କଂଗ୍ରେସ ଉପରେ ବର୍ଷିଲେ ଆରଜେଡି ନେତା, କହିଲେ ନିର୍ବାଚନ ବେଳେ ସିମଲାରେ ପିକନିକ୍ କରୁଥିଲେ ରାହୁଲ ଗାନ୍ଧି

ନୂଆଦିଲ୍ଲୀ: ବିହାର ବିଧାନସଭା ନିର୍ବାଚନରେ ଆରଜେଡି ଅଧିକ ଆସନ ଜିତିଲା । କିନ୍ତୁ ମହାମେଣ୍ଟରେ ସହଯୋଗୀ କଂଗ୍ରେସର ଅଧିକାଂଶ ପ୍ରାର୍ଥୀ ଚିତପଡାଙ୍ଗ ମାରିଲେ । ଫଳରେ ମହାମେଣ୍ଟ ମ୍ୟାଜିକ ନମ୍ୱର ଛୁଇଂ ପାରିଲା ନାହିଁ । ସରକାର ଗଠନ କରି ନପାରିବାରୁ କଂଗ୍ରେସ ଉପରେ ବର୍ଷିଛନ୍ତି ଆରଜେଡି ନେତା ଶିବାନନ୍ଦ ତିଓ୍ୱାରୀ ।

ଶିବାନନ୍ଦ ସିଧାସଳଖ ରାହୁଲ ଗାନ୍ଧିଙ୍କୁ ଟାର୍ଗେଟ କରିଛନ୍ତି । ସେ କହିଛନ୍ତି, ବିହାରରେ ମହାଗଠବନ୍ଧନ ସରକାର ଗଠନରେ ବାଧା ହେଲା କଂଗ୍ରେସ । ୭୦ ଜଣ ପ୍ରାର୍ଥୀ ନିର୍ବାଚନ ଲଢ଼ିଥିଲେ । କିନ୍ତୁ କଂଗ୍ରେସ ୭୦ଟି ରାଲି ବି କଲା ନାହିଁ । ରାହୁଲ ଗାନ୍ଧି ବିହାରରେ କେବଳ ତିନିଟି ରାଲି କରିଥିଲେ । ପ୍ରିୟଙ୍କା ଗାନ୍ଧି ବି ଆସିଲେନି ।

#WATCH: RJD leader Shivanand Tiwari speaks on #BiharResults, says “…elections were in full swing & Rahul Gandhi was on picnic at Priyanka ji’s place in Shimla. Is party run like that? Allegations can be levelled that manner in which Congress is being run, it’s benefitting BJP.” pic.twitter.com/ZZXmndMJFh

— ANI (@ANI) November 15, 2020

ଶିବାନନ୍ଦ ତିଓ୍ୱାରୀ କହିଛନ୍ତି, ବିହାରରେ ନିର୍ବାଚନ ଘମାସାନ ଚାଲିଥିବା ରାହୁଲ ଗାନ୍ଧି ସିମଲାରେ ପ୍ରିୟଙ୍କା ଗାନ୍ଧିଙ୍କ ଘରେ ପିକନିକ ମନାଉଥିଲେ । ପ୍ରଶ୍ନ କରିଛନ୍ତି ପାର୍ଟି କଣ ଏମିତି ଚାଲେ । କଂଗ୍ରେସ ପାର୍ଟି ଯେଭଳି ଚାଲୁଛି, ତାର ଫାଇଦ ବିଜେପିକୁ ଯାଉଛି । କଂଗ୍ରେସକୁ ଏଥିପ୍ରତି ଚିନ୍ତା କରିବାର ଆବଶ୍ୟକତା ରହିଛି ବୋଲି କହିଛନ୍ତି ଶିବାନନ୍ଦ ତିଓ୍ୱାରୀ ।