ପ୍ରଧାନମନ୍ତ୍ରୀ ମୋଦୀଙ୍କ ଆଗରେ ମୁଣ୍ଡ ନୁଆଁଇଲେ: ରାହୁଲ ଗାନ୍ଧୀଙ୍କୁ ‘ସଂସ୍କୃତି’ କଥା କହି ବାଚସ୍ପତି ଦେଲେ ଜବାବ

ନୂଆଦିଲ୍ଲୀ: ବିରୋଧୀ ଦଳ ନେତା ରାହୁଲ ଗାନ୍ଧୀ ସୋମବାର ଲୋକସଭା ଅଭିଭାଷଣରେ ବାଚସ୍ପତି ଓମ୍ ବିର୍ଲାଙ୍କୁ ଟାର୍ଗେଟ କରିବା ସହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଆଗରେ ମୁଣ୍ଡ ନୁଆଁଇଥିବା ଅଭିଯୋଗ କରିଛନ୍ତି। ରାହୁଲ ଗାନ୍ଧୀ କହିଛନ୍ତି, ଯେତେବେଳେ ଆପଣ ସାମ୍ବିଧାନିକ ପଦବୀରେ ରହିବେ, ସେତେବେଳେ ଆପଣଙ୍କ ବ୍ୟକ୍ତିଗତ ଆକାଂକ୍ଷା ରହିବା ଉଚିତ ନୁହେଁ।

ଓମ୍ ବିର୍ଲାଙ୍କୁ ସମ୍ବୋଧିତ କରି ସେ କହିଛନ୍ତି, “ଆପଣ ଲୋକସଭାର ଚୂଡ଼ାନ୍ତ ବିଚାରପତି, ଏଠାରେ ଶେଷ ଶବ୍ଦ। ଆପଣ ଯାହା କହୁଛନ୍ତି, ତାହା ଭାରତୀୟ ଗଣତନ୍ତ୍ରକୁ ମୌଳିକ ଭାବେ ବ୍ୟାଖ୍ୟା କରିଥାଏ। ଲୋକସଭା ବାଚସ୍ପତି ଭାବେ ଓମ୍ ବିର୍ଲା ବାଚିରପତି ଭାବେ ବିଜୟୀ ହେବା ଦିନ କଥା ଉଲ୍ଲେଖ କରି ସେ କହିଛନ୍ତି, ବାଚସ୍ପତି ସାର୍, ପ୍ରକୃତରେ ଦୁଇ ଜଣ ଲୋକ ଚେୟାରରେ ବସିଛନ୍ତି- ଲୋକସଭାର ବାଚସ୍ପତି ଏବଂ ଓମ୍ ବିର୍ଲା। ଯେତେବେଳେ ମୁଁ ହାତ ବଢାଇଥିଲି, ଆପଣ ସିଧା ଛିଡା ହୋଇଥିଲେ, କିନ୍ତୁ ଯେତେବେଳେ ପ୍ରଧାନମନ୍ତ୍ରୀ ମୋଦୀ ଆପଣଙ୍କୁ ହାତ ବଢାଇଥିଲେ, ସେତେବେଳେ ଆପଣ ମୁଣ୍ଡ ନୁଆଁଇ ହାତ ମିଳାଇଥିଲେ।

ଏହି ମନ୍ତବ୍ୟ ଗୃହରେ ହଟ୍ଟଗୋଳ ସୃଷ୍ଟି କରିଥିଲା ଏବଂ ଗୃହମନ୍ତ୍ରୀ ଅମିତ ଶାହା ଏହାକୁ ଚେୟାରର ଅପମାନ ବୋଲି କହିଥିଲେ। ସାଂସଦମାନଙ୍କୁ ସେମାନଙ୍କ ଆସନ ନେବାକୁ କହି ବାଚସ୍ପତି ଓମ୍ ବିର୍ଲା ଉତ୍ତର ଦେଇଥିଲେ, ‘ମୋର ପରମ୍ପରା ଓ ସଂସ୍କୃତି ମୋତେ ଉଭୟ ବ୍ୟକ୍ତିଗତ ଓ ସାର୍ବଜନୀନ ସ୍ଥାନରେ ମୋର ବୟସ୍କମାନଙ୍କ ଆଗରେ ମୁଣ୍ଡ ନୁଆଁଇବାକୁ ଶିଖାଇଛି। ଏବଂ ମୁଁ ଏହି ନିୟମଗୁଡିକ ଅନୁସରଣ କରେ।

ହଟ୍ଟଗୋଳ ଭିତରେ ରାହୁଲ ଗାନ୍ଧୀ ଓମ୍ ବିର୍ଲାଙ୍କୁ ତାଙ୍କ ପାଖରେ ଥିବା ପଦ ବିଷୟରେ ମନେ ପକାଇ ଦେଇଥିଲେ। ମୁଁ ସମ୍ମାନର ସହ ଆପଣଙ୍କ ମତକୁ ଗ୍ରହଣ କରୁଛି କିନ୍ତୁ ଆପଣଙ୍କୁ କହିବାକୁ ଚାହୁଁଛି ଯେ ଏହି ଗୃହରେ ବାଚସ୍ପତିଙ୍କଠାରୁ କେହି ବଡ଼ ନୁହଁନ୍ତି । ଆମେ ସମସ୍ତେ ଆପଣଙ୍କ ଆଗରେ ମୁଣ୍ଡ ନୁଆଁଇବା ଉଚିତ, ରାହୁଲ ଓମ୍ ବିର୍ଲାଙ୍କୁ କହିଥିଲେ ଯେ ସେ ଗୃହରେ କାହା ଆଗରେ ମୁଣ୍ଡ ନୁଆଁଇବା ଉଚିତ୍ ନୁହେଁ।