ନୂଆଦିଲ୍ଲୀ: ୨୦୨୨ ବଲିଉଡ୍ ପାଇଁ ଅନେକ ଅପସ୍ ଆଣ୍ଡ୍ ଡାଉନ୍ସ୍ ଆଣିଥିଲା । ହେଲେ ସେଲିବ୍ରିଟି ପର୍ସନାଲ ଲାଇଫ୍ ରେ ଅନେକ ଖୁସି ସାଉଁଟିଛନ୍ତି । ଅନେକ ତାରକା ନିଜ ଘରକୁ ନୂଆ ସଦସ୍ୟ ଆଣିଛନ୍ତି ଓ ଆଉ କେତେ ଜଣ ବାପା ମାଆ ହେବାର ଖୁସି ଅପେକ୍ଷାରେ ରହିଛନ୍ତି ।
ଷ୍ଟାର କପଲ୍ ପ୍ରିୟଙ୍କା ଚୋପ୍ରା ଓ ନିକ୍ ଜନ୍ସ ଜାନୁଆରୀରେ ସରୋଗେସୀ ଜରିଆରେ ଶିଶୁକନ୍ୟାର ପିତାମାତା ହୋଇଥିବା ସୋସିଆଲ ମିଡିଆରେ କହିଥିଲେ । ଜାନୁଆରୀରେ ପ୍ରିୟଙ୍କା ନିଜ ଶିଶୁ ସହିତ ଇନଷ୍ଟାଗ୍ରାମରେ ଫଟୋ ସେୟାର କରିଥିଲେ ।
ସେହିପରି ମାର୍ଚ୍ଚରେ ସୋନମ କାପୁର ଓ ଆନନ୍ଦ ଆହୁଜା ପିତାମାତା ହେବାକୁ ଯାଉଥିବା ପ୍ରକାଶ କରିଥିଲେ । ତାଙ୍କ ଜୀବନ ଯାତ୍ରାରେ ଆଉ ଜଣେ ସାଥୀ ହୋଇଥିବା ନେଇ ପରେ ସୋନମ ମଧ୍ୟ ଇନଷ୍ଟାଗ୍ରାମରେ ଫଟୋ ଛାଡିଥିଲେ ।
ବଲିଉଡର ସବୁଠୁ ଚର୍ଚ୍ଚିତ ଯୋଡ଼ି ଆଲିଆ ଭଟ୍ଟ ଓ ରଣବୀର କାପୁର ବି ସେମାନଙ୍କ ପ୍ରଥମ ସନ୍ତାନ ସମ୍ପର୍କରେ ଜଣାଇଥିଲେ । ୬ ନଭେମ୍ୱର ୨୦୨୨ରେ ଶିଶୁକନ୍ୟାର ପିତାମାତା ହେବା ନେଇ ସୂଚିତ କରିଥିଲେ ।
ସୋନମ୍ କାପୁର ଆହୁଜା, ଆଲିଆ ଭଟ୍ଟଙ୍କ ବ୍ୟତୀତ ବିପାସା ବଶୁ ସିଂ ଗ୍ରୋଭର ବର୍ଷ ଆରମ୍ଭରୁ ପ୍ରଗେନାନ୍ସିର ଖବର ଦେଇଥିଲେ ।
Comments are closed.