ସହି ପାରିଲେନି ପ୍ରଂଶସା, ମିଲନ୍ଦଙ୍କୁ ଦଳ ଛାଡିବାକୁ କହିଲେ ମାକେନ

ନୂଆଦିଲ୍ଲୀ: ଦିଲ୍ଲୀ ବିଧାନସଭା ନିର୍ବାଚନରେ ଶୋଚନୀୟ ପରାଜୟ ପରେ କଂଗ୍ରେସରେ ଅନ୍ତଃକନ୍ଦଳ ଦେଖାଦେଇଛି । ଆପ୍‌ର ବିଜୟକୁ ନେଇ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ କଂଗ୍ରେସ ନେତା ମିଲିନ୍ଦ ଦେଓରା ପ୍ରଶଂସା କରିଛନ୍ତି । ହେଲେ ଏହାକୁ ସହ୍ୟ କରି ପାରିନାହାନ୍ତି କଂଗ୍ରେସର ଆଉ ଜେଣ ବରିଷ୍ଠ ନେତା ଅଜୟ ମାକେନ ।
ସୂଚନା ଯୋଗ୍ୟ ଯେ, ରବିବାର ଅରବିନ୍ଦ କେଜ୍ରିୱାଲ ଶପଥ ନେବା ପରେ ତାଙ୍କୁ ସବୁଆଡୁ ଶୁଭେଚ୍ଛା ସୁଅ ଛୁଟିଥିଲା । ଏହି କ୍ରମରେ କଂଗ୍ରେସ ନେତା ମିଲିନ୍ଦ ମଧ୍ୟ ଟ୍ୱିଟ୍ କରି ତାଙ୍କୁ ପ୍ରଂଶସା କରିଥିଲେ । ତେବେ ମିଲନ୍ଦ ଏହି ପ୍ରଂଶାସକୁ କଂଗ୍ରେସ ନେତା ଅଜୟ ମାକେନ ଗ୍ରହଣ କରିପାରିନାହାନ୍ତି । ସେ ତାଙ୍କ ଟ୍ୱିଟ୍‌ର ପାଲଟା ଜବାବ ଦେଇ କହିଛନ୍ତି, ଯଦି ଆପଣ ଦଳ ଛାଡିବାକୁ ଚାହୁଁଛନ୍ତି ତେବେ ଛାଡି ପାରନ୍ତି । ହେଲେ ଅଧା ଜାଣିଥିବା ସତ୍ୟକୁ ପ୍ରଚାର କର ନାହିଁ ବୋଲି କହିଛନ୍ତି ଅଜୟ ।