ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କାଶି ମହାକାଳ ଏକ୍ସପ୍ରେସ ଉଦଘାଟନ କରିଛନ୍ତି । ଯାହା ତିନୋଟି ଧାର୍ମିକ ସହର ବାରଣାସୀ, ଉଜୈନ ଏବଂ ଓଁକାରେଶ୍ୱରକୁ ଯୋଡ଼ୁଛି । ବାରାଣାସୀରୁ ଇନ୍ଦୋର ଯିବାକୁ ଥିବା କାଶି ମହାକାଳ ଏକ୍ସପ୍ରେସରେ ଭଗବାନ ଶିବଙ୍କ ପାଇଁ ଏକ ସିଟ ଖାଲି ରଖାଯାଇଛି । ତେବେ ଭଗବାନଙ୍କ ନାଁରେ ଏହି ସିଟ ଖାଲି ରଖିବାକୁ ନେଇ ଏଆଇଏମଆଇଏମର ମୁଖ୍ୟ ଅସଦୁଦ୍ଧିନ ୱବେସି ପ୍ରଶ୍ନ ଉଠାଇଛନ୍ତି । ସେ ଟ୍ୱିଟ କରି ଲେଖିଛନ୍ତି ସମ୍ବିଧାନରେ ସମସ୍ତ ଧର୍ମ ଏକ ପ୍ରକାର । ସମସ୍ତଙ୍କୁ ସମାନ ବ୍ୟବହାର କରାଯିବା ଉଚିତ । ଏହା ପୂର୍ବରୁ ଅସଦୁର୍ଦ୍ଧିନ ଧର୍ମ ଆଧାରରେ ମୋଦୀ ରାଜନୀତି କରୁଥିବାର ଆରୋପ ଲଗାଇଥିଲେ । ଯେଉଁଥିରେ ସିଏଏ ଏବଂ ଏନଆରସି ମଧ୍ୟ ସାମିଲ ଥିବା କହିଥିଲେ ୱବେସି । ସୂଚନା ମୁତାବକ ଏହି ଏକ୍ସପ୍ରେସର ୫ନମ୍ବର ବଗିର ୬୪ନମ୍ବର ସିଟକୁ ମନ୍ଦିର ଭାବେ ସଜା ଯାଇଛି । ଭଗବାନ ଶିବଙ୍କର ସେଠାରେ ଛୋଟ ମନ୍ଦିର ତିଆରି କରାଯାଇଛି । ଏହାଦ୍ୱାରା ଟ୍ରେନରେ ଯାତ୍ରା କରୁଥିବା ଯାତ୍ରୀ ଶିବଙ୍କ ଦର୍ଶନ କରିପାରିବେ ।
Comments are closed.