ଭୁବନେଶ୍ବର : ଗତବର୍ଷ ଭଳି ଏଥର ବି ବୋଲବମ୍ ଉପରେ ଲାଗିଲା କଟକଣା । କରୋନା କାରଣରୁ ଚଳିତ ବର୍ଷ ବି ବୋଲବମ୍ ଉପରେ କଟକଣା ଲଗାଇଛନ୍ତି ରାଜ୍ୟ ସରକାର । ଏ ନେଇ ସ୍ବତନ୍ତ୍ର ରିଲିଫ କମିସନରଙ୍କ ପକ୍ଷରୁ ନିର୍ଦ୍ଦେଶାନାମା ଜାରି କରାଯାଇଛି ।
ନିର୍ଦ୍ଦେଶ ମୁତାବକ, କୌଣସି ଧାର୍ମିକ ସ୍ଥାନରୁ ଜଳ ଉଠାଇ ପାରିବେନି କାଉଡିଆ । ଏହାସହ ଜଳ ନେଇ ସର୍ବସାଧାରଣ ରାସ୍ତାରେ ଯାଇପାରବେନି । ପାଣି ନେଇ କାଉଡିଆମାନେ ଶିବ ମନ୍ଦିରକୁ ଯାଇ ପାରିବେନି ବୋଲି ଏସଆରସି ନିର୍ଦ୍ଦେଶ ଦେଇଛନ୍ତି । କରୋନା ସଂକ୍ରମଣକୁ ଦୃଷ୍ଟିରେ ରଖି ଏଭଳି ନିଷ୍ପତ୍ତି ନିଆଯାଇଛି ।