୍ତି । ଏପଟେ ରାଜ୍ୟ ସରକାରଙ୍କ ଅପାରଗତା କାରଣରୁ ମାସେ ଡେରିରେ ମଣ୍ଡି ଖୋଲା ହୋଇଥିଲା । ରାଜ୍ୟ ସରକାର ଓ ମିଲରଙ୍କ ଅସାଧୁ ମେଣ୍ଟ ପାଇଁ ଚାଷୀ ମଣ୍ଡିରେ ଧାନ ବିକି ନ ପାରି ହଇରାଣ ହେଉଛି । ଚାଷୀଙ୍କ ପାଖରେ ଟୋକନ ପହଞ୍ଚି ପାରୁନାହିଁ । ତେଣୁ ମଣ୍ଡିରେ ହଜାର ହଜାର ବସ୍ତା ଧାନ ପଡି ରହିଛି । ତା ଛଡା ସରକାର ମଣ୍ଡିଗୁଡିକ ପାଇଁ ଟାର୍ଗେଟ ନିର୍ଧାରିତ କରିଥିବାରୁ ଚାଷୀଙ୍କ ଧାନ ବିକ୍ରି ହୋଇନପାରି ପଡି ରହିଛି ।
ଧାନ କିଣା ସମସ୍ୟାକୁ ନେଇ ସମ୍ବଲପୁରରେ ସମାବେଶ ବେଳେ ବହୁ ବିଜେପି ନେତାଙ୍କୁ ପୋଲିସ ଗିରଫ କରିଥିଲା । କିନ୍ତୁ ସମାଧାନ ପାଇଁ ରାତି ସୁଦ୍ଧା କୌଣସି ଅଧିକାରୀ କି ସରକାରଙ୍କ ପ୍ରତିନିଧି ଆଲୋଚନା ପାଇଁ ନ ଆସିବା ଦୁର୍ଭାଗ୍ୟଜନକ ବୋଲି ପୃଥ୍ୱୀରାଜ କହିଛନ୍ତି ।
ସରକାର ତୁରନ୍ତ ଆଲୋଚନା କରି ଧାନ କିଣା ସମସ୍ୟାର ସମାଧାନ କରନ୍ତୁ ବୋଲି ଦାବି କରିଛନ୍ତି ପୃଥ୍ୱୀରାଜ । ମଣ୍ଡିରେ ଗଦା ହୋଇଥିବା ଧାନକୁ ଉଠାନ୍ତୁ ବୋଲି ସେ କହିଛନ୍ତି । ନ ହେଲେ ଚାଷୀଙ୍କ ସ୍ୱାର୍ଥ ପାଇଁ ଆରମ୍ଭ ହୋଇଥିବା ଆନ୍ଦୋଳନକୁ ନିର୍ଣ୍ଣାୟକ ମୋଡ ଯାଏ ନେବାକୁ ବିଜେପି ପ୍ରସ୍ତୁତ ଥିବା ଚେତାବନୀ ଦେଇଛନ୍ତି ପୃଥ୍ୱୀରାଜ । ଗିରଫ ହୋଇଥିବା ସବୁ ବିଜେପି ନେତା ଥାନାରେ ଧାରଣା ଦେବେ ବୋଲି ମଧ୍ୟ ସେ ଚେତାଇ ଦେଇଛନ୍ତି ।
BREAKING NEWS
- ୨୦୨୭ ପଞ୍ଜାବ ନିର୍ବାଚନ ପୂର୍ବରୁ ବିଜେପିର ବଡ଼ ପଦକ୍ଷେପ: ଇସ୍ତାହାର କମିଟିରେ ରାଘବ ଚଢ଼ା ଓ ହରଭଜନ ସିଂହ ସାମିଲ
- ୧୩ ନୂତନ ଏକଲବ୍ୟ ଆଦର୍ଶ ଆବାସିକ ବିଦ୍ୟାଳୟ ଉଦ୍ଘାଟିତ
- Maritime Security:ସମୁଦ୍ର ଡକାୟତି ଓ ଆତଙ୍କବାଦ ବିରୋଧରେ ଭାରତ ଓ ସୋମାଲିଆ ଏକଜୁଟ; ସାମୁଦ୍ରିକ ସୁରକ୍ଷା ନେଇ ଆଲୋଚନା
- ଏସିଆ ରଗ୍ବୀ ଏମିରେଟ୍ସ ଅଣ୍ଡର-୨୦ ସେଭେନ୍ସ ଚାମ୍ପିୟନସିପ୍: ବ୍ରୋଞ୍ଜ ଜିତିଲେ ଭାରତୀୟ ମହିଳା ଦଳ
- ଡାକ୍ତର ଭୂମିକାରେ ନଜର ଆସିବେ ସୂର୍ଯ୍ୟା, ‘ଜୟ ଭୀମ୍’ ପରେ ପୁଣି ଟିଜେ ଗନାନବେଲଙ୍କ ସହ କରିବେ କାମ
- ଆଇସିସିର ବଡ଼ ନିଷ୍ପତ୍ତି: ଭାରତରେ ଖେଳାଯିବ ୨୦୨୯ ଚାମ୍ପିୟନ୍ସ ଟ୍ରଫି, ୨୦୩୧ ବିଶ୍ୱକପ୍
- କାର୍ଯ୍ୟରତ ଡାକ୍ତରଙ୍କୁ ଦୁର୍ବ୍ୟବହାର,ସୁରକ୍ଷାକର୍ମୀଙ୍କୁ ମାଡ଼;ଅଭିଯୁକ୍ତଙ୍କୁ ଉଠାଇ ନେଲା ପୋଲିସ
- ‘ପଞ୍ଚାୟତ ସିଜିନ୍-୫’କୁ ଅପେକ୍ଷା କରିଥିବା ଦର୍ଶକଙ୍କୁ ନିରାଶ କଲେ ନିର୍ମାତା…
- ‘ସାହିତ୍ୟ ଓ ଆମେ’ ବିଷୟକୁ ନେଇ ସାହିତ୍ୟ ଚର୍ଚ୍ଚା, ଟେକନୋଲୋଜିର ବ୍ୟବହାର ସହ ବହି ପଢ଼ିବାକୁ ପରାମର୍ଶ
- ଗମ୍ଭୀରଙ୍କ ବୟାନକୁ ନେଇ ଜୋର ଧରିଲା ଚର୍ଚ୍ଚା, ଟାର୍ଗେଟରେ ରୋହିତ-କୋହଲି କି ?
Comments are closed.