ଉତ୍ତର ପ୍ରଦେଶ : ମିର୍ଜାପୁରରେ ଅଘଟଣ । ମିର୍ଜାପୁର ମା ବିନ୍ଧ୍ୟବାସିନୀ ମନ୍ଦିରକୁ ଲୋକମାନେ ଯିବା ସମୟରେ ଓଲଟିଲା ଡଙ୍ଗା । ୬ ଜଣ ପାଣିରେ ବୁଡିଯାଇ ନିଖୋଜ ଥିବା ଖବର ସାମ୍ନାକୁ ଆସିଛି । ନିଖୋଜଙ୍କ ମଧ୍ୟରୁ ତିନିଜଣ ମହିଳା ଓ ୩ ଜଣ ଶିଶୁ ଥିବା ଜଣାପଡ଼ିଛି । ମା ବିନ୍ଧ୍ୟବାସିନୀଙ୍କ ମନ୍ଦିରକୁ ଦର୍ଶନ ପାଇଁ ଲୋକମାନେ ଯାଉଥିବା ସମୟରେ ଏପରି ଅଘଟଣ ଘଟିଛି ।
ଡଙ୍ଗାରେ ୧୨ ଜଣ ଯାତ୍ରୀ ଯାତ୍ରା କରୁଥିଲେ ।ଅନ୍ୟ ୬ ଜଣଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଛି । ନିଖୋଜ ମାନଙ୍କୁ ଖୋଜା ଚାଲିଛି। ଡଙ୍ଗାରେ ସକ୍ଷମଠାରୁ ଅଧିକ ଲୋକ ବସିଥିବାରୁ ଡଙ୍ଗା ଭାରସାମ୍ୟ ହରାଇ ବୁଡି ଯାଇଥିଲା ।ପୂର୍ବରୁ ୨୦୨୧ ମସିହା ଆରମ୍ଭରୁ ମଧ୍ୟ ବିନ୍ଧ୍ୟାଚଳରେ ଏପରି ବଡ ଦୁର୍ଘଟଣା ହୋଇଥିଲା। ବିନ୍ଧ୍ୟାଚଳ ଶିବପୁର ରାମଗୟା ଘାଟରେ ଡଙ୍ଗା ବୁଡିଯାଇଥିଲା।
