ଭୁବନେଶ୍ୱର : ଓଡିଶାର ୪ଜଣ ବିଶିଷ୍ଟ ସାହିତ୍ୟିକଙ୍କୁ ୨୦୧୮ ଲାଗି ‘କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର’ ଘୋଷଣା କରାଯାଇଛି ।
ପ୍ରଖ୍ୟାତ ସାହିତ୍ୟିକ ଡ.ଦାଶରଥି ଦାସ ତାଙ୍କର ପୁସ୍ତକ ‘ପ୍ରସଙ୍ଗ ପୁରୁଣା ଭାବନା ନୂଆ’ ଲାଗି କେନ୍ଦ୍ର ସାହିତ୍ୟ ଏକାଡେମୀ ୨୦୧୮ ମନୋନୀତ ହୋଇଛନ୍ତି । ସେହିପରି ଡ.ଗଗନେନ୍ଦ୍ର ନାଥ ଦାଶଙ୍କୁ ସାହିତ୍ୟ ଏକାଡେମୀ ଭାଷା ସମ୍ମାନ ପ୍ରଦାନ ଲାଗି ଚୟନ କରାଯାଇଛି ।
ଆହୁରି ମଧ୍ୟ ପ୍ରଫୁଲ୍ଲ ତ୍ରିପାଠୀ ଓ ହଳଧର ନାଗଙ୍କୁ କୋଶଳି-ସମ୍ବଲପୁରୀ ଭାଷା ସମ୍ମାନ ପ୍ରଦାନ ପାଇଁ ଘୋଷଣା କରାଯାଇଛି ।
ଏହି ସମ୍ମାନ ୧୯୪୮ ମସହାରୁ ପ୍ରଦାନ କରାଯାଇ ଆସୁଅଛି ଏବଂ ଏଥିରେ ୧ଲକ୍ଷ ଟଙ୍କାର ପୁରସ୍କାର ରାଶି ପ୍ରଦାନ କରାଯାଇଥାଏ । ପ୍ରତିବର୍ଷ ଏହି କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର ବିଶିଷ୍ଟ ଲେଖକମାନଙ୍କୁ ସେମାନଙ୍କର ସାରସ୍ୱତ ସାଧନା ଲାଗି ପୁରସ୍କୃତ କରାଯାଇଥାଏ ।