ବାଲେଶ୍ୱର: ବାଲେଶ୍ୱର ମୁଖ୍ୟ ଜିଲ୍ଲା ଚିକିତ୍ସା ଅଧିକାରୀ (ସିଡିଏମଓ) ଦୁଲାଲସେନ୍ ଜଗଦେବଙ୍କ ନେତୃତ୍ୱରେ ପାଞ୍ଚଟି ମେଡିକାଲ ଦଳ ରବିବାର ଦିନ ସହରର ଘରୋଇ ନର୍ସିଂହୋମ ଉପରେ ଚଢାଉ କରି କୋଭିଡ-୧୯ ପ୍ରୋଟୋକଲଗୁଡିକର ସଠିକ୍ କାର୍ଯ୍ୟକାରିତା ଯାଞ୍ଚ କରିଛନ୍ତି।
ସେମାନଙ୍କ ସହ ଅତିରିକ୍ତ ତହସିଲଦାର, ଡିଏସପି ଏବଂ ଜିଲ୍ଲା କୋଭିଡ ଦାୟିତ୍ୱରେ ଥିବା ଅଧିକାରୀ ରହିଥିଲେ ।
ପ୍ରାପ୍ତ ସୂଚନାନୁଯାୟୀ ପ୍ରଥମ ଦିନରେ ତିନୋଟି ନର୍ସିଂହୋମ ଯାଞ୍ଚ କରାଯାଇଥିଲା। ଏହି ଯାଞ୍ଚ ପ୍ରକ୍ରିୟା ଆଗାମୀ ସାତ ଦିନ ଯାଏଁ ଚାଲିବ। ଆହୁରି ମଧ୍ୟ ଏହି କାର୍ଯ୍ୟ ପାଇଁ ଡାକ୍ତରୀ ଦଳ ଗଠନ କରାଯାଇ ସେମାନଙ୍କୁ ତାଲିମ ଦିଆଯିବ ବୋଲି ସିଡିଏମଓ କହିଛନ୍ତି।
Comments are closed.