କରାଚୀ: ଅନ୍ତର୍ଜାତୀୟ ଟେଷ୍ଟ ଏବଂ ଦିନିକିଆ କ୍ରିକେଟର ପଦାର୍ପଣ ମ୍ୟାଚରେ ଶତକ ହାସଲ କରି ପାକିସ୍ତାନ ଓପନର ଆବିଦ ଅଲୀ ବିଶ୍ୱରେକର୍ଡ ସ୍ଥାପନ କରିଛନ୍ତି ।
ଶ୍ରୀଲଙ୍କା ବିପକ୍ଷ ପ୍ରଥମ ଟେଷ୍ଟରେ ସେ ଏହି କୀର୍ତିମାନ ସ୍ଥାପନ କରିଛନ୍ତି । ଅନ୍ତର୍ଜାତୀୟ କ୍ରିକେଟର ଟେଷ୍ଟ ଏବଂ ଦିନିକିଆ ମ୍ୟାଚରେ କେବଳ ମହିଳା କ୍ରିକେଟର ଏନିଡ ବେକୱେଲ ଶତକ ମାରିଥିଲେ । କୌଣସି ପୁରୁଷ ଖେଳାଳି ଏହି ସଫଳତା ହାସଲ କରି ନାହାନ୍ତି ।
୩୨ ବର୍ଷୀୟ ଆବିଦ୍ ଅଷ୍ଟ୍ରେଲିଆ ବିପକ୍ଷ ଦିନିକିଆ ପଦାର୍ପଣ ମ୍ୟାଚରେ ଶତକ ହାସଲ କରିଥିଲେ । ଶ୍ରୀଲଙ୍କା ବିପକ୍ଷ ଟେଷ୍ଟରେ ସେ ୧୦୯ ରନ କରି ଅପରାଜିତ ରହିଛନ୍ତି ।
Comments are closed.