ମୁମ୍ବାଇ: କରୋନା ବିରୋଧୀ ଲଢେଇରେ ଏକାଧିକ କ୍ରମରେ ସହାୟତା ଦେବେ ବଲିଉଡ୍ ସୁପରଷ୍ଟାର୍ ଶାହରୁଖ ଖାନ୍ । ଗୋଟିଏ କି ଦୁଇଟି ନୁହେଁ ସାତସାତଟି ସଂସ୍ଥାଙ୍କୁ କରୋନା ବିରୋଧି ଲଢେଇରେ ସେ ସହଯୋଗ କରିବେ ।
In these times it’s imp to make everyone around u working tirelessly for u.. not related to u.. perhaps even unknown to u… to feel they are not alone and by themselves. Let’s just make sure we all do our little bit to look after each other. India and all Indians are One Family. https://t.co/LWz4wQGaPe
— Shah Rukh Khan (@iamsrk) April 2, 2020
ଏକ ଚିଠିରେ ଶାହରୁଖ ଜଣେଇଛନ୍ତି ‘କରୋନା ମହମାରୀ ସମୟରେ ଜଣା, ଅଜଣା ସମସ୍ତଙ୍କୁ ସହାୟତା କରିବା ଆମ ଧର୍ମ । ଆସନ୍ତୁ ସମସ୍ତେ ମିଳିମିଶି ପରସ୍ପର ଓ ଦେଶ ପାଇଁ କିଛି ଭଲ କରିବା । ଭାରତ ଓ ସମସ୍ତେ ଭାରତୀୟ ଗୋଟିଏ ପରିବାର’ ।
ଟୁଇଟ୍ ଜରିଆରେ ସେ ଘୋଷଣା କରିଛନ୍ତି ଯେ ତାଙ୍କର ଏକାଧିକ କମ୍ପାନୀ ପିଏମ୍ କେୟାର୍ସ ଫଣ୍ଡ ଓ ମହାରାଷ୍ଟ୍ର ସିଏମ୍ ରିଲିଫ୍ ପାଣ୍ଠିକୁ ବାଦ୍ ଦେଲେ ସ୍ୱାସ୍ଥ୍ୟକର୍ମୀଙ୍କ ପାଇଁ PPE କିଟ୍ସ, ଏସିଡ୍ ଆଟାକ୍ ସର୍ଭାଇଭର୍ସଙ୍କୁ ଆର୍ଥିକ ସହାୟତା, ଏକ୍ ସାଥ୍- ଦ ଆର୍ଥ ଫାଉଣ୍ଡେସନ, ରୋଟି ଫାଉଣ୍ଡେସନ୍ ଓ ୱାର୍କିଂ ପିପୁଲସ୍ ଚାର୍ଟରକୁ ସହାୟତା ଦେବେ ।
ଉଭୟ ପିଏମ୍ ଓ ସିଏମ୍ ପାଣ୍ଠିକୁ ସହଯୋଗ ରାଶିକୁ କିଙ୍ଗ ଖାନ୍ ଗୁପ୍ତ ରଖିଥିଲାବେଳେ KKR ଓ ମୀର୍ ଫାଉଣ୍ଡେସନ୍ ମିଳିତ ଭାବେ ପଶ୍ଚିମବଙ୍ଗ ଓ ମହାରାଷ୍ଟ୍ରର ୫୦ ହଜାର ସ୍ୱାସ୍ଥ୍ୟକର୍ମୀଙ୍କୁ ପିପିଇ କିଟ୍ସ ଯୋଗାଇଦେବ ।
କିଛିଦିନ ପୂର୍ବରୁ ପାକିସ୍ତାନକୁ ସହାୟତା କରିବା ନେଇ ଶାହରୁଖଙ୍କ ଏକ ପୁରୁଣା ଭିଡିଓ ସୋସିଆଲ୍ ମିଡିଆରେ ଭାଇରାଲ୍ ହୋଇଥିଲା । ଯାହାକୁ ନେଇ ଅନେକ ଲୋକ ତାଙ୍କୁ ସମାଲୋଚନା କରିଥିଲେ । ହେଲେ ସାତଟି କ୍ରମରେ ଏତେ ବଡ ମାତ୍ରାରେ ନିଜ ଦେଶକୁ ସହାୟତା ଘୋଷଣା କରି ସମାଲୋଚକଙ୍କ ମୁହଁ ବନ୍ଦ କରିଛନ୍ତି ଶାହରୁଖ ଖାନ ।