ବେଜିଂ: କରୋନା ମହାମାରୀ କମିବାର ନାମ ନେଉ ନାହିଁ । ପୂର୍ବରୁ ଏହା ପଛରେ ଚୀନର ଭୂମିକା ଥିବା ଅନୁମାନ କରାଯାଉଥିଲା । ଏବେ ଆଉ ଏକ ପ୍ରମାଣ ଏହି ସନ୍ଦେହକୁ ଦୃଢ଼ୀଭୂତ କରିଛି । ରିପୋର୍ଟ ମୁତାବକ ଚୀନ ୬ ବର୍ଷ ତଳୁ ଜୈବିକ ଅସ୍ତ୍ର ପ୍ରସ୍ତୁତ କରିବା ଆରମ୍ଭ କରି ଦେଇଥିଲା । ଆବଶ୍ୟକ ପଡିଲେ ଶାର୍ଶ, କରୋନା ପରି ଭାଇରସକୁ ଶତ୍ରୁ ଦଳ ପ୍ରତି କିପରି ବ୍ୟବହାର କରାଯାଇପାରିବ ସେ ନେଇ ଗବେଷଣା ଚାଲିଥିଲା । ପିଏଲଏ କମାଣ୍ଡରଙ୍କ ଏକ ଗ୍ରୁପ ଏହି ଆଲୋଚନାର ପ୍ରମାଣ ରଖିଥିବା ଏକ ଡକ୍ୟୁମେଂଟ ଏବେ ପୁନର୍ବାର ଚୀନକୁ ସନ୍ଦେହ ଘେରକୁ ଆଣିଛି ।
ପ୍ରଥମ ବିଶ୍ୱଯୁଦ୍ଧ କେମିକାଲରେ, ଦ୍ୱିତୀୟ ବିଶ୍ୱଯୁଦ୍ଧ ନ୍ୟୁକ୍ଲିୟର ଏନର୍ଜି ଏବଂ ତୃତୀୟ ଜୈବ ଅସ୍ତ୍ରରେ ଲଢ଼ାଯିବ, ଶତ୍ରୁ ରାଷ୍ଟ୍ର ଜାଣିବା ପୂର୍ବରୁ ଏହି ଜୈବ ଆକ୍ରମଣ ସେମାନଙ୍କ ସ୍ୱାସ୍ଥ୍ୟାବସ୍ଥାକୁ ଭାଙ୍ଗି ଦେବ ବୋଲି ସେମାନେ ଆଲୋଚନା କରିଥିଲେ । ୧୮ ବୈଜ୍ଞାନିକଙ୍କୁ ଏ ନେଇ ନିୟୋଜିତ କରାଯାଇଛି । ନ୍ୟୁ ସ୍ପେଶିଜ ଅଫ ମ୍ୟାନ ମେଡ ଭାଇରସ ଆଜ ଜେନେଟିକ ବାଓୱିପେନ୍ସରେ ଏହି ସବୁ କଥା ଉଲ୍ଲେଖ ରହିଛି ।
ବୈଜ୍ଞାନିକମାନେ ଜୈବ ଅସ୍ତ୍ର ପ୍ରସ୍ତୁତ କଲେ ମଧ୍ୟ ଏହା ଉପରେ ସେମାନଙ୍କ ନିୟନ୍ତ୍ରଣ ରହିବ ନାହିଁ ବୋଲି ଅଷ୍ଟ୍ରେଲିଆନ ଷ୍ଟ୍ରାଟେଜିକ ଏକଜିକ୍ୟୁଟିଭ ଡାଇରେକ୍ଟର ପିଟର ଜେନିଙ୍ଗସ କହିଛନ୍ତି ।
Comments are closed.