ସିଙ୍ଗାପୁର ୟୁନିଭରସିଟି ଅଫ ଟେକ୍ନୋଲୋଜିର ଗବେଷଣା ଅନୁସାରେ ଭାରତରୁ ୩୧ ଜୁଲାଇ ସୁଦ୍ଧା କରୋନା ଯିବ

ନୂଆଦିଲ୍ଲୀ: କରୋନା ଭାଇରସ ନେଇ ସିଙ୍ଗାପୁର ୟୁନିଭରସିଟି ଅଫ ଟେକ୍ନୋଲୋଜି ଆଣ୍ଡ ଡିଜାଇନ (ଏସୟୁଟିଡି) ପକ୍ଷରୁ ଏକ ଗବେଷଣା କରାଯାଇଛି । ଏଥିରେ କରୋନା ଭାଇରସର ପ୍ରଭାବ କେବେ ଶେଷ ହେବ ସେ ସମ୍ପର୍କରେ ଉଲ୍ଲେଖ ରହିଛି । ରିପୋର୍ଟ ମୁତାବକ ୨୬ ନଭେମ୍ବର ସୁଦ୍ଧା ସାରା ବିଶ୍ୱରେ କରୋନା ଭାଇରସ ପ୍ରଭାବ କମିଯିବ । ୪ ସେପ୍ଟମ୍ବର ସୁଦ୍ଧା ଆମେରିକା କରୋନା ମୁକ୍ତ ହେବ ।ସବୁଠାରୁ ବଡ କଥା କରୋନାର ପ୍ରଭାବ ଭାରତରେ ୨୪ ମେ ସୁଦ୍ଧା ୯୭ ପ୍ରତିଶତ, ୧୫ ଜୁନକୁ ୯୯ ପ୍ରତିଶତ ଏବଂ ୩୧ ଜୁଲାଇ ସୁଦ୍ଧା ସମ୍ପୂର୍ଣ୍ଣ ଭାବେ ଲୋପ ପାଇବ । ଗବେଷକ ମାନେ କରୋନା ଭାଇରସର ଜୀବନଚକ୍ର ଉପରେ ଗବେଷଣା କରି ଏହି ରିପୋର୍ଟ ପ୍ରସ୍ତୁତ କରିଛନ୍ତି । ଆଗାମୀ ସପ୍ତାହ କରୋନା ଭାଇରସ ସଂକ୍ରମଣ ପାଇଁ ଗୁରୁତ୍ୱପୂର୍ଣ୍ଣ । ଯଦି ଲୋକମାନେ ସଚେତନ ହେବେ ତାହାହେଲେ ଏହାର ଗ୍ରୋଥ ରେଟ ସମ୍ପୂର୍ଣ୍ଣ ଭାବେ କମିଯିବ ବୋଲି ରିପୋର୍ଟରେ କୁହାଯାଇଛି ।