ନୂଆଦିଲ୍ଲୀ: ଆଜି ଦିଲ୍ଲୀ ବିଧାନସଭା ନିର୍ବାଚନ ପାଇଁ ସକାଳ ୮ଟାରୁ ମତଦାନ ପ୍ରକ୍ରିୟା ଆରମ୍ଭ ହୋଇଯାଇଛି । ଏହାରି ଭିତରେ ଚାନ୍ଦନୀ ଚୌକରୁ ଆସିଛି ଏକ ଚାଂଚଲ୍ୟକର ଖବର । ଏଠି ମତଦାନ କେନ୍ଦ୍ରରେ ଆପ୍ କର୍ମୀ ଓ କଂଗ୍ରେସ ପ୍ରାର୍ଥୀ ମୁହାଁମୁହିଁ ହୋଇଛନ୍ତି । କଂଗ୍ରେସ ପ୍ରାର୍ଥୀ ଅଳକା ଲାମ୍ବା ଅମ୍ ଆଦମୀ ପାର୍ଟିର ଜଣେ କର୍ମକର୍ତ୍ତାଙ୍କୁ ଚାପୁଡା ମାରିବାକୁ ଉଦ୍ୟମ କରିଥିବା ଖବର ସାମ୍ନାକୁ ଆସିଛି ।
#WATCH Delhi: Scuffle breaks out between AAP and Congress workers near Majnu ka Teela, Congress candidate Alka Lamba tries to slap an AAP worker. AAP leader Sanjay Singh has said the party will complain to Election Commission. #DelhiElections2020 (note: abusive language) pic.twitter.com/l5VriLUTkF
— ANI (@ANI) February 8, 2020
ଚାନ୍ଦନୀ ଚୌକର ମଜନୁ କେ ଟିଲେ ମତଦାନ କେନ୍ଦ୍ରରେ ଅଳକା ଲାମ୍ବା ଏବଂ ଆପ୍ କର୍ମକର୍ତ୍ତାଙ୍କ ଭିତରେ କଥା କଟାକଟି ହୋଇଥିଲା । ଏହି ସମୟରେ ଅଳକା ଲାମ୍ବା ତାଙ୍କ ପୁଅକୁ ନେଇ ଆପ୍ କର୍ମୀ ଜଣକ ଟିପ୍ପଣୀ କରିଥିବା ନେଇ ଅଭିଯୋଗ ଆଣିଥିଲେ । ପରେ ଅଳକା ଲାମ୍ବା ରାଗି ଯାଇ ଆପ୍ କର୍ମକର୍ତ୍ତାଙ୍କୁ ଚାପୁଡା ମାରିବାକୁ ଉଦ୍ୟମ କରିଥିଲେ । ଏହି ଘଟଣା ପରେ କଂଗ୍ରେସ ଏବଂ ଆପ୍ କାର୍ଯ୍ୟକର୍ତ୍ତା ମୁହାଁମୁହିଁ ହୋଇଥିଲେ । ପରେ ପୋଲିସ ଦୁଇ ଦଳକୁ ବୁଝାସୁଝା କରି କାବୁ କରିଥିଲା ।