‘କଙ୍ଗାରୁ’ଙ୍କୁ ଏମିତି ଶିକାର କଲେ ରୋହିତ ବାହିନୀ

ମୁମ୍ବାଇ: ଅଷ୍ଟ୍ରେଲିଆ ବିପକ୍ଷରେ ପ୍ରଭାବଶାଳୀ ସେମିଫାଇନାଲ ବିଜୟ ପରେ ଭାରତ ଲଗାତାର ତୃତୀୟ ଥର ଚାମ୍ପିଅନ୍ସ ଟ୍ରଫି ଫାଇନାଲରେ ପହଞ୍ଚିଛି। ମଙ୍ଗଳବାର ଦୁବାଇ ଇଣ୍ଟରନ୍ୟାସନାଲ ଷ୍ଟାଡିୟମଠାରେ ଖେଳାଯାଇଥିବା ପ୍ରଥମ ସେମିଫାଇନାଲ ମ୍ୟାଚରେ ଅଷ୍ଟ୍ରେଲିଆକୁ ୪ ଓ୍ବିକେଟରେ ପରାସ୍ତ କରି ଭାରତ ଫାଇନାଲରେ ପ୍ରବେଶ କରିଛି । ଏହା ସହିତ ୨୦୨୩ ବିଶ୍ବକପ ଫାଇନାଲ ପରାଜୟର ପ୍ରତିଶୋଧ ନେଇଛି ଭାରତ ।

ବିଜୟ ପରେ, ଅଧିନାୟକ ରୋହିତ ଶର୍ମା କହିଛନ୍ତି ଯେ ଦଳ କେଉଁ ରଣନୀତି ଗ୍ରହଣ କରିଥିଲା ​​ଯାହା ସେମାନଙ୍କୁ ଜିତିବାରେ ସାହାଯ୍ୟ କରିଥିଲା। ଏହି ଗୁରୁତ୍ୱପୂର୍ଣ୍ଣ ମୁକାବିଲା ପାଇଁ ନେତୃତ୍ୱ ନେଇଥିଲେ ଭାରତୀୟ ବୋଲର ମହମ୍ମଦ ଶାମି ଏବଂ ହାର୍ଦ୍ଦିକ ପାଣ୍ଡ୍ୟା। ରୋହିତ ୨୮ ରନ କରି ଆଉଟ ହୋଇଥିଲେ ବି ବିରାଟ ଲଢୁଆ ବ୍ଯାଟିଂ କରି ଦଳକୁ ବିପଦମୁକ୍ତ କରିବା ସହ ବିଜୟରେ ସବୁଠାରୁ ବଡ ଯୋଗଦାନ ଦେଇଥିଲେ । ସେ ୮୪ରନ କରିଥିଲେ। ଶ୍ରେୟସ ଆୟର ୪୫ ରନ ଓ କେଏଲ ରାହୁଲ ୪୨ରନ ଏବଂ ହାର୍ଦ୍ଦିକ ପାଣ୍ଡ୍ୟା ୨୮ ରନ କରିଥିଲେ। ଏଥିରେ ଶ୍ରେୟସ ଆୟର, କେଏଲ ରାହୁଲ ଏବଂ ହାର୍ଦ୍ଦିକ ପାଣ୍ଡ୍ୟାଙ୍କ ପ୍ରମୁଖ ଅବଦାନ ଥିଲା।

ଏହି ମ୍ୟାଚରେ ଅଷ୍ଟ୍ରେଲିଆ ଟସ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା। ଅଷ୍ଟ୍ରେଲିଆକୁ ଆରମ୍ଭରୁ ବଡ଼ ଝଟକା ଦେଇଥିଲେ ଭାରତୀୟ ବୋଲର ମହମ୍ମଦ ସମ୍ମି। ସେ କୁପର କନୋଲିଙ୍କୁ ଶୂନ ରନରେ ପାଭିଲିୟନ ପଠାଇଦେଇଥିଲେ। ତେବେ ଟ୍ରାଭିସ ହେଡ ଓ ଷ୍ଟିଭ ସ୍ମିଥଙ୍କ ମଧ୍ୟରେ ଏକ ଭଲ ପାର୍ଟନରସିପ ଦେଖିବାକୁ ମିଳିଥିଲା। ହେଡ୍ ୩୯ ରନ କରିଥିବାବେଳେ ୭୩ ରନ କରିଥିଲେ। ମାର୍ନ ଲାବୁସଚାନ ୨୯ ରନ କରିଥିବାବେଳେ ଆଲେକ୍ସ କେରି ୬୧ ରନ କରିଥିଲେ। ତେବେ ଦଳର ନିମ୍ନକ୍ରମ ବ୍ୟାଟ୍ସମ୍ୟାନମାନେ ବିଶେଷ ଯୋଗଦାନ ଦେଇପାରିନଥିଲେ। ଦଳ ୪୯.୩ ଓଭରରେ ୨୬୪ ରନ କରି ଅଲଆଉଟ ହୋଇଯାଇଥିଲା। ଭାରତ ପକ୍ଷରୁ ସମ୍ମି ୩ଟି ୱିକେଟ ନେଇଥିବାବେଳେ ରବୀନ୍ଦ୍ର ଜାଦେଜା ଓ ବରୁଣ ଚକ୍ରବର୍ତ୍ତୀ ୨ଟି ଲେଖାଏଁ ୱିକେଟ ନେଇଥିଲେ ।

ମ୍ୟାଚ୍ ପରେ ରୋହିତ ଶର୍ମା କହିଥିଲେ, “ମୁଁ ଜାଣିଥିଲି ଯେ ମୁଁ ଦଳରେ ଛଅଟି ବୋଲିଂ ବିକଳ୍ପ ଚାହୁଁଛି ଏବଂ ଏପର୍ଯ୍ୟନ୍ତ ଅଷ୍ଟମ ନମ୍ବର ପର୍ଯ୍ୟନ୍ତ ବ୍ୟାଟିଂକୁ ଗଭୀର ରଖିବି। ସମସ୍ତ ଶ୍ରେୟ ସମଗ୍ର ଦଳର ପ୍ରସ୍ତୁତିର ଅଂଶ ଥିବା ପ୍ରତ୍ୟେକଙ୍କୁ ଯାଏ। ଏହା ଏକ ଭଲ ସ୍କୋର ଏବଂ ପ୍ରତିଯୋଗିତାମୂଳକ ଥିଲା, ତେଣୁ ଆମକୁ ଭଲ ବ୍ୟାଟିଂ କରିବାକୁ ପଡିଲା। ଭଲ ପିଚ୍ ଆମକୁ ଥଣ୍ଡା ମୁଣ୍ଡରେ ଖେଳିବାକୁ ଅନୁମତି ଦେଲା। ଏତେ ବର୍ଷ ଧରି ବିରାଟ ଆମ ପାଇଁ ଏହା କରିଆସୁଛନ୍ତି। ଆମେ ତାଙ୍କ ଉପରେ ଆତ୍ମବିଶ୍ୱାସୀ ଥିଲୁ। ବିରାଟ ଏବଂ ଶ୍ରେୟସଙ୍କ ଷ୍ଟାଣ୍ଡ ଗୁରୁତ୍ୱପୂର୍ଣ୍ଣ ଥିଲା, ଏବଂ ହାର୍ଦ୍ଦିକଙ୍କ ଫିନିସିଂ ହିଟ୍ ମଧ୍ୟ ଗୁରୁତ୍ୱପୂର୍ଣ୍ଣ ଥିଲା।’

ଭାରତ ଏବେ ୯ ମାର୍ଚ୍ଚରେ ଫାଇନାଲରେ ନ୍ୟୁଜିଲାଣ୍ଡ କିମ୍ବା ଦକ୍ଷିଣ ଆଫ୍ରିକାକୁ ଭେଟିବ। ଦୁବାଇ ଚାମ୍ପିଅନସିପ୍ ମୁକାବିଲା ଆୟୋଜନ କରିବାକୁ ଯାଉଛି। ଯଦି ଅଷ୍ଟ୍ରେଲିଆ ଫାଇନାଲରେ ପ୍ରବେଶ କରିଥାନ୍ତା ତେବେ ମ୍ୟାଚ୍ ପାକିସ୍ତାନରେ ଖେଳାଯାଇଥାନ୍ତା।