୨୦ ଦେଶରେ ଲକ୍‌ଡାଉନ, ୧୨୦ କୋଟି ଲୋକ ଘର ଭିତରେ ରହିବାକୁ ବାଧ୍ୟ

ନୂଆଦିଲ୍ଲୀ:କରୋନା ଭାଇରସର ପ୍ରଭାବ ଏତେମାତ୍ରାରେ ବ୍ୟାପିଯିବ କେହି କେବେ ସ୍ୱପ୍ନରେ ଭାବି ନ ଥିଲେ । ମାତ୍ର ୨ ମାସ ମଧ୍ୟରେ ୨୦ ସହର ସମ୍ପୂର୍ଣ୍ଣ ଲକଡାଉନ ହୋଇଯାଇଥିବା ବେଳେ ୧୨୦ କୋଟି ଲୋକ ସଂକ୍ରମଣରୁ ବଂଚିବା ପାଇଁ ଘର ମଧ୍ୟରେ ରହିଛନ୍ତି । ୫୦ରୁ ଅଧିକ ଦେଶରେ କେତେକ ନିର୍ଦ୍ଦିଷ୍ଟ ସହରରେ କର୍ଫ୍ୟୁ ଲଗାଯାଇଛି ।ଚୀନ, ଡେନମାର୍କ, ଫ୍ରାନ୍ସ, ଆୟର୍ଲାଣ୍ଡ, ଇଟାଲୀ, ଜର୍ମାନୀ, ବ୍ରିଟେନ, ପୋଲାଣ୍ଡ, ସ୍ପେନ, ବେଲଜିୟମ, ଆର୍ଜେଂଟିନା, ଭାଟିକାନା ସିଟି, ନରୱେ, ଇରାନ, ଦକ୍ଷିଣ କୋରିଆ, ହଂକଂ, ଇଣ୍ଡୋନେସିଆ ଦେଶରେ ଲକଡାଉନ ଲାଗୁ କରିଛନ୍ତି । ବିଭିନ୍ନ ଗଣମାଧ୍ୟମରେ ପ୍ରକାଶିତ ରିପୋର୍ଟ ମୁତାବକ ୨ ଲକ୍ଷ ୫୦ ହଜାର କରୋନାରେ ଆକ୍ରାନ୍ତ ହୋଇଥିବା ବେଳେ ୧୦,୫୦୦ ଲୋକ ମୃତ୍ୟୁବରଣ କରିସାରିଲେଣି । ଭାରତରେ ମାର୍ଚ୍ଚ ୨୨ରେ ଜନତା କର୍ଫ୍ୟୁ ନିୟମ ଲାଗୁ କରାଯାଇଛି ।