ନୂଆଦିଲ୍ଲୀ: ନାଗରିକତା ଆଇନ ବିରୋଧରେ ଗତ ଡିସେମ୍ବର ୧୫ ରୁ ଶାହିନବାଗରେ ବିରୋଧ କରୁଥିବା ବିକ୍ଷୋଭକାରୀଙ୍କୁ ପୋଲିସ ହଟାଇ ଦେଇଛି। ଦିଲ୍ଲୀ ଏବଂ ନୋଏଡାକୁ ସଂଯୋଗ କରୁଥିବା ଏହି ରାସ୍ତାରେ ଥିବା ତମ୍ବୁଗୁଡ଼ିକୁ ମଧ୍ୟ ପୋଲିସ ହଟାଇ ଦେଇଛି।
DCP South East:People at the protest site in Shaheen Bagh were requested today to clear the site as lockdown has been imposed. But after they refused, action was taken against violators as the assembly was unlawful. Protest site has been cleared.Some protestors have been detained https://t.co/lVgXzL9WD6 pic.twitter.com/0uBdwGHKMw
— ANI (@ANI) March 24, 2020
ମାରାତ୍ମକ କରୋନା ଭୂତାଣୁର ବ୍ୟାପକ ସଂକ୍ରମଣ ସତ୍ୱେ ମଧ୍ୟ ଏହି ବିକ୍ଷୋଭକାରୀ ମାନେ ଧର୍ମଘଟରେ ଥିଲେ। କରୋନା କାରଣରୁ ଦିଲ୍ଲୀ ସମେତ ସମଗ୍ର ଭାରତ ଲକଡାଉନ । ଏହା ସତ୍ତ୍ୱେ ମଧ୍ୟ ମଙ୍ଗଳବାର ଦିନ ଏଠାରେ ମହିଳାମାନେ ପୁନର୍ବାର ଏକାଠି ହେବା ଆରମ୍ଭ କରିଥିଲେ। ତେବେ ବିକ୍ଷୋଭକାରୀଙ୍କୁ ହଟାଇ ସେଠାରୁ ତମ୍ବୁ ଉପୁଡ଼ି ଦିଆଯାଇଥିବା ପୋଲିସ କହିଛି। କେତେକଙ୍କୁ ମଧ୍ୟ ଗିରଫ କରାଯାଇଥିଲା। ଶାହିନ୍ ବାଗରେ ମହିଳାମାନେ ଗତ ୧୦୦ ଦିନ ଧରି ଧର୍ମଘଟରେ ବସିଥିଲେ।
ମଙ୍ଗଳବାର ସକାଳେ ଶାହିନ୍ ବାଗରେ ବହୁମାତ୍ରାରେ ପୋଲିସ ଫୋର୍ସ ମୁତୟନ ହୋଇ ଧାରଣା ସ୍ଥଳରୁ ତମ୍ବୁକୁ ସମ୍ପୂର୍ଣ୍ଣ ହଟାଇ ଦେଇଛି। କରୋନା ଜୀବାଣୁକୁ ଦୃଷ୍ଟିରେ ରଖି ଦିଲ୍ଲୀରେ ଧାରା ୧୪୪ ଧାରା ଜାରି କରାଯାଇଛି । ଏହା ସତ୍ତ୍ୱେ ସେଠାରେ କିଛି ବିକ୍ଷୋଭକାରୀ ଏକତ୍ରିତ ହୋଇଥିଲେ।
ଜଣେ ପୋଲିସ ଦେଇଥିବା ସୁଚନା ଅନୁସାରେ “ଅନେକ ମହିଳା ଧର୍ମଘଟ କରିବାକୁ ଧାରଣାସ୍ଥଳକୁ ଆସିଥିଲେ । ଏଠାରେ ୧୪୪ ଧାରା ଲାଗୁ କରାଯାଇଥିବା କାରଣରୁ ଧର୍ମଘଟକ ବନ୍ଦ କରିବାକୁ ଆମେ ସେମାନଙ୍କୁ ବୁଝାଇଥିଲୁ । କିନ୍ତୁ ସେମନେ ରାଜି ହୋଇନଥିଲେ। ଏହା ପରେ ପୋଲିସ ସେମାନଙ୍କୁ ବଳପୂର୍ବକ ହଟାଇବାକୁ ବାଧ୍ୟ ହୋଇଥିଲା” ।
ଏହାପୂର୍ବରୁ ପୋଲିସ କେବଳ ଚାରି ଜଣଙ୍କୁ ୩୧ ମାର୍ଚ୍ଚ ପର୍ଯ୍ୟନ୍ତ ବସିବାକୁ ଅନୁମତି ଦେଇଥିଲା। ଏହା ମଧ୍ୟ କୁହାଯାଇଥିଲା ଯେ ଯଦି ସେଠାରେ ଚାରିରୁ ଅଧିକ ପ୍ରଦର୍ଶନ କରିବେ ତେବେ ସେମାନଙ୍କୁ ଗିରଫ କରାଯିବ। କରୋନା ଯୋଗୁଁ ବିକ୍ଷୋଭକାରୀଙ୍କୁ ଅଲଗା ଅଲଗା ବସିବାକୁ ମଧ୍ୟ କୁହାଯାଇଥିଲା।