ଇକୋ ରିଟ୍ରିଟ୍ ଅଗ୍ନିକାଣ୍ଡରୁ ଅଳ୍ପକେ ବର୍ତ୍ତିଲେ ଆଇପିଏସ୍ ଦମ୍ପତି

ଭୁବନେଶ୍ୱର: ସାତକୋଶିଆ ଇକୋ ରିଟ୍ରିଟରେ ହୋଇଥିବା ଅଗ୍ନିକାଣ୍ଡରୁ ଆଇପିଏସ୍ ଦମ୍ପତି ଅଳ୍ପକେ ବର୍ତ୍ତି ଯାଇଛନ୍ତି । ଓଡ଼ିଶା ପରିବହନ କମିଶନର ସଞ୍ଜୀବ ପଣ୍ଡା ଓ ତାଙ୍କ ପତ୍ନୀ ଗୃହ ବିଭାଗର ସ୍ୱତନ୍ତ୍ର ସଚିବ ସନ୍ତୋଷ ବାଳା ଇକୋ ରିଟ୍ରିଟ୍ ଅଗ୍ନିକାଣ୍ଡରୁ ବର୍ତ୍ତି ଯାଇଛନ୍ତି ।

ରବିବାର ସକାଳ ପ୍ରାୟ ୫ଟା ସମୟରେ ସାତକୋଶିଆ ଇକୋ ରିଟ୍ରିଟରେ ନିଆଁ ଲାଗିଥିଲା । ଅଗ୍ନିକାଣ୍ଡରେ ୩ଟି କଟେଜ୍ ଜଳି ଯାଇଛି । ଅଗ୍ନିକାଣ୍ଡରେ ଜଳି ଯାଇଥିବା ଏକ କଟେଜରେ ଏହି ଆଇପିଏସ୍ ଦମ୍ପତି ରହୁଥିଲେ । ଅଗ୍ନିକାଣ୍ଡରେ ଉଭୟଙ୍କ କୌଣସି କ୍ଷତି ହୋଇନାହିଁ । ଭଗବାନଙ୍କ ଆଶୀର୍ବାଦରୁ କୌଣସି କ୍ଷୟକ୍ଷତି ହୋଇନଥିବା ଆଇପିଏସ୍ ସଞ୍ଜୀବ ପଣ୍ଡା ଫେସବୁକରେ ପୋଷ୍ଟ କରିଛନ୍ତି ।

(1/2)
n a fire accident at Satkosia Eco Retreat at 5 am today, 3 tents caught fire. The fire was quickly extinguished. Fortunately, there was no injury or loss of life. All guests are safe. Inquiry into the matter is being conducted.

— Odisha Tourism (@odisha_tourism) February 28, 2021

ତେବେ, ଏଯାଏଁ ନିଆଁ ଲାଗିବାର ପ୍ରକୃତ କାରଣ ଜଣାପଡ଼ିନାହିଁ । ଇଲେକ୍ଟ୍ରି ସର୍ଟ ସର୍କିଟରୁ ନିଆଁ ଲାଗିଥିବା ଅନୁମାନ କରାଯାଉଛି । ନିଆଁ ଲାଗିବା ଖବର ପାଇ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲେ । ଅଗ୍ନିକାଣ୍ଡରୁ ସମସ୍ତ ପର୍ଯ୍ୟଟକ ସୁରକ୍ଷିତ ଥିବା ଓଡ଼ିଶା ପର୍ଯ୍ୟଟନ ବିଭାଗ ସୂଚନା ଦେଇଛି । ଏଥିସହ ଆଗକୁ ଏଭଳି ଦୁର୍ଘଟଣା ଯେଭଳି ନଘଟେ ସେଥିପ୍ରତି ଧ୍ୟାନ ଦିଆଯିବ ବୋଲି ବିଭାଗ କହିଛି ।