କାନପୁର: ବର୍ବରତାର ସୀମା ପାର କଲା ଉତ୍ତରପ୍ରଦେଶ ପୋଲିସ । ଆଇନ କାନୁନର ପାଠ ପଢ଼ାଉଥିବା ପୋଲିସ ଭୁଲିଗଲା ମାନବିକତା । କାନପୁରରେ ପୋଲିସର ଏଭଳି ଏକ ଭିଡିଓ ସାମନାକୁ ଆସିଛି ଯାହାକୁ ନେଇ ସାରା ଦେଶରେ ନିନ୍ଦା କରାଯାଉଛି । ଭିଡିଓରେ ଜଣେ ପୋଲିସ କର୍ମଚାରୀ ଜଣେ ବ୍ୟକ୍ତିଙ୍କୁ ଲାଠିରେ ମାଡ଼ ମାରୁଛନ୍ତି । ଯାହାଙ୍କୁ ପିଟୁଛନ୍ତି ତାଙ୍କ କୋଳରେ ଏକ ଛୋଟ ଛୁଆ ଅଛି । ବାପାକୁ ନିର୍ଘାତ ପିଟୁଥିବା ବେଳେ ଛୋଟ ଛୁଆଟି ଜୋରରେ କାନ୍ଦୁଛି ।
ପାଖାପାଖି ଗୋଟିଏମ ମିନିଟର ଭିଡିଓରେ ଦେଖିବାକୁ ମିଳିଛି ପୋଲିସ ଗୋଡ଼େଇ ଗୋଡ଼େଇ ପିଟୁଥିବା ବେଳେ ସଂପୃକ୍ତି ବ୍ୟକ୍ତି ବାରମ୍ବାର ଅନୁରୋଧ କରୁଛନ୍ତି, ପିଲା ଦେହରେ ଲାଠି ବାଜିବ । ଦୟା କରି ମାରନ୍ତୁ ନାହିଁ ବୋଲି ଚିତ୍କାର ବି ପୋଲିକୁ ଗୁହାରି କରୁଛନ୍ତି । କିନ୍ତୁ ପୋଲିସ ବାବୁ ଶୁଣିବା ମୁଡରେ ନଥିଲେ । ପିଟି ଚାଲୁଥିଲେ । ଏହି ଭିଡିଓ ସୋସିଆଲ୍ ମିଡିଆରେ ଭାଇରାଲ୍ ହେବା ପରେ ପୋଲିସକୁ ଚାରିଆଡୁ କଡ଼ା ନିନ୍ଦା କରାଯାଉଛି ।
सशक्त कानून व्यवस्था वो है जहां कमजोर से कमजोर व्यक्ति को न्याय मिल सके।
यह नहीं कि न्याय मांगने वालों को न्याय के स्थान पर इस बर्बरता का सामना करना पड़े,यह बहुत कष्टदायक है।भयभीत समाज कानून के राज का उदाहरण नहीं है।
सशक्त कानून व्यवस्था वो है जहां कानून का भय हो,पुलिस का नहीं। pic.twitter.com/xoseGpWzZH
— Varun Gandhi (@varungandhi80) December 10, 2021
ଗତ ମଙ୍ଗଳବାର କାନପୁର ଜିଲ୍ଲା ମୁଖ୍ୟ ଚିକିତ୍ସାଳୟ ପରିସରରେ ଏହି ଘଟା ଘଟିଥିଲା । ଭିଡିଓ ଭାଇରାଲ୍ ପରେ ସଂପୃକ୍ତ ପୋଲିସ କର୍ମଚାରୀଙ୍କୁ ଚାକିରିରୁ ନିଲମ୍ବନ କରାଯାଇଛି । ତଦନ୍ତ ପରେ ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ହେବ ବୋଲି ଉତ୍ତରପ୍ରଦେଶ ପୋଲିସ କହିଛି ।
#Kanpurdehatpolice थाना अकबरपुर क्षेत्र के जिला अस्पताल में हुई घटना के सम्बंध में घनश्याम चौरसिया अपर पुलिस अधीक्षक कानपुर देहात द्वारा दी गई बाईट। pic.twitter.com/uY5X5t4L8D
— Kanpur Dehat Police (@kanpurdehatpol) December 9, 2021
ଥରେ ଭାବିଲେ ଯଦି ପୋଲିସ ବାବୁଙ୍କର ଲାଠି ସେହି ପିଲା ଦେହରେ ବାଜି ଥାଆନ୍ତା ତାହେଲେ କଣ ହୋଇ ଥାଆନ୍ତା । କେହି ଯଦି କିଛି ଭୁଲ କରିଛନ୍ତି ତାଙ୍କୁ ଅଦାଲତ ଶାସ୍ତି ଦେବେ । କିନ୍ତୁ ବିଚ୍ ରାସ୍ତାରେ ସର୍ବସମ୍ମୁଖରେ ଆଇନର ରକ୍ଷକ ବୋଲାଉଥିବା ପୋଲିସ ଯଦି ଏମିତି କାମ କରିବ ଲୋକ କାହା ଉପରେ ଭରସା କରିବେ ।