ନୂଆଦିଲ୍ଲୀ: ୭୦ ବର୍ଷ ଧରି କଂଗ୍ରେସ ଦଳ ଦେଶକୁ ଲୁଟ୍ କରିଚାଲିଛି ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଟ୍ବିଟ୍ କରି କହିଛନ୍ତି। ଓଡ଼ିଶା ବଲାଙ୍ଗୀରରେ ଝାଡଖଣ୍ଡ କଂଗ୍ରେସ ସାଂସଦଙ୍କ ସମ୍ପତ୍ତିରୁ ୩୪୦ କୋଟିରୁ ଅଧିକ ଟଙ୍କା ଜବତ ହୋଇଥିବା ଘଟଣାକୁ ଉଲ୍ଲେଖ କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପୁଣିଥରେ କଂଗ୍ରେସକୁ ଟାର୍ଗେଟ କରିଛନ୍ତି। ସେ ଏହି ଦୁର୍ନୀତିକୁ ଲୋକପ୍ରିୟ ”Money Heist’ ଡ୍ରାମା ସିରିଜ୍ ସହ ତୁଳନା କରି କଂଗ୍ରେସର ନେତାମାନେ ‘ଲେଜେଣ୍ଡାରୀ’ ବୋଲି ଦାବି କରିଛନ୍ତି।
ଆୟକର ବିଭାଗ ତା’ର ସର୍ବବୃହତ ଏଭଳି ଅଭିଯାନରେ କଂଗ୍ରେସ ସାଂସଦ ଧୀରଜ ପ୍ରସାଦ ସାହୁଙ୍କ ସହ ଜଡ଼ିତ ବ୍ୟବସାୟୀଙ୍କ ଠାରୁ ବିପୁଳ ପରିମାଣର ନଗଦ ଟଙ୍କା ଜବତ କରିଛି। ଆଲମିରା ଓ ଅନ୍ୟାନ୍ୟ ସ୍ଥାନରୁ ଜବତ ହୋଇଥିବା ଏହି ଟଙ୍କା ଏତେ ପରିମାଣର ଥିଲା ଯେ ୧୫୬ଟି ବ୍ୟାଗରେ ଭର୍ତ୍ତି କରି ଟଙ୍କା ଗଣିବାକୁ ନେଇଥିଲା ଆୟକର ବିଭାଗ।
ମୋଦୀଙ୍କ ସମାଲୋଚନା କେବଳ ଶବ୍ଦରେ ସୀମିତ ନାହିଁ। ସେ ରାହୁଲ ଗାନ୍ଧୀ ଏବଂ ମଲ୍ଲିକାର୍ଜୁନ ଖଡଗେଙ୍କ ସମେତ କଂଗ୍ରେସର ପ୍ରମୁଖ ବ୍ୟକ୍ତିତ୍ୱଙ୍କ ଫଟୋ ସହିତ ଜବତ ହୋଇଥିବା ଟଙ୍କାକୁ ଝାଡ଼ଖଣ୍ଡ ସାଂସଦଙ୍କ ସହ ପ୍ରଦର୍ଶନ କରୁଥିବା ଏକ ଭିଡିଓ ସେୟାର କରିଛନ୍ତି। ଯାହା କଂଗ୍ରେସ ଏକ ଦୁର୍ନୀତି ଗ୍ରସ୍ତ ଦଳ ବୋଲି ଅଭିଯୋଗକୁ ଆହୁରି ଇନ୍ଧନ ଯୋଗାଇଛି।
ପ୍ରଧାନମନ୍ତ୍ରୀଙ୍କ ଏହି ଜୋରଦାର ରାଜନୈତିକ ଆକ୍ରମଣ ଆଗାମୀ ଦିନରେ ନିର୍ବାଚନ ହେବାକୁ ଥିବା ବେଳେ ଦୁର୍ନୀତି ପ୍ରସଙ୍ଗ ଉଠାଇ ପୁଣି କଂଗ୍ରେସକୁ କାଠଗଡାକୁ ଟାଣିପାରନ୍ତି। ସେ କହିଛନ୍ତି, ଦେଶବାସୀ ପ୍ରଥମେ ଏହି ନୋଟର ବଣ୍ଡଲ ଦେଖିବା ଆବଶ୍ୟକ ଏବଂ ପରେ ସେମାନଙ୍କ ନେତାଙ୍କ ଦ୍ୱାରା ଦିଆଯାଇଥିବା ସଚ୍ଚୋଟତାର ଭାଷଣ ଶୁଣିବା ଆବଶ୍ୟକ। ଏହି ନେତାମାନେ ଲୋକଙ୍କ ଠାରୁ ଲୁଟି ନେଇଥିବା ପ୍ରତ୍ୟେକ ପଇସାକୁ ଫେରାଇବାକୁ ହେବ, ଏହା ମୋଦୀଙ୍କ ଗ୍ୟାରେଣ୍ଟି ଏଥିସହିତ ସେ ଉଦ୍ଧାର ହୋଇଥିବା ନଗଦ ରାଶିର ଫଟୋ ଥିବା ଏକ ଖବରକୁ ଟ୍ୟାଗ୍ କରି ଏହି ଅନିୟମିତତାକୁ ଆହୁରି ଗୁରୁତ୍ୱାରୋପ କରିଛନ୍ତି।
ବିଜେପି କଂଗ୍ରେସ ଓ ଏହାର ସହଯୋଗୀ ଦଳଗୁଡ଼ିକ ବିରୋଧରେ ଦୁର୍ନୀତି ସଂସ୍କୃତିକୁ ପ୍ରୋତ୍ସାହନ ଦେଉଥିବା ଅଭିଯୋଗ କରି ନିରବଚ୍ଛିନ୍ନ ଭାବେ ସମାଲୋଚନା କରିଆସୁଛି। କେନ୍ଦ୍ର ମନ୍ତ୍ରୀ କିରଣ ରିଜିଜୁ ପ୍ରଧାନମନ୍ତ୍ରୀଙ୍କ ଭାବନାକୁ ଦୋହରାଇ କହିଛନ୍ତି ଯେ କଂଗ୍ରେସ ଏବଂ ଏହାର ବନ୍ଧୁଙ୍କଠାରେ ଦୁର୍ନୀତିର ଏକ ରୋଗ ବ୍ୟାପିଛି ଯାହା ବିରୋଧରେ କେବଳ ସରକାର ନୁହେଁ ବରଂ ଦେଶବାସୀ ମଧ୍ୟ ଏକ ଆନ୍ଦୋଳନ ଆରମ୍ଭ କରିବାକୁ ପଡିବ।
ମୋଦୀଙ୍କ ଏପରି ଅଭିଯୋଗ ଓ ଆୟକର ବିଭାଗ ପକ୍ଷରୁ ଉପସ୍ଥାପିତ ତଥ୍ୟ ପ୍ରମାଣ କଂଗ୍ରେସକୁ ଅଡ଼ୁଆରେ ପକାଇଛି। ତଦନ୍ତ ଯେତିକି ଆଗକୁ ବଢ଼ିବ, ଭାରତରେ ରାଜନୈତିକ ଦୃଶ୍ୟପଟ୍ଟ ଆହୁରି ଜୋରଦାର ହେବାର ସମ୍ଭାବନା ରହିଛି। ଆଉ ବିଜେପି ଏହି ପ୍ରସଙ୍ଗକୁ ପୁଞ୍ଜି କରି ନିଜର ସ୍ଥିତିକୁ ମଜଭୁତ କରିବାକୁ ଚେଷ୍ଟା କରିବ।