ଦିଲ୍ଲୀରେ ଦିୱାଲୀ ପରେ ୬ରୁ ୮ଶ୍ରେଣୀ ବିଦ୍ୟାଳୟ ଖୋଲିବା ପାଇଁ ଆଜି ଚୂଡ଼ାନ୍ତ ନିଷ୍ପତି

ଦିଲ୍ଲୀ: ଦିଲ୍ଲୀ ସରକାର ୬ରୁ ୮ ଶ୍ରେଣୀରେ ପଢ଼ୁଥିବା ପିଲାମାନଙ୍କ ପାଇଁ ସ୍କୁଲ ଖୋଲିବାର ସମ୍ଭାବନା ରହିଛି। ଦିଲ୍ଲୀ ବିପର୍ଯ୍ୟୟ ପରିଚାଳନା ପ୍ରାଧୀକରଣ ଆଜି ସରକାରଙ୍କ ସହ ଏକ ବୈଠକ କରିବ। ଛୋଟ ପିଲାଙ୍କ ପାଇଁ ଶାରିରୀକ କ୍ଲାସ ଆରମ୍ଭ କରିବା ପୂର୍ବରୁ ବିଶେଷଜ୍ଞଙ୍କ ମତାମତ ନିଆଯିବ। ଦିଲ୍ଲୀ ବିଦ୍ୟାଳୟଗୁଡ଼ିକ ୯ରୁ ୧୨ଶ୍ରେଣୀ ପର୍ଯ୍ୟନ୍ତ ଖୋଲା ରହିଛି।

୬ରୁ ୮ ଶ୍ରେଣୀ ପାଇଁ ବିଦ୍ୟାଳୟଗୁଡ଼ିକ ପୁନଃ ଆରମ୍ଭ ବିଷୟରେ ନିଷ୍ପତି ନେବାକୁ ଏକ ବିଶେଷଜ୍ଞ ପ୍ୟାନେଲ ଗଠନ କରାଯାଇଥିଲା। ଯାହା ଶାରିରୀକ ଶ୍ରେଣୀ ପୁନଃ ଖୋଲିବାକୁ ପରାମର୍ଶ ଦେଇଛି। ତଥାପି ଶାରିରୀକ କ୍ଲାସରେ ଯୋଗଦେବା ବାଧ୍ୟତାମୂଳକ ହେବନାହିଁ। ନିର୍ଦ୍ଦେଶାବଳୀ ଅନୁସାରେ କ୍ଲାସରେ ଛାତ୍ରଛାତ୍ରୀ ପଢ଼ିବା ପାଇଁ ପିତାମାତାଙ୍କ ପରାମର୍ଶ ନେବାକୁ ପଡ଼ିବ। ଦିଲ୍ଲୀର ବିଭିନ୍ନ ବିଦ୍ୟାଳୟଗୁଡ଼ିକ ଶେଷରେ ୯ରୁ ୧୨ରେ ଶାରିରୀକ କ୍ଲାସରେ ପଢ଼ୁଥିବା ଛାତ୍ରଛାତ୍ରୀଙ୍କ ସଂଖ୍ୟା ବୃଦ୍ଧି ହେଉଥିବା ଦେଖିବାକୁ ମିଳିଛି। ସିନିଅର କ୍ଲାସ ପରି ଜୁନିଅର କ୍ଲାସରେ ମଧ୍ୟ ଅନଲାଇନ୍ କ୍ଲାସ ଓ ଅଫଲାଇନ୍ କ୍ଲାସ ସମାନ୍ତରାଳଭାବେ ଚାଲିବ।

ବିଦ୍ୟାଳୟଗୁଡ଼ିକରେ କୋଭିଡ଼ ନିୟମ ଅନୁଯାୟୀ, ମାସ୍କ ପିନ୍ଧିବା, କ୍ୟାମ୍ପସ୍ ପରିଷ୍କାର ପରିଚ୍ଛନ୍ନ ରଖିବା, ଶ୍ରେଣୀ ଭିତରେ ସାମାଜିକ ଦୂରତା ରଖିବା ଉପରେ ଗୁରୁତ୍ୱ ଦିଆଯିବ। ଏହାସହ ସର୍ବସାଧାରଣ ସମାବେଶ ଉପରେ ପ୍ରତିବନ୍ଧକ ସହିତ କାର୍ଯ୍ୟ କରିବାକୁ ଅନୁମତି ଦିଆଯିବ।

ଗତବର୍ଷ ଅକ୍ଟୋବରରେ ଅନେକ ରାଜ୍ୟ ବିଦ୍ୟାଳୟଗୁଡ଼ିକର ଆଂଶିକ ଖୋଲିବା ଆରମ୍ଭ କରିଥିବାବେଳେ ଦିଲ୍ଲୀ ସରକାର ଚଳିତ ବର୍ଷ ଜାନୁଆରୀରେ କେବଳ ୯-୧୨ ଶ୍ରେଣୀ ଖୋଲିବା ପାଇଁ ଶାରୀରିକ ଶ୍ରେଣୀ ଅନୁମତି ଦେଇଥିଲେ। ଯାହା ଆକ୍ରମଣାତ୍ମକ ଦିତୀୟ ଲହରୀ ସମୟରେ କୋଭିଡ଼-୧୯ ମାମଲାଗୁଡ଼ିକର ବୃଦ୍ଧି ପରେ ପୁନର୍ବାର ସ୍ଥଗିତ ରହିଥିଲା। ଜାତୀୟ ରାଜଧାନୀରେ କୋଭିଡ଼-୧୯ ପରିସ୍ଥିତିରେ ଉଲ୍ଲେଖନୀୟ ଉନ୍ନତି ପରେ ସେପ୍ଟେମ୍ବର ୧ରୁ ଦିଲ୍ଲୀ ସରକାର ୯ରୁ ୧୨ଶ୍ରେଣୀ, କଲେଜ ଏବଂ କୋଚିଂ ପ୍ରତିଷ୍ଠାନ ପାଇଁ ବିଦ୍ୟାଳୟ ଖୋଲିବାକୁ ଘୋଷଣା କରିଥିଲେ।