ଭୁବନେଶ୍ବର:ବୟସ ବଢ଼ିବା ସହିତ ଆପଣଙ୍କ ଖାଦ୍ୟରେ ଫଳର ପରିମାଣ ବୃଦ୍ଧି କରିବା ଉଚିତ। ଆପଣଙ୍କ ଖାଦ୍ୟରେ ବିଭିନ୍ନ ପ୍ରକାରର ଫଳ ସାମିଲ କରିବା ଦେହ ପାଇଁ ଭଲ । ତେବେ ଆତ ସିଜନରେ ପ୍ରତିଦିନ ଗୋଟିଏ ଆତ ଖାଇବା ଉଚିତ। ଏହି ଆତ ଫଳ ଖାଇବା ଦ୍ବାରା ଶରୀରକୁ ଅନେକ ସ୍ୱାସ୍ଥ୍ୟ ଲାଭ ମିଳିଥାଏ। ।
ବିଶେଷକରି ଯେଉଁମାନେ ୪୫ ବର୍ଷରୁ ଅଧିକ ବୟସର ସେମାନେ ନିଶ୍ଚିତ ଭାବରେ ଆତ(Custard Apple) ଖାଇବା ଉଚିତ। ଆସନ୍ତୁ ଜାଣିବା ଆତ ଖାଇବାର ଲାଭ ବିଷୟରେ….
ଆତ ଏକ ବହୁତ ମିଠା ଏବଂ ସ୍ୱାଦିଷ୍ଟ ଫଳ । ଯାହା ସ୍ୱାସ୍ଥ୍ୟ ପାଇଁ ମଧ୍ୟ ଲାଭଦାୟକ। ଏହାର ଧଳା ପଲ୍ପ ଭିଟାମିନ୍ ସିର ଏକ ଭଲ ଉତ୍ସ। ଏହା ସହିତ, ଆତରେ ଭିଟାମିନ୍ ବି୬, ମ୍ୟାଗ୍ନେସିୟମ୍, ପୋଟାସିୟମ୍ ଏବଂ ପ୍ରାକୃତିକ ଫାଇବର ଥାଏ, ଯାହା ରୋଗ ପ୍ରତିରୋଧକ ଶକ୍ତିକୁ ସୁଦୃଢ଼ କରିବାରେ ସାହାଯ୍ୟ କରେ। ଏଥିରେ ଅଧିକ ଫାଇବର ଥିବାରୁ, ଏହା ପାଚନ ପ୍ରକ୍ରିୟାକୁ ଉନ୍ନତ କରେ ଏବଂ କୋଷ୍ଠକାଠିନ୍ୟରୁ ମୁକ୍ତି ଦିଏ।
ଆତରେ ଭିଟାମିନ୍ ସି ରହିଛି, ଯାହା ଆମ ଶରୀରରେ ଥିବା ଫ୍ରି ରାଡିକାଲ୍ସକୁ ଦୂର କରିଥାଏ। ଏହା ସ୍କିନର ବୟସ ବୃଦ୍ଧି ପ୍ରକ୍ରିୟାକୁ ଧୀର କରିଥାଏ ଏବଂ ସଂକ୍ରମଣ ବିରୁଦ୍ଧରେ ସୁରକ୍ଷା ପ୍ରଦାନ କରିଥାଏ। ଆତର ଆଣ୍ଟିଏଜିଙ୍ଗ ଫଳ ଯାହାକୁ ଆପଣ ନିଶ୍ଚିତ ଭାବରେ ଆପଣଙ୍କ ଖାଦ୍ୟରେ ସାମିଲ କରିବା ଉଚିତ।
ଆତରେ ମ୍ୟାଗ୍ନେସିୟମ୍ ବହୁତ ଅଧିକ ଥାଏ, ଯାହା ହୃଦୟ ମାଂସପେଶୀକୁ ଆରାମ ଦେବାରେ ସାହାଯ୍ୟ କରେ। ଏହା ରକ୍ତଚାପକୁ ନିୟନ୍ତ୍ରଣ କରିବାରେ ସାହାଯ୍ୟ କରେ। ଆତ କ୍ୟାଲସିୟମ ଶୋଷଣକୁ ମଧ୍ୟ ଉନ୍ନତ କରେ ।
ଆତରେ ଫାଇବର ବହୁତ ଅଧିକ ଥାଏ, ଯାହା ଆପଣଙ୍କ ଦୈନନ୍ଦିନ ଫାଇବର ଆବଶ୍ୟକତା ପୂରଣ କରିବାରେ ସାହାଯ୍ୟ କରିପାରେ। ଫାଇବର ଥିବାରୁ ଆତ ପାଚନ ପ୍ରଣାଳୀକୁ ମଜବୁତ କରିଥାଏ, କୋଷ୍ଠକାଠିନ୍ୟ ଦୂର କରିଥାଏ ।
ସମସ୍ତେ ସୀମିତ ପରିମାଣରେ ଆତ ଖାଇପାରିବେ। ଏଥିରେ ସୁଗାର ପରିମାଣ ଅଧିକ ଥାଏ, ତେଣୁ ମଧୁମେହ ରୋଗୀମାନେ ଏହି ଫଳ ସେବନ କରିବା ଅନୁଚିତ୍ ।
Comments are closed.