ନୂଆଦିଲ୍ଲୀ: ଆଇଏନଏକ୍ସ ମିଡ଼ିଆ ଦୁର୍ନୀତି ମାମଲାରେ ପୂର୍ବରୁ ଗିରଫ ହୋଇଥିବା ପୂର୍ବତନ ଅର୍ଥମନ୍ତ୍ରୀ ପି. ଚିଦାମ୍ବରମଙ୍କ ଜାମିନ ଆବେଦନକୁ ଦିଲ୍ଲୀ ହାଇକୋର୍ଟ ସୋମବାର ଦିନ ଖାରଜ କରିଦେଇଛନ୍ତି ।
ଏନେଇ ଏକ ଜାତୀୟ ଗଣମାଧ୍ୟମ ରିପୋର୍ଟରୁ ଜଣାପଡିଛି ।
INX media case: Delhi High Court rejects the regular bail petition of Congress leader P Chidambaram in CBI case. He is currently lodged in Tihar jail under CBI judicial custody. pic.twitter.com/I3YoFWqrLX
— ANI (@ANI) September 30, 2019
ଆହୁରି ମଧ୍ୟ ଚିଦାମ୍ବରମଙ୍କୁ ଜାମିନ ମିଳିଲେ ସେ ସାକ୍ଷୀ ମାନଙ୍କୁ ପ୍ରଭାବିତ କରିବାର ଆଶଙ୍କା ରହିଥିବା ଦର୍ଶାଇ କୋର୍ଟ ତାଙ୍କ ଜାମିନ ଆବେଦନକୁ ଖାରଜ କରିଛନ୍ତି ।
ବର୍ତ୍ତମାନ ସମୟରେ ଚିଦାମ୍ବରମ ତିହାର ଜେଲରେ ଦିନ କାଟୁଥିବା ବେଳେ ଏହି ଜାମିନ ଆବେଦନ ଖାରଜ ହେବାପରେ ତାଙ୍କୁ ଜେଲରେ ହିଁ ରହିବାକୁ ପଡିବ ।
ସୂଚନାନୁଯାୟୀ, ୨୦୦୭ ମସିହାରେ ଚିଦାମ୍ବରମ ଏୟାରସେଲ୍-ମାକ୍ସିସ୍ ଚୁକ୍ତିରେ ନିଜ ପଦବୀର ଦୁରୋପଯୋଗ କରିଥିବା ନେଇ କୋର୍ଟରେ ପ୍ରବର୍ତ୍ତନ ନିର୍ଦ୍ଦେଶାଳୟ ଦର୍ଶାଇଥିଲା । ଏପରିକି ଏନେଇ ସମ୍ପୂର୍ଣ୍ଣ ପ୍ରମାଣ ମଧ୍ୟ ରହିଛି, ଏଭଳି ସ୍ଥଳେ ତାଙ୍କୁ ଜାମିନ ଦିଆଗଲେ ପ୍ରମାଣ ନଷ୍ଟ କରିବାର ଆଶଙ୍କା ରହିଥିବା ନେଇ ଇଡି କୋର୍ଟରେ ଦର୍ଶାଇଥିଲା । ଏହି ଘଟଣାରେ ପୁଆ କାର୍ତ୍ତି ଚିଦାମ୍ବରମ୍, ଆଇଏନଏକ୍ସର ସହ ପ୍ରତିଷ୍ଠାତା ପିଟର ଓ ଚନ୍ଦ୍ରାଣୀ ମୁଖାର୍ଜି ମଧ୍ୟ ସମ୍ପୃକ୍ତ ରହିଥିଲେ । ଆହୁରି ମଧ୍ୟ ଉଭୟ ପିଟର ଓ ଚନ୍ଦ୍ରାଣୀ ମୁଖାର୍ଜି ବହୁ ଚର୍ଚ୍ଚିତ ଶୀନା ବୋରା ହତ୍ୟାକାଣ୍ଡ ମାମଲାରେ ମୁମ୍ବାଇ ଜେଲରେ ଦିନ କାଟୁଛନ୍ତି ।