ବରଫ ଭିତରେ ଭାରତୀୟ ଯବାନଙ୍କ ବିହୁ ନାଚ

ଶ୍ରୀନଗର: କୋଲ ମାରିଲା ପରି ଥଣ୍ଡା । ଚାରିଆଡେ ବରଫ । ଆଉ ବରଫ ଭିତରେ ବିହୁ ଡ୍ୟାନ୍ସ କଲେ ଭାରତୀୟ ଯବାନ । ଏହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।

ବିହୁ ହେଉଛି ଆସାମ ଏବଂ ଉତ୍ତର ପୂର୍ବ ଭାରତର ଜାନୁଆରୀ ଓ ଫେବ୍ରୁଆରୀ ମାସରେ ଫସଲ ଅମଳ ସମୟର ପର୍ବ । ଜାନୁଆରୀ ୧୪ରୁ ତିନି ଦିନ ଯାଏ ଆସାମରେ ଏହି ବିହୁ ପର୍ବ ପାଳନ ହୁଏ । ଏହାକୁ ମାଘ ମାସରେ ମାଘ ବିହୁ ବୋଲି କୁହାଯାଏ । ଏହା ଆସାମର ଏକ ଲୋକ ପର୍ବ । ଯାହାକୁ ଭାରତୀୟ ଯବାନମାନେ ବରଫ ଭିତରେ ପାଳନ କରିଛନ୍ତି । କେବଳ ସେତିକି ନୁହେଁ କାଶ୍ମୀରର ମାଇନସ୍ ୧୫ ଡିଗ୍ରି ତାପମାତ୍ରାରେ ଭାରତୀୟ ବିଏସଏଫ ଯବାନମାନେ ଲୋକଗୀତର ତାଳେତାଳେ ନାଚୁଥିବାର ଦେଖାଯାଇଛି । ଯାହାକୁ ‘ବର୍ଡର ସିକ୍ୟୁରିଟି ଫୋର୍ସ କାଶ୍ମୀର’ର ଟ୍ୱିଟରେ ପୋଷ୍ଟ କରାଯାଇଛି ।

Mountains and mountains of snow, blinding blizzards, freezing temperatures, stress of 24 hours vigil #LoC , away from homes; this all didn’t deter BSF troops to dance few steps & celebrate #Bihu at FDL in #Keran Sector #ForwardArea .@PMOIndia @HMOIndia @BSF_India pic.twitter.com/65c1viqskU

— BSF Kashmir (@BSF_Kashmir) January 16, 2022

ଏହି ଭିଡିଓର କ୍ୟାପସନରେ ଲେଖାଅଛି, ‘ବରଫରେ ଆଚ୍ଛାଦିତ ପର୍ବତମାଳା, ଆଖି ମୁଦି ହେବା ଭଳି ଥଣ୍ଡା ପବନ, କାଲୁଆ ମାରିଗଲା ପରି ଥଣ୍ଡା, ନିୟନ୍ତ୍ରଣ ରେଖା ଉପରେ ୨୪ ଘଣ୍ଟା ସତର୍କ ଦୃଷ୍ଟି ରଖିବାର ଚାପ, ଘରଠୁ ଦୂର; ଏସବୁ ବିଏସ୍ଏଫ୍ ଯବାନମାନଙ୍କୁ ସୀମାନ୍ତବର୍ତ୍ତୀ କେରାନ ସେକ୍ଟର୍ସ୍ଥିତ ‘ଏଫ୍ଡିଏଲ୍’ରେ ନାଚ କରି ବିହୁ ପାଳନ କରିବାରୁ ନିବୃତ କରି ପାରି ନାହିଁ।