ମୁମ୍ବାଇ: ଫିଲ୍ମ ମନ୍ସୁନ୍ ୱେଡିଂରେ କ୍ୟାରିୟର ଆରମ୍ଭ କରିଥିଲେ ଅଭିନେତା ରଣଦୀପ ହୁଡ୍ଡା । ଏବେ ମନ୍ସୁନ୍ରେ ୱାଇଲ୍ଡ ଲାଇଫର ମଜା ନେଉଛନ୍ତି । ଫିଲ୍ମରେ ସବୁବେଳେ ଭର୍ସାଟାଇଲ୍ କିର୍ଦାରରେ ନଜର ଆସୁଥିବା ରଣଦୀପ ଶେଷଥର ପାଇଁ ଓଟିଟି ପ୍ଲାଟ୍ଫର୍ମରେ ରିଲିଜ ହୋଇଥିବା ଏକ୍ସଟ୍ରାକ୍ସନ୍ରେ ନଜର ଆସିଥିଲେ । ତେବେ ନିକଟରେ ଏହି ଅଭିନେତା ନିଜର ସ୍ୱପ୍ନକୁ ସତ କରିଥିବା ଖୋଦ ସୋସିଆଲ ମିଡିଆରେ ଜଣାଇଛନ୍ତି ।
ଜଙ୍ଗଳରେ ଚିତାବାଘ ଦେଖିବାକୁ ସ୍ୱପ୍ନ ଦେଖିଥିଲେ ରଣଦୀପ । ତେବେ ବୁଧବାର ସେ ନିଜର ସ୍ୱପ୍ନକୁ ପୂରଣ କରିଥିବା ନେଇ ଟୁଇଟ୍ ଜରିଆରେ ଜଣାଇଥିଲେ । ଲକ୍ଡାଉନ୍ ପରେ ସେ ପ୍ରଥମ ଥର ପାଇଁ ଘରୁ ବାହାରି ଝଲାନା ସଫାରୀ ପାର୍କରେ ପହଂଚିଥିଲେ । ଭିଡିଓରେ ଖୋଦ ରଣଦୀପ ଏକ ଚିତାବାଘର ଫଟୋ ଉଠାଉଥିବା ଦେଖିବାକୁ ମିଳିଛି ।
ପର୍ସନାଲକୁ ବାଦ୍ ଦେଲେ ପ୍ରଫେସ୍ନାଲ ଲାଇଫରେ ରଣଦୀପ ନିକଟରେ ଫିଲ୍ମ ରାଧେର ସୁଟିଂ ସାରିଥିଲେ । ଏଥିରେ ସେ ସୁପରଷ୍ଟାର ସଲମାନ ଖାନଙ୍କ ସହ ଅନସ୍କ୍ରିନ୍ ସେୟାର କରିବେ । ଏହି ଆକ୍ସନ ପ୍ୟାକ୍ଡ ମୁଭି ପରେ ତାଙ୍କୁ ଏକ କମେଡି ଫ୍ଲିକରେ ମଧ୍ୟ ଦେଖିବାକୁ ମିଳିବ । ଯାହାର ଟାଇଟଲ୍ ଅନ୍ଫେୟାର୍ ଆଣ୍ଡ ଲଭଲି ଥିବାବେଳେ ଇଲିଆନା ଡି କ୍ରୁଜି ଫିମେଲ୍ ଲିଡ୍ ରୋଲ୍ରେ ନଜର ଆସିବେ ।
Comments are closed.