କେନ୍ଦୁଝର: ବିରି ପାଇଁ ଚାଲିଗଲା ଯୁବକଙ୍କ ଜୀବନ । ଗୋରୁ ବିରି ଖାଇବା ଘଟଣାକୁ ନେଇ ଘଟିଯାଇଛି ନୃଶଂସ ହତ୍ୟାକାଣ୍ଡ । ଏଭଳି ଏକ ଘଟଣାକୁ ନେଇ କେନ୍ଦୁଝର ଜିଲ୍ଲା କୋଡାକଳା ଗାଁ ଚର୍ଚ୍ଚାକୁ ଆସିଛି ।
ସବିଶେଷ ରିପୋର୍ଟ ଅନୁଯାୟୀ ଗୁରୁବାର ଅପରାହ୍ନରେ କୋଡାକଳା ଗାଁର ଜଗଦୀଶ ଦେହୁରୀ, ସାଗୁ ଦହୁରୀ ଓ ନୀଳ ଗିରି ପାଖ ଜଙ୍ଗଲରେ ଗାଈ ଚରାଉଥିଲେ । ସେହି ସମୟରେ ଏକାଧିକ ଗାଈ ଚଷା ଦେହୁରୀ ନାମକ ଜଣେ ବ୍ୟକ୍ତିଙ୍କ ଘର ଅଗଣାରେ ଥିବା ବିରି ବାଡିରେ ପଶି ବିରି ଖାଇଦେଇଥିଲେ । ଏହି ଘଟଣାରେ ଉତକ୍ଷିପ୍ତ ହୋଇ ଚଷା ଦେହୁରୀ ତିନିଜଣ ଗାଈ ଚରାଳିଙ୍କୁ ଟାଙ୍ଗିଆରେ ଆକ୍ରମଣ କରିଥିଲେ ।
ଜୀବନ ବଂଚାଇବାକୁ ସାଗୁ ଓ ଜଗଦୀଶ ଜଙ୍ଗଲକୁ ଦୌଡି ପଳାଇଥିଲେ । ହେଲେ ଚଷା ଦେହୁରୀ ନୀଳ ଗିରିଙ୍କୁ ଲକ୍ଷ କରି ଚଢେଇ ମରା ବାଟୁଳୀରେ ତୀର ଛାଡିଥିଲେ । ତୀରଟି ନୀଳ ଗିରିଙ୍କ ପେଟରେ ବାଜିବା ଫଳରେ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ଘଙ୍କିଥିଲା । ଏହି ଘଟଣା ସମ୍ପର୍କରେ ଜଗଦୀଶ ଓ ସାଗୁ ଗାଁ ଲୋକଙ୍କୁ ଜଣାଇବା ପରେ ସମସ୍ତେ ମିଳିତ ଭାବେ ପୋଲିସ ନିକଟରେ ଅଭିଯୋଗ କରିଥିଲେ । ଖବର ପାଇ ନୟାକୋଟ ପୋଲିସ ନୀଳ ଗିରିଙ୍କ ମୃତଦେହ ଜବତ କରିବା ସହ ଅଭିଯୁକ୍ତ ଚଷା ଦେହୁରୀଙ୍କୁ ଗିରଫ କରିଛି ।
Comments are closed.