ମାସ୍କ ପିନ୍ଧି ନଥିଲେ ଦୋକାନୀ ଦେବେନି ଜିନିଷ, ଜାରି ହେଲା ଆଡଭାଇଜରି

ଭୁବନେଶ୍ୱର: ମାସ୍କ ନଥିଲେ ପ୍ରବେଶ ମନା । ମାସ୍କ ପିନ୍ଧି ନଥିଲେ ଦୋକାନୀ ଦେବେନି ସାମଗ୍ରୀ । ରାଜଧାନୀ ଭୁବନେଶ୍ୱର କୋଭିଡ୍ ସଂକ୍ରମଣ ହୁ ହୁ ହୋଇ ବଢ଼ି ଚାଲିଥିବା ବେଳେ ବିଏମସି ପକ୍ଷରୁ ଜାରି ହୋଇଛି ଆଡଭାଇଜରି । ବଢ଼ି ଚାଲିଥିବା କୋଭିଡ୍ ସଂକ୍ରମଣକୁ ଦେଖି ବିଏମସି ଭୁବନେଶ୍ୱରରେ କୋଭିଡ୍ କଟକଣାକୁ କଡ଼ାକଡ଼ି କରିଛି । ରାଜଧାନୀରେ ମାସ୍କ ପିନ୍ଧିବା ବାଧ୍ୟତାମୂଳକ କରାଯାଇଛି ।

BMC has issued the below advisory for all concerned to be cautious & follow appropriate #COVID behaviour like wearing #Mask properly covering nose & mouth, maintaining #SocialDistancing, #HandHygiene.
"No Mask No Entry/No Mask No Goods"#BMCFightsCOVID @CMO_Odisha @IPR_Odisha pic.twitter.com/WtJcWp1dde

— BMC (@bmcbbsr) July 16, 2022

ମାସ୍କ ପିନ୍ଧିବା ବେଳେ ଏହା ମୁହଁ ଓ ନାକକୁ ସମ୍ପୂର୍ଣ୍ଣ କଭର କରିବ । ଏପରିକି ବିଭିନ୍ନ ବ୍ୟବସାୟ ପ୍ରତିଷ୍ଠାନ ଓ ଦୋକାନୀ ବିନା ମାସ୍କରେ ଆସୁଥିବା ଗ୍ରାହକଙ୍କୁ ସାମଗ୍ରୀ ଦେବେ ନାହିଁ । ଦୋକାନ ବାହାରେ ମାସ୍କ ନଥିଲେ, ପ୍ରବେଶ ମନା ଏବଂ ସାମଗ୍ରୀ ମନା ବୋର୍ଡ ଲଗାଇବାକୁ ବିଏମସି ଦୋକାନୀଙ୍କୁ କହିଛି । ସେହିଭଳି ପେଟ୍ରୋଲ୍ ପମ୍ପରେ ମଧ୍ୟ ମାସ୍କ ପିନ୍ଧି ନଥିଲେ ନଦେବାକୁ କୁହାଯାଇଛି ।

ସରକାରୀ କାର୍ଯ୍ୟାଳୟ ସହ ବିଭିନ୍ନ ବେସରକାରୀ କାର୍ଯ୍ୟାଳୟରେ ମାସ୍କ ପିନ୍ଧିବେ କର୍ମଚାରୀ । ତାଛଡ଼ା ସମସ୍ତେ ସାମାଜିକ ଦୂରତା ରକ୍ଷା କରିବା ସହ ସର୍ବସାଧାରଣ ସ୍ଥାନରେ ଛେପ ପକାଇବାକୁ ବାରଣ କରାଯାଇଛି । କେହି ଏସବୁର ଉଲ୍ଲଂଘନ କଲେ ଆଇନ୍ ଅନୁସାରେ କାର୍ଯ୍ୟାନୁଷ୍ଠାନ ନିଆଯିବ ବୋଲି ବିଏମସି ପକ୍ଷରୁ କୁହାଯାଇଛି ।