ନଏଡା: ଛୋଲେ ନେଇଗଲା ଜୀବନ । ଛୋଲେ ପାଇଁ ଉତ୍ତରପ୍ରଦେଶ ନଏଡାର ଏକ ଭଡା ଘରେ ଦୁଇ ଜଣ ବ୍ୟକ୍ତିଙ୍କର ମୃତ୍ୟୁ ହୋଇଛି । ଯାହାକୁ ନେଇ ପୋଲିସ କହିଛି ଯେ ଶନିବାର ଦିନ ଉତ୍ତର ପ୍ରଦେଶର ନୋଏଡାରେ ଦୁଇ ଜଣ ବ୍ୟକ୍ତିଙ୍କର ଭଡା ଘରୁ ମୃତଦେହ ମିଳିଛି । ରାତିସାରା ଗ୍ୟାସରେ ଛୋଲେ ଗରମ ହେଉଥିବାରୁ ଶ୍ବାସରୁଦ୍ଧରେ ଦୁଇ ଜଣଙ୍କର ମୃତ୍ୟୁ ହୋଇଛି ।
ତେବେ ମୃତକଙ୍କ ମଧ୍ୟରେ ୨୨ ବର୍ଷୀୟ ଉପେନ୍ଦ୍ର ଏବଂ ୨୩ ବର୍ଷୀୟ ଶିବମ୍ ରହିଛନ୍ତି । ନଏଡାର ସେକ୍ଟର ୭୦ରେ ଥିବା ତାଙ୍କର ଭଡା ଘରୁ ତାଙ୍କର ମୃତ ଦେହ ମିଳିଛି । ପୋଲିସର ସୂଚନା ଅନୁଯାୟୀ, ଦୁହେଁ ଏକ ଖାଇବା ଠେଲା ମିଶିକି ଚଲାଉଥିଲେ । ଯେଉଁଥିରେ ସେମାନେ ଛୋଲେ କୁଲଚେ ଏବଂ ଭଟୁରେ ପ୍ରସ୍ତୁତ କରି ବିକ୍ରି କରୁଥିଲେ । ରବିବାର ସକାଳେ ତାଙ୍କ ଘର ବାହାରେ ଧୂଆଁମୟ ହୋଇଥିବାରୁ ପଡୋଶୀମାନଙ୍କ ମଧ୍ୟରେ ସନ୍ଦେହ ସୃଷ୍ଟି କରିଥିଲା । ପରେ ପଡ଼ୋଶୀମାନେ କବାଟ ଭାଙ୍ଗିବାରୁ ସେଠାରେ ଉଭୟଙ୍କୁ ଚେତାଶୂନ୍ୟ ଅବସ୍ଥାରେ ପାଇଥିଲେ । ପରେ ସେକ୍ଟର ୩୯ ସ୍ଥିତ ଜିଲ୍ଲା ହସ୍ପିଟାଲକୁ ସେମାନଙ୍କୁ ତୁରନ୍ତ ନିଆଯାଇଥିଲା, ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
ତେବେ ପୋଲିସର କହିବା ଅନୁଯାୟୀ, ଦୁହେଁ ଶୋଇବା ପୂର୍ବରୁ ଗ୍ୟାସ ଚୁଲାରେ ରୋଷେଇ ପାଇଁ ଛୋଲେ ବସେଇଥିଲେ । ହେଲେ ପରେ ଗ୍ୟାସ ବନ୍ଦ କରିବାକୁ ଭୁଲି ଯାଇଥିଲେ । ଫଳରେ ରାତି ସାରା ଗ୍ୟାସ ଚାଲିଥିବା ଯୋଗୁଁ, ଛୋଲେ ପୋଡି ଧୂଆଁ ହୋଇଯାଇଥିଲା । ଯେଉଁଥିରେ ପୂରା କୋଠରୀରେ ଧୂଆଁ ଭର୍ତ୍ତି ହେବା କାରଣରୁ ଶ୍ବାସରୁଦ୍ଧ ହୋଇ ଦୁଇଜଣଙ୍କର ମୃତ୍ୟୁ ହୋଇଛି ।