ଚାଲିଛି କି ଜ୍ୟୋତିଷ ରିକି ରାଧାନଙ୍କ ଖରାପ ସମୟ; ୨୪ ଘଣ୍ଟା ମଧ୍ୟରେ ନିଯୁକ୍ତି ବାତିଲ କଲେ ବିଜୟ ସରକାର

ଚେନ୍ନାଇ: ତାମିଲନାଡୁ ମୁଖ୍ୟମନ୍ତ୍ରୀ ଜୋସେଫ ବିଜୟ ନିଯୁକ୍ତିର ୨୪ ଘଣ୍ଟା ମଧ୍ୟରେ ଜ୍ୟୋତିଷ ପଣ୍ଡିତ ରିକି ରାଧାନ ଭେଟ୍ରିଭେଲଙ୍କୁ ତାଙ୍କ ପଦରୁ ହଟାଇ ଦେଇଛନ୍ତି।

ମଙ୍ଗଳବାର ଦିନ ମୁଖ୍ୟମନ୍ତ୍ରୀ ବିଜୟ ପଣ୍ଡିତ ରିକି ରାଧାନ ଭେଟ୍ରିଭେଲଙ୍କୁ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରେ ସ୍ୱତନ୍ତ୍ର ଦାୟିତ୍ୱ ଅଧିକାରୀ (OSD) ଭାବରେ ନିଯୁକ୍ତି ଦେଇଥିଲେ। ପରେ ତାଙ୍କର ନିଯୁକ୍ତି ବିବାଦ ସୃଷ୍ଟି କରିଥିଲା। ମୁଖ୍ୟମନ୍ତ୍ରୀଙ୍କ ପ୍ରତିଦ୍ୱନ୍ଦ୍ୱୀ ଶିବିର ଏବଂ ଟିଭିକେ ମଧ୍ୟରେ ମେଣ୍ଟ ଅଂଶୀଦାରମାନେ ଏହି ନିଯୁକ୍ତିକୁ ସମାଲୋଚନା କରିଥିଲେ। ଏହା ପରେ ମୁଖ୍ୟମନ୍ତ୍ରୀ ବିଜୟ ୨୪ ଘଣ୍ଟାରୁ କମ୍ ସମୟ ମଧ୍ୟରେ ଜ୍ୟୋତିଷ ପଣ୍ଡିତ ରିକି ରାଧାନ ଭେଟ୍ରିଭେଲଙ୍କ ନିଯୁକ୍ତିକୁ ବାତିଲ କରିଥିଲେ।

ସରକାରଙ୍କ ପ୍ରମୁଖ ସଚିବ ଏକ ଚିଠିରେ କହିଛନ୍ତି ଯେ ପଣ୍ଡିତ ରିକି ରାଧାନଙ୍କ ଓଏସଡି ନିଯୁକ୍ତିକୁ ବାତିଲ କରାଯାଇଛି।

ସୂଚନା ଅନୁଯାୟୀ, ମୁଖ୍ୟମନ୍ତ୍ରୀ ବିଜୟ ମଙ୍ଗଳବାର ଦିନ ଜ୍ୟୋତିଷ ପଣ୍ଡିତ ରିକି ରାଧାଙ୍କ ନିଯୁକ୍ତିକୁ ଅନୁମୋଦନ କରିଥିଲେ। ତାଙ୍କର ଏହି ପଦକ୍ଷେପ ତାମିଲନାଡୁ ରାଜନୈତିକ ମହଲରେ ଏକ ବଡ଼ ବିବାଦ ସୃଷ୍ଟି କରିଥିଲା। ଟିଭିକେ ସରକାରଙ୍କୁ ସମର୍ଥନ କରିଥିବା VCK, CPIM ଏବଂ CPI ଭଳି ଦଳଗୁଡ଼ିକ ଖୋଲାଖୋଲି ଭାବରେ ଏହି ପଦକ୍ଷେପକୁ ସମାଲୋଚନା କରିଥିଲେ।