ନୂଆଦିଲ୍ଲୀ: ସମାନ ପ୍ରଭାବିତ ଦେଶ ତୁଳନାରେ ଭାରତରେ କୋଭିଡ କାରଣରୁ ପ୍ରତି ମିଲିୟନ୍ ଜନସଂଖ୍ୟାରେ ମୃତ୍ୟୁ ସଂଖ୍ୟା କମ୍ ବୋଲି ସ୍ୱାସ୍ଥ୍ୟମନ୍ତ୍ରୀ ଅଶ୍ୱିନୀ କୁମାର ଚୌବେ ରବିବାର ରାଜ୍ୟସଭାକୁ କହିଛନ୍ତି।
କୌଣସି ପ୍ରତିଷ୍ଠିତ ଫାର୍ମାସ୍ୟୁଟିକାଲ୍ ହସ୍ତକ୍ଷେପ ନାହିଁ ଯାହା ସଂକ୍ରମଣର ଶୃଙ୍ଖଳାକୁ ଭାଙ୍ଗିପାରେ ବୋଲି ଚୌବେ କହିଛନ୍ତି । ଅଣ ଫାର୍ମାସ୍ୟୁଟିକାଲ୍ ହସ୍ତକ୍ଷେପ ଯେପରିକି ହାତ ଏବଂ ଶ୍ୱାସକ୍ରିୟା ସ୍ୱଚ୍ଛତା, ମାସ୍କ / ଫେସ୍ କଭର ପିନ୍ଧିବା, ଶାରୀରିକ ଦୂରତା ପଦକ୍ଷେପ, ବଡ଼ ସମାବେଶକୁ ରୋକିବା ଇତ୍ୟାଦି ସଂକ୍ରମଣର ଶୃଙ୍ଖଳାକୁ ଭାଙ୍ଗିବା ପାଇଁ ଏକମାତ୍ର ଉପକରଣ ବୋଲି ସେ କହିଛନ୍ତି ।
ଅନ୍ୟ ଦେଶ ତୁଳନାରେ ଭାରତରେ ପ୍ରାରମ୍ଭିକ ପର୍ଯ୍ୟାୟରେ କମ୍ ସଂଖ୍ୟା ସତ୍ତ୍ୱେ ବର୍ଦ୍ଧିତ ହାରରେ କୋଭିଡ ବିସ୍ତାର ହେବାର କାରଣ ଉପରେ ଏକ ପ୍ରଶ୍ନର ଉତ୍ତରରେ ସେ କହିଛନ୍ତି କେବଳ ସାମାଜିକ ସଚେତନତା ଏବଂ ଆଚରଣରେ ପରିବର୍ତ୍ତନ ଦ୍ୱାରା ଏହାକୁ ହରାଯାଇପାରିବ ବୋଲି ସେ କହିଛନ୍ତି ।
ଦେଶରେ କୋଭିଡ଼କୁ ରୋକିବା ପାଇଁ ସରକାର ବିପର୍ଯ୍ୟୟ ପରିଚାଳନା ଅଧିନିୟମ, ୨୦୦୫ ଅନୁଯାୟୀ ଲକଡାଉନ୍ ସମେତ ଅନେକ ପଦକ୍ଷେପ ନେଇଛନ୍ତି ବୋଲି ଚୌବେ ଦର୍ଶାଇଛନ୍ତି। ଏହା ଦ୍ୱାରା ମାମଲାଗୁଡ଼ିକର ଅଭିବୃଦ୍ଧି ହାର ହ୍ରାସ ପାଇଲା, ସାମାଜିକ ସଚେତନତା ବୃଦ୍ଧି ପାଇଲା ଏବଂ ଏହି ଅବଧି, ସ୍ୱାସ୍ଥ୍ୟ ଭିତ୍ତିଭୂମି ତଥା ସ୍ୱାସ୍ଥ୍ୟ କର୍ମଚାରୀଙ୍କ ଦକ୍ଷତା ବୃଦ୍ଧି ପାଇଁ ବ୍ୟବହୃତ ହୋଇଥିଲା ଯାହା ଏହି ରୋଗକୁ ପରିଚାଳନା କରିବାରେ ଦେଶକୁ ସମର୍ଥନ କରିଛି ବୋଲି ସେ କହିଛନ୍ତି । ତେଣୁ ଜନସଂଖ୍ୟା ଭିତ୍ତିରେ ପ୍ରତି ମିଲିୟନ୍ ଜନସଂଖ୍ୟାରେ ଦେଶରେ କୋଭିଡ ହେତୁ ମୃତ୍ୟୁ ଅନ୍ୟ ଦେଶ ତୁଳନାରେ କମ ବୋଲି ସେ ସୂଚନା ଦେଇଛନ୍ତି ।