ବାଲେଶ୍ଵର: ମାରାତ୍ମକ କରୋନା ଭାଇରସ ପାଇଁ ସାରା ବିଶ୍ୱରେ ଏକ ପ୍ରକାର ଆତଙ୍କ ଖେଳି ଯାଇଛି । ତେବେ ଚୀନ ସମେତ ଅନ୍ୟଦେଶରୁ ଓଡିଶା ଫେରିଥିବା ବାଲେଶ୍ଵର ଭୋଗରାଇ ଅଞ୍ଚଳର ୧୩ ଜଣଙ୍କର ବିଭିନ୍ନ ବିମାନ ବନ୍ଦରରେ ସମ୍ପୂର୍ଣ୍ଣ ଭାବେ ଯାଞ୍ଚ ପକ୍ରିୟା ଦେଇ ଗତି କରିବାକୁ ପଡିଛି ।
ଭୋଗରାଇ ଗୋଷ୍ଠି ସ୍ୱାସ୍ଥ୍ୟକେନ୍ଦ୍ରର ଏକ ଡାକ୍ତରୀଦଳ ବିଦେଶରୁ ଫେରିଥିବା ଏହି ୧୩ ଜଣଙ୍କୁ ପରୀକ୍ଷଣ କରିଛନ୍ତି । ଏହି ୧୩ ଜଣଙ୍କ ମଧ୍ୟରେ ୭ ଜଣ ଚୀନରେ, ୨ ଜଣ ଜାପାନରେ ଓ ୩ ଜଣ ସାଉଦି ଆରବରେ ରହୁଥିବା ବେଳେ ଆଉ ଜଣେ ଇଣ୍ଡୋନେସିଆରେ ରହୁଛନ୍ତି ।
ପ୍ରାପ୍ତ ସୂଚନା ଅନୁଯାୟୀ, ସେମାନଙ୍କ ପରିବାରକୁ କରୋନା ଭାଇରସର ଲକ୍ଷଣ ସମ୍ପର୍କରେ ଅବଗତ କରାଇବା ସହ ଏହାର ନିବାରଣ ସ୍ୱରୂପ ମୁଁହରେ ମାସ୍କ ପିନ୍ଧିବାକୁ ଡାକ୍ତରୀଦଳ ପରାମର୍ଶ ପ୍ରଦାନ କରିଛନ୍ତି।
Comments are closed.