ଭଦ୍ରକ: ସୋମବାର ଦିନ ଭଦ୍ରକରେ ୧୧ଜଣ ବାଇକ ଚାଳକ କୋଭିଡ-୧୯ ଲକଡାଉନ ନିୟମର ଉଲ୍ଲଙ୍ଘନ କରି ଜରିମାନା ଭରିଛନ୍ତି । ଭଦ୍ରକ ଜିଲ୍ଲା ଆରଟିଓ ଲକଡାଉନ ନିୟମ ଉଲ୍ଲଙ୍ଘନକାରୀଙ୍କ ଠାରୁ ମୋଟ୍ ୬୭ହଜାର ଟଙ୍କା ସଂଗ୍ରହ କରିଛନ୍ତି ।
ଏହାପୂର୍ବରୁ ଆଜି ଜଣେ ବ୍ୟବସାୟୀଙ୍କୁ ଲକଡାଉନ ନିୟମ ଭାଙ୍ଗିବାରୁ ପୋଲିସ ଗିରଫ କରିଥିଲା । ଭଦ୍ରକ ଜିଲ୍ଲା ଗବା ସାହିର ସିମେଣ୍ଟ ଦୋକାନୀଙ୍କୁ ଜିଲ୍ଲା ପ୍ରଶାସନ ଦ୍ୱାରା କୋଭିଡ-୧୯କୁ ନେଇ ଜାରି ହୋଇଥିବା ନିୟମ ଉଲ୍ଲଙ୍ଘନ କରିଥିବା ଅଭିଯୋଗରେ ଗିରଫ କରାଯାଇଥିଲା ।