ନୟାଗଡ଼: ମହାନଦୀ ପଠାରେ ଚାଲିଥିଲା ବାଘ ଛାଲ ଓ ହାତୀ ଦାନ୍ତ କିଣାବିକା ଡିଲ୍ । ଖବର ପାଇଁ ବେପାରୀ ବେଶରେ ପହଞ୍ଚିଥିଲା କ୍ରାଇମବ୍ରାଞ୍ଚ ଏସଟିଏଫ୍ । ଏତିକିବେଳେ ଦୁଇ ବନ୍ୟଜନ୍ତୁ ବେପାରୀଙ୍କୁ ବାନ୍ଧିଛି ଏସଟିଏଫ୍ । ସେମାନଙ୍କ ନିକଟରୁ ଜବତ ହୋଇଛି ଗୋଟିଏ କଲରାପତରିଆ ବାଘ ଛାଲ ଓ ଦୁଇଟି ହାତୀ ଦାନ୍ତ । ନୟାଗଡ଼ ଜିଲ୍ଲା ଗଣିଆ-ଚାମୁଣ୍ଡିଆ ରାସ୍ତାର ମା’ କଳପଟା ମନ୍ଦିର ନିକଟ ମହାନଦୀ ପଠାରେ ରେଡ୍ କରିଥିଲା ଏସଟିଏଫ୍ ।
ଗିରଫ ଅଭିଯୁକ୍ତମାନେ ହେଲେ କଟକ ଜିଲ୍ଲା ନରସିଂହପୁର ଥାନା ଅନ୍ତର୍ଗତ ଚକ୍ରଗଡ଼ ଗାଁର ରମେଶ ପ୍ରତିହାରୀ ଓ ନୟାଗଡ଼ ଜିଲ୍ଲା ଗଣିଆ ଥାନା ବେଠିଆ ସାହିର ବିମ୍ବାଧର ତାରେ । ଜବତ ବାଘ ଛାଲ ଓ ହାତୀ ଦାନ୍ତର ରସାୟନିକ ପରୀକ୍ଷଣ ପାଇଁ ଡେରାଡୁନ୍ ସ୍ଥିତ ଭାରତୀୟ ବନ୍ୟପ୍ରାଣୀ ପରୀକ୍ଷାଣ କେନ୍ଦ୍ରକୁ ପଠାଯାଇଛି ।
ଗତ ବର୍ଷେ ଭିତରେ କ୍ରାଇମବ୍ରାଞ୍ଚ ଏସଟିଏଫ୍ ସ୍ପେଶାଲ୍ ଡ୍ରାଇଭ ଜରିଆରେ ୧୩ଟି ବାଘ ଛାଲ, ୯ଟି ହାତୀ ଦାନ୍ତ, ୨ଟି ହରିଣ ଚମଡ଼ା, ୩ଟି ବଜ୍ରକାପ୍ତା ଜବତ କରିଛି । ବନ୍ୟଜନ୍ତୁ ଶିକାର ଓ ବେପାର ଅଭିଯୋଗରେ ୨୭ ଜଣଙ୍କୁ ଗିରଫ କରିଛି । ମୋଟ୍ ୧୫ଟି ମାମଲା ରୁଜୁ କରିଛି ଏସଟିଏଫ୍ ।
Comments are closed.