ଭୁବନେଶ୍ୱର: କରୋନା ମୁକାବିଳା ପାଇଁ ଚାରିଆଡେ ଜାରି ରହିଛି ସଂଘର୍ଷ । ରାଜ୍ୟ ସରକାର ମଧ୍ୟ ଜୋର୍ସୋର ପ୍ରସ୍ତୁତି ଚଲାଇଛନ୍ତି । ଏହାରି ଭିତରେ ପିଡିଏସ୍ ଯୋଗାଣ ଓ ଅତ୍ୟାବଶ୍ୟକ ସାମଗ୍ରୀ ମହଜୁଦ ରଖିବା ନେଇ ଯୋଗାଣ ବିଭାଗର ତତ୍ପରତା ପ୍ରକାଶ ପାଇଛି । ଏଯାଏଁ ୩୦ ପ୍ରତିଶତ ହିତାଧିକାରୀଙ୍କ ଘରେ ପିଡିଏସ୍ ସାମଗ୍ରୀ ପହଂଚି ସାରିଲାଣି । ୧୦ ଦିନ ଭିତରେ ସବୁ ହିତାଧିକାରୀଙ୍କ ଘରେ ପିଡିଏସ୍ ସାମଗ୍ରୀ ପହଂଚି ବୋଲିି ରାଜ୍ୟ ଯୋଗାଣ ଓ ସମବାୟ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ କହିଛନ୍ତି ।
ଏଥିସହ ସେ ଆହୁରି କହିଛନ୍ତି ଯେ, ମାସେ ଯାଏଁ ଆମ ପାଖରେ ଅତ୍ୟାବଶ୍ୟକ ସାମଗ୍ରୀ ମହଜୁଦ ରହିଛି । କଳାବଜାରୀ ଉପରେ ବିଭାଗ କଡା ନଜର ରହିଛି ବୋଲି ସେ କହିଛନ୍ତି । ଏଭଳି ବିପର୍ଯ୍ୟୟ ସମୟରେ ସମବାୟ ବିଭାଗର କୋପରେଟିଭି ସଂସ୍ଥା ସିଏମ୍ଆର୍ଏଫ୍କୁ ଅନେକ ସଂସ୍ଥା ସହାୟତାର ହାତ ବଢ଼ାଇଛନ୍ତି ।
କଟକ ସେଂଟ୍ରାଲ କୋଅପରେଟିଭ ସଂସ୍ଥା ୫ କୋଟି ୩ ଲକ୍ଷ ସମବାୟ ବିଭାଗକୁ ଦେଇଛି । ସେହପରି ଭବାନୀପଟାଣା କୋପରେଟିଭ ସଂସ୍ଥା ୫ ଲକ୍ଷ ଓ ବଲାଙ୍ଗିର କୋପରେଟିଭି ସଂସ୍ଥା ୫ଲକ୍ଷ ଦେଇଛନ୍ତି ।
Comments are closed.